west plage forsothe shal begynne fro the greet see, and with that his eend shal be closid. [verse 7] Forsothe to the north plage, fro the greet see teermes shulen begynne, ful [verse 8] comynge vnto the moost hiȝe hil, fro the which thei shulen come into Emath, vnto [verse 9] the eendis of Sedeba; and the nyȝ coostis shulen go vnto Effrona, and the town of Enan. [verse 10] Thes shulen be the teermes in the part of the north. Thens shulen be sett the eendis aȝens the eest plage, fro the [verse 11] toun of Henam vnto Sephama [Sepham A.] ; and fro Sephama the termes shulen descende vnto Reblath, aȝens the welle of Daphym; thens thei shulen come aȝens the eest to [verse 12] the see of Cenereth; and thei shulen stretche vnto Jordan, and at the last thei shulen be closid with the moost salt see. This loond ȝe shulen haue bi ȝoure coostis in enuyroun. [verse 13] And Moyses comaundide to the sones of Yrael, seiynge, This shal be the loond that ȝe shulen welde bi lot, and that the Lord comaundide to be ȝeuen to nyne lynagis, and to the half [verse 14] lynage; forsothe the lynage of the sones of Ruben bi her meynees, and [Om. CE.] bi the lynage of the sones of Gad, aftir the kynrede and noumbre, and the half lyn|age [verse 15] of Manasse, that is, two lynagis and an half, token her parte beȝonde Jordan, aȝens Jericho, at the eest plage. [verse 16] And [verse 17] the Lord seith to Moyses, Thes ben the names of the men that shulen dyuyde the loond to ȝow, Eleazar, the preest, [verse 18] and Josue, the sone of Nun, and alle the [verse 19] prynces of alle lynagis; of whom the names ben thes, of the lynage of Juda, [verse 20] Caleph, the sone of Jephone; of the lynage of Symeon, Samuel, the sone of [verse 21] Amyud; of the lynage of Beniamyn, [verse 22] Elyad, the sone of Casselon; of the lynage of the sones of Dan, Bochri, the [verse 23] sone of Jogli; of the sones of Joseph and
