The Holy Bible, containing the Old and New Testaments, with the Apocryphal books,

CAP. III.

[verse 1] Thes ben the generaciouns of Aaron and of Moyses, in the day that the Lord spak to Moises, in the mownt of Synay. [verse 2] And thes the names of the sones of Aa|ron; the first goten of hym Nadab; aftir|ward, Abyu, and Eliazar, and Ythamar; [verse 3] thes the names of the sones of Aaron, prestis, that ben anoynt, and of whom the hoondes fulfillid and sacrid ben, that thei vsen preesthod. [verse 4] Nadab and Abyu dieden, whanne thei offerden alien fier in the siȝt of the Lord, in desert of Synay, with outen free children; and Eliazar and Ythamar vseden preesthod before Aaron her fader. [verse 5] And the Lord spak to Moyses, [verse 6] seiynge, Sett [sett to BDEH.] the lynage of Leuy, and mak stonde in the siȝt of Aaron [Om. E sec. m.] , the [verse 7] preest, that thei mynystren to him; and waken, and weyten aboute al thing that to the heryynge perteyneth of the multi|tude, before the tabernacle of witness|ynge; [verse 8] and that thei kepen the vessels of the tabernacle, seruynge in the seruyce [seruyses E.] of hym. [verse 9] And thow shalt ȝyue bi ȝiftis [ȝifte BDEFH.] Leuytes to Aaron, and to the sones of hym, to the whiche thei ben take of the sones of Yrael. [verse 10] Aaron forsothe and his sones

thow shalt ordeyne vpon the heriynge of preesthod; of another kynrede that goth to mynystre, he shal die. [verse 11] And the Lord [verse 12] spak to Moyses, seiynge, I toke the Le|uytes fro the sones of Yrael for al the firste geten that openeth the wombe in the sones of Yrael; and thei shulen be my [verse 13] Leuytes, myn is forsothe al the first goten; sithen I smoot the first gotun in the loond of Egipte, I halowide to me al thing that is first born in Yrael; fro man vnto beeste myn thei ben; I the Lord. [verse 14] And the Lord spak to Moyses, in [verse 15] desert of Synay, seiynge, Noumbre the sones of Leuy, bi the howses of her fa|ders, and meyneis, eche maal from a [OO BDEFH.] moneth and aboue. [verse 16] And Moyses noum|bred, as the Lord comaundide. [verse 17] And there ben founden the sones of Leuy, bi her names, Gerson, and Caath, and Merary; [verse 18] the sones of Gerson, Lebyn, and Semey; [verse 19] the sones of Caath, Amram, and Jessaar, [verse 20] and Ebron, and Osiel; the sones of Me|rary, Mooly, and Musy. [verse 21] Of Gerson weren twey meyneis, Lebyntica, and Semetica; [verse 22] of the whiche is noumbrid a puple of maal kynde, fro o moneth and aboue, se|uen thowsyndes and fyue hundred. [verse 23] Thes after the tabernacle shulen sette tentis at [verse 24] the west, vndur the prince Eliasaph, the sone of Jael. [verse 25] And thei shulen haue wacches in the tabernacle of the boond of pees, thilke [thuke E.] tabernacle, and his couertour, the tente that is drawen before the ȝates of the roof of witnessynge of boond of pees; [verse 26] and the cortyns of the porche, and the tente that is hongid in the entre of the porche of the tabernacle, and al thing that to the rijt of the auter perteyneth, the coordes of the tabernacle, and alle vsable thinges of it. [verse 27] The kynred of Caath shal haue the puples Amramytas, Jessaa|rytas, [verse 28] and Ebronytis, and Esielites; thes ben the meyneis of Caatices, noumbrid bi

her names, of al maal kynd, fro a [O E.] moneth and aboue, eiȝt thousyndes and six hun|drith. [verse 29] And thei shulen haue bisy wardes of the seyntuarie, and thei shulen sette [verse 30] tentes at the sowth plage; and the prince of hem shal be Elyzaphan, the sone of Oziel [Oriel A.] . [verse 31] And thei shulen kepe the ark, and the table, and the candelstik, the auters, and the vessels of the seyntuarie in the which it is mynystryd, and the veyl, and al siche maner purtenaunce. [verse 32] The prince forsothe of the princes of Leuytes, Elea|zar, the sone of Aaron, preest [the preest E pr. m.] ; and he shal be vpon the wakers of the warde of the seyntuarie. [verse 33] And forsothe of Merarye shal be puples, Moolites [in Moolites D.] , and Musites, [verse 34] noumbred bi her names, of al maal kynde fro o moneth and aboue, six thousyndes [verse 35] and two hundreth; the prynce of hem Suryel, the sone of Abiahiel; in the north plage thei shulen sette tentes. [verse 36] There shulen be vnder the warde of hem the tables of the tabernacle, and the berynge staues, and the pilers, and the feet [footes E.] of hem, and alle thinges that to suche maner [a maner BDEFH.] [verse 37] heriynge perteynen [peteynen A.] , and the pilers of the porche bi enuyroun, with her feet, and the stakis, with the coordes. [verse 38] Thei shulen sette tentes before the tabernacle of the boond of pees, that is, at the eest plage, Moyses, and Aaron with his sones, hau|ynge warde of the seyntuarye, in the mydil of the sones of Yrael; `who so [whose BEFH.] euer [er E.] alien come ther to, shal die. [verse 39] Alle the Leuytes, the whiche noumbreden Moises and Aaron, after the heest of the Lord, bi her meyneis, in maal kynde, fro o moneth and aboue, weren two and twenti thousyndes. [verse 40] And the Lord seith to Moyses, Noumbre the firste geten of maal kynde of the sones of Israel, fro o moneth and aboue; and thou shalt haue the sowm of

[verse 41] hem; and thou shalt take Leuitis to me for alle the first gotyn of the sones of Israel; I am the Lord; and the beestis of hem for alle the first gotyn of the sones of Israel. [verse 42] And Moises tolde, as the Lord comaundide, the first goten of the sones [verse 43] of Israel; and there weren maalis bi her names, fro o moneth and aboue, two and twenti thousandis two hundrid and se|uenti and thre. [verse 44] And the Lord spak to [verse 45] Moises, seiynge, Tak Leuites for the first goten of the sones of Yrael, and the beestis of Leuytes for the beestis of hem, and Leuytes shulen be myn; I am the Lord. [verse 46] In the prijs forsothe of two hundrith seuenti and thre, that passen the noumbre of Leuytes, of the fyrst gotun of the sones [verse 47] of Yrael, thow shalt take fyue siclis bi eche heedes, at the mesure of the seyntu|arie; [verse 48] a cicle hath twenti halfpens; and thou shalt ȝyue the money to Aaron and his sones, the prijs of hem that ben aboue. [verse 49] Therfor Moyses toke the money of hem that weren more ouer, and the whiche thei aȝenbouȝten of the Leuytes, for the first [verse 50] gotun of the sones of Yrael, of a thousynd thre hundrid and fyue and sixti sicles, [verse 51] after the weiȝt of the seyntuarie; and he ȝaue it to Aaron and his sones, after the word that the Lord comaundide to hym.