The Holy Bible, containing the Old and New Testaments, with the Apocryphal books,

CAP. XXVIII.

[verse 1] The Lord forsothe seide to Moyses, [verse 2] Comaund to the sones of Yrael, and thow shalt seye to hem, Myn offrynge, and looues, and encense of moost swete [sote C. soot E.] smelle offre ȝe bi ȝoure tymes. [verse 3] Thes ben the sacrifices that ȝe shulen offre; loombes of o ȝeer, vnwemmed, two eche day into brent sacrifice euerlastynge. [verse 4] Oon ȝe shu|len offre eerliche, and another at euen. [verse 5] The tenthe part of ephi of [and A.] tryed flour, that be spreynt [sprengd C.] with moost pure oyle,

and haue the ferthe part of hyn. [verse 6] The bisy sacrifice is, that ȝe offreden in the mownt of Synay, into smelle [the smelle E.] of moost swete [sote C. soot E.] ensence to the Lord. [verse 7] And ȝe shu|len offre of wyn the ferthe part of hyn, bi eche loombes, in the seyntuarye of the Lord. [verse 8] And another loomb also ȝe shulen offre at euen, and aftir al the rijt of the morwtide sacrifice, and of the offryd licours of it, an offrynge of moost swete [sote C. soot E.] smelle to the Lord. [verse 9] The saboth day for|sothe ȝe shulen offre two loombes of oo ȝeer, vnwemmed, and two dymes of tried flour spreynt [springd C.] with oyle, in the sacrifice, [verse 10] and the [of A.] offryd licours, that lawfullich ben held, bi eche sabotis, into brent sa|crifice euerlastynge. [verse 11] In the calendis for|sothe, that is, in the bigynnyngis of monthes, ȝe shulen offre brent sacrifice to the Lord, calues of the droue two, o we|ther, seuen loombis of o ȝeer, vnwemmed, [verse 12] and thre dymes of tryed flour spreynt [springd C.] with oyle, in sacrifice [sacrifices C.] , bi eche calues, and two dymes of tryed flour spreynt [springd C.] with [verse 13] oyle, bi eche wethers; and the tenthe of the tenthe of tried flour of oyle, in sacri|fice, bi eche loombis; brent sacrifice [sacrifices C.] , and of moost swete [sote C. soot E.] smelle, and of encense it is to the Lord. [verse 14] The offryngis forsothe of wyn, that bi eche slayn sacrifices ben to be held, shulen be thes; half part of hyn bi eche calues, the thridde bi a wether, the ferthe bi a loomb; this shal be the brent sacrifisis [sacrifice A.] bi eche monthis, that to hem silf the ȝeer turnynge about comen aftir. [verse 15] A goot forsothe shal be offred to the Lord for synnes [synne A.] , into brent sacrifice [sacrifises BH.] euerlastynge, with this offryngis of li|cours [colours B pr. m. FH.] . [verse 16] The firste forsothe moneth, the fourtenthe day of the monthe, shal be the

[verse 17] pask of the Lord; and in the fiftenthe day the solempnyte of therf looues. Seuen [verse 18] daies thei shulen eete therf looues; of the whiche the firste day worshipful and holy shal be; al seruyle werk ȝe shulen not doon in it. [verse 19] And ȝe shulen offre into encense brent sacrifice to the Lord, calues of the droue two, o wether, loombes of o [verse 20] ȝeer, vnwemmed, seuen; and the sacri|fices of eche, of tried flour, that be spreynt [sprengd C passim.] with oyle, thre dymes bi eche [verse 21] calues, and two dymes bi o wether, and the tithe of the tithe bi eche loombis, [verse 22] that is, bi seuen loombis; and o goot [verse 23] for synne, that it be purgid for ȝow, bi|side the morwtide brent sacrifice, that euermore ȝe shulen offre. [verse 24] So ȝe shulen doo bi eche dayes of the seuen dayes, into the norishynge of the fier, and into the moost swete [sote C passim. soot E passim.] smel to the Lord, the which shal ryse of the brent sacrifice, and of the offred licours of echon. [verse 25] The seuenthe forsothe day shal be moost so|lempne and holi to ȝou; al seruyle werk ȝe shulen not don in it. [verse 26] The dayes also of the fyrste fruytis, whanne ȝe shulen offre newe cornys to the Lord, the `seuen wykis [seuenthe wike A.] fulfillid [fullid FH.] , worshipful and holy shal be; al seruyle werk ȝe shulen not do in it. [verse 27] And ȝe [Om. BFH.] shulen offre brent sacrifice to the Lord, into moost swete smel; calues of the droue two, o wether, loombes of o [verse 28] ȝeer, vnwemmed, seuen; and in the sacri|fices of hem, of tried flour spreynt with oyle, three dymes bi eche calues, bi we|thers [verse 29] two, bi loombes the tenthe [tithe A pr. m.] of the tithe, the whiche ben to gidre seuen [verse 30] loombes; a goot forsothe that is offred for the purgynge, bisyde the brent sacri|fice euerlastynge, and the offrid licours [verse 31] of it; ȝe shulen offre alle thingis vnwem|med, with her sacrified licours.