The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] That whanne Arad, the Chanane kyng, that dwellide at the south, hadde herde, that Yrael was comen bi the espiours weye, fauȝte aȝens hym, and ouercomer beynge, brouȝte of hym a prey. [verse 2] And Yrael bi vowe hym silf to the Lord obleschynge [obeshynge AH.] , seith, If thow takist [take BCDEFH.] this
puple in myn hoond, Y shal doo awey his citees. [verse 3] And the Lord hath [Om. A.] harde the preyers of Yrael, and hath take Cha|nane; the which he [Om. C.] hath slayn, turned vpsedoun the citees of hym; and he cle|pide the name of that place Horma, that is, a cursynge. [verse 4] And forsothe thei wenten forth fro the hil of Hor, by the weie that ledith to the reede see, that thei myȝten goo about the loond of Edom; and it bi|ganne to greue the puple, of the weie and of the traueyl. [verse 5] And speken [spekeng A sec. m. spoken CE.] aȝens the Lord and Moyses, seith, Whi hast thow ladde vs out of Egipte, that we dien in wildirnes? there faylith to vs breed, watris there ben not; oure soule now wlatith vpon this moost liȝt meet. [verse 6] Wherfore the Lord hath sente into the puple eddres a fier; at whos woundis [verse 7] and dethes of manye, thei comen to Moy|ses, and seiden, We han synned, for we han spoken aȝens the Lord and thee; prey, that he take fro vs eddres. [verse 8] And Moyses preiede for the puple; and the Lord spak to hym, Mak a brasun addre, and put it [Om. A.] for a tokne; who smytun bi|holdith [byholde BCEFH.] it, shal lyue. [verse 9] Thanne Moyses maade a brasun eddre, and putte for a signe; whom the smytun biholdynge, were maad hool. [verse 10] And the sones of Yrael [verse 11] goon forthe, setten tentis in Oboth; fro whens goon out, thei piȝten tentis in Jea|barym, in the wildernes, that biholdith Moab, aȝens the eest coost. [verse 12] And fro thens meuynge, thei camen to the ryn|nynge [verse 13] water of Zareth; the whiche leu|ynge, thei setten tentis aȝens Arnon, that is in deseert, and fer stondith [stant BCDEFH.] ouer in [Om. H.] the coostis of Amorrey. Forsothe Ar|non [Ermon ADFH.] is the eende of Moab, dyuydynge Moabites and Amorreis. [verse 14] Wherfor it is seide in the book of bateyls of the Lord, As he hath doo in the rede see, so he
shal doo in the rennynge watris of Ar|non [Ermon A. Armon BDFH.] ; [verse 15] the roches of the rennynge watris ben bowid, that thei resten in Arnon [Armon AF. Arnon CE.] , and that thei liggen [lien C.] in the coostis of Moabites. [verse 16] Of that place aperide a pitt, vpon the which the Lord spak to Moyses, Geder the puple, and I shal ȝyue to hym watir. [verse 17] Thanne Yrael song this ditee, [verse 18] Sty vp the pit; thei songen togidre, The pit that delueden [doluen C.] the prynces, and greith|eden the dukis of the multitude, in the ȝeuer of the lawe, and in her staues. And thei wenten fro the wildrenes of Mathana, [verse 19] fro Mathana to Naaliel, fro Naaliel into [verse 20] Bamoth; Bamoth is a valey in the re|gioun of Moab, in the frount of Phasga, that biholdith aȝens the deseert. [verse 21] And Yrael sent messangers to Seon, the kyng [verse 22] of Amorreys, seiynge, I biseche that it be leueful to me to passe bi thi loond; we shulen not bowe down to the riȝt ne to the left; we shulen not passe bi feelds and vynes, ne we shulen not [Om. BCDEFH.] drynke wa|tris of pittis; the kyngis weye we shulen goo, to the tyme that we passen thi coostis. [verse 23] The which woold not graunt that Yrael myȝte passe bi his coostis, but rathir, the oost gedryd togidre, wente out to mete in deseert. And he cam into [verse 24] Jasa, and he fauȝte aȝens hym; of whom he is smytun in the mouth of the swerd, and his loond is weeldid fro Arnon vnto Jebboth and to the sones of Amon; for with a stronge helpe weren holde the coostis of Amonytes. [verse 25] Thanne Irael took alle the citees of hym, and dwelte in the wallid towns of Amorrey, in Esebon that is, and in the litil touns [lanys E pr. m.] of it. [verse 26] The cytee of Esebon was of Seon, the kyng of Amorrey, that fauȝte aȝen the kyng Moab, and took al the loond that was of
his comaundynge, vnto Arnon. [verse 27] Therfor it is seyd in prouerbe [the prouerbe A.] , Come ȝe into Ese|bon, be bilde, and maad vp the citee of [verse 28] Seon; fier went out of Esebon, and flawme of the wallid town of Seon, and deuowryde Arnon of Moabites, and the dwellers of the hie thingis of Arnon. [verse 29] Woo to thee, Moab! thow, puple of Chamos, hast perishid; he hath ȝyue the sones of hym into fliȝt, and the douȝtren [doȝtres C.] into caytiftee to Seon, the kyng of Amor|reis; [verse 30] the ȝok of hem he scatrede, fro Ese|bon vnto Dibon; wery thei camen into Ophe, and vnto Medaba. [verse 31] And so Yrael dwelt in the loond of Amorrey. [verse 32] And Moyses sente `the whiche [that C.] shulden aspie Jasar, whos litil towns thei token, and weeldeden the dwellers. [verse 33] And thei turn|eden hem silf, and stieden vp bi the weie of Basan. And aȝen wente to hem Og, the kyng of Basan, with al his puple, to fiȝtynge [fiȝte C.] in Edray. [verse 34] And the Lord seide to Moyses, Ne drede thow hym, for in thin hoond Y haue takun hym, and al the loond, and the puple of hym; and thow shalt doo to hym as thow hast doon to Seon, the kyng of Amorreis, the dweller of Esebon. [verse 35] Thow hast smytun therfore and this with his sones, and al his puple, vnto the deth; and thei weelden [weeldedyn E.] the loond of hym.