The Holy Bible, containing the Old and New Testaments, with the Apocryphal books,

CAP. XVII.

[verse 1] And the Lord spak to Moyses, seiynge, [verse 2] Spek to the sones of Yrael, and tak of hem sondry ȝeerdis, bi her kynredis, of alle the princes of the lynagis twelue ȝerdes; and of echon the name thow shalt [verse 3] vpon write to his ȝerde; the name for|sothe of Aaron shal be in the lynage of Leuy, and o ȝerde alle the meynees of hem shal conteyn. [verse 4] And thow shalt putte hem in the tabernacle of the boond of pees, before the witnessynge, where I shal [verse 5] speke to thee; whom of hem Y shal chese,

shal buriowne his ȝerde; and I shal chas|tyse fro me the pleyntes of the sones of Yrael, in the whiche aȝens ȝow thei grutchen [grucchiden DE pr. m.] . [verse 6] And Moyses spak to the sones of Yrael; and alle the princes ȝauen to hem ȝerdes, bi alle the lynages; and there weren twelue ȝerdes, with out the ȝerde of Aaron. [verse 7] The whiche whanne Moyses hadde putte before the Lord, in the ta|bernacle [verse 8] of witnessynge, the day folw|ynge he goon aȝen, foond that the ȝerde of Aaron, `in the house of Leuy [Om. A.] , hadde buriowned; and swellynge the gemmes, breken out flowres, thei spred a brood with leeues, into almaundes be fourmed [oute fourmed BDEFH.] . [verse 9] Thanne Moyses brouȝte forthe alle the ȝerdes fro the siȝt of the Lord to alle the sones of Yrael; and eche seen [siȝyn E.] , and token her ȝerdes. [verse 10] And the Lord seide to Moy|ses, Ber aȝen the ȝerde of Aaron into the tabernacle of witnessynge, that it be kept there into tokne [the tokne E.] of the rebel sones of Irael, and the querels of hem resten fro me, lest thei dien. [verse 11] And Moyses dide, as the Lord comaundide. [verse 12] The sones of Y|rael forsothe seiden to Moyses, Loo! we [verse 13] ben wastid, and alle we perisshen; who so euer [er E.] cometh niȝ to the tabernacle of the Lord, dieth; whether vnto the deeth alle we ben to be doon awey?