The Holy Bible, containing the Old and New Testaments, with the Apocryphal books,

CAP. XXIX.

[verse 1] Of the seuenthe moneth forsothe [Om. AB pr. m. D.] the firste day holy and worshipful shal be to ȝow; al seruyle werk ȝe shulen not doon in it, for the day of noyse it is, and of [Om. A.] trompes. [verse 2] And ȝe shulen offre brent sa|crifice, into moost swete smel to the Lord, a calf of the droue oon, o wether, and [verse 3] loombes of o ȝeer, vnwemmed, seuen; and in the sacrifices of hem, of tried flour spreynt with oyle, thre dymes bi eche [verse 4] calues, two dymes bi a [O A.] wether, o dyme bi a loomb, that ben togidre seuen loombes. [verse 5] And a goot for synne shal be [verse 6] offred, in clensynge of the puple, biside the brent sacrifice of calendis, with her sacrifices, and brent sacrifice euerlastynge, with woned offred licours; with the same serymoyns ȝe shulen offre into the moost swete smel, encense to the Lord. [verse 7] The tenthe forsothe day of this seuenthe monthe shal be to ȝow hooly and wor|shipful, and ȝe shulen traueyl ȝoure soulis; al seruyle werk ȝe shulen not doo in it. [verse 8] And ȝe shulen offre brent sacri|fice to the Lord, into moost swete smel; a calf of the droue oon, a wether oon, [verse 9] loombis of o ȝeer, vnwemmed, seuen; and in the sacrifices of hem, of tried flour spreynt with oyle thre dymes bi eche [verse 10] calues, two dymes bi a wethre, a dyme of the tithe bi eche loombis, that ben [verse 11] togidir seuen loombis; and o [a CE.] goot for synne, with outen hem that ben woned to be offred for trespas in purgynge, and the brent sacrifice euerlastynge in sacri|fice,

and offrid licours of hem. [verse 12] The fif|tenthe forsothe day of the seuenthe monthe, the which to ȝow shal be holi and worshipful; al seruyle werk ȝe shu|len not doo in it, but ȝe shulen halwe the [verse 13] solempnyte to the Lord seuen days; and ȝe shulen offre brent sacrifice, into the [Om. A.] moost swete smel to the Lord, calues of the droue threteen, wethers two, loombis [verse 14] of o ȝeer, vnwemmed, fourteen; and in the sacrifices of licours of hem, of tryed flour spreynt with oyle thre dymes bi eche calues, that ben to gidre calues thret|teen, and two dymes to o wether, that is, to two wethers to gidre, to o wether oon, [verse 15] and the tithe of a dyme to eche loombis, [verse 16] that ben to gidre loombis fourteen; and o [a CE.] goot for synne, with out the brent sa|crifice euerlastynge, and the sacrifice, and the sacrified licour of it. [verse 17] In that other day ȝe shulen offre calues of the droue twelue, wethers two, loombis of o ȝeer, [verse 18] vnwemmed, fourteen; and sacrifices, and sacrified licours of echon, bi the calues, and wethers, and loombis, dulich ȝe shu|len [verse 19] halwe; and a goot for synne, with outen brent sacrifice euerlastynge, and the sacrifice of it, and the offrynge of li|cours. [verse 20] The thridde day ȝe shulen offre calues elleuen, wethers two, loombis of o [verse 21] ȝeer, vnwemmed, fourteen; and the sacri|fices, and the sacrified licours of echon, bi calues, and wethers, and loombs, dulich [verse 22] ȝe shulen halwe; and a goot for synne, with outen brent sacrifice euerlastynge, and the sacrifice, and the offryng of li|cours of it. [verse 23] The ferthe day ȝe shulen offre calues ten, wethers two, loombs of [verse 24] o ȝeer, vnwemmed, fourteen; and the sa|crifices, and the sacrified licours of echon, bi calues, and wethers, and loombis, due|lich [verse 25] ȝe shulen halwe; and a goot for

synne, with oute the brent sacrifice euer|lastynge, and the sacrifice of it, and the offringe of licours. [verse 26] The fifthe day ȝe shulen offre nyne calues, wethers two, loombis of o ȝeer, vnwemmed, fourteen; [verse 27] and the sacrifices, and the offrynge of li|cours of [bi A.] echon, bi calues, and wethers, [verse 28] and loombs, duelich ȝe shulen halwe; and a goot for synne, with out the brent sa|crifice euerlastynge, and the sacrifice of it, and the offrynge of licours. [verse 29] The sixte day ȝe shulen offre calues eiȝt, and we|thris two, loombes of o ȝeer, and [Om. C.] vn|wemmed, [verse 30] fourteen; and the sacrifices, and the offryngis of licours of echon, bi calues, and wethers, and loombis, duelich [verse 31] ȝe shulen halwe; and a goot for synne, with out the brent sacrifice euerlastynge, and the sacrifice of it, and the offrynge of licours. [verse 32] The seuenthe day ȝe shulen offre calues seuen, wethers two, loombs [verse 33] of o ȝeer, vnwemmed, fourteen; and the sacrifices, and the offryngis of licours of echon, bi calues, and wethers, and loombs, [verse 34] duelich ȝe shulen halwe; and o [a EF.] goot for synne, with oute the brent sacrifice euer|lastynge, and the sacrifice of it, and the offrynge of licours. [verse 35] The eiȝtith day that is moost solempne, al seruyle werk ȝe [verse 36] shulen not doo, offrynge brent sacrifice into the moost swete smel to the Lord, o calf, o wether, loombis of o ȝeer, vn|wemmed, [verse 37] seuen; and the sacrifices, and the offryngis of licours of echon, bi calues, and wethers, and loombs, duelich ȝe shu|len [verse 38] halwe; and a goot for synne, with out the brent sacrifice euerlastynge, and the sacrifice of it, and the offrynge of li|cours. [verse 39] Thes thingis ȝe shulen offre to the Lord, in ȝoure solempnytees, biside the vowes, and wilful offryngis, in brent

sacrifice, in sacrifice, in [and H.] offrynge [offringus C.] of li|cour [lycours E.] , and in pesible oostis.