suynge we camen to Milete. [verse 16] Sothli Poul purposide for to schippe ouer to Ephesi, lest ony dwelling were maad to him in Asie; forsoth he hiȝede, if it were pos|sible to him, that he schulde make the day of Pentecoste at Jerusalem. [verse 17] Fro Mi|lete sothli he sendynge to Ephesy, clepide the more thorw birthe of the chirche. [verse 18] Which whanne thei camen to him, and weren to gidere, he seide to hem, Ȝe witen fro the firste day, in which I cam into Asie, hou with ȝou by ech tyme I was, [verse 19] seruynge to the Lord with al mekenesse, and myldnesse, and teeris, and tempta|ciouns, that felden to me of aspyingis of [verse 20] Jewis; how I withdrowȝ noȝt of profit|able thingis to ȝou, that I telde not to ȝou, and tauȝte ȝou openly, and bi housis; [verse 21] witnessinge to Jewis and hethene men `into God penaunce, and feith into oure Lord Jhesu Crist. [verse 22] And `now lo! I boundun in spirit, go into Jerusalem; what thingis in it `ben to comynge to [verse 23] me vnknowynge, no but that the Hooly Gost by alle citees witnessith to me, sey|inge, for bondis and tribulaciouns at Je|rusalem `dwellen to me. [verse 24] But I schame, `or drede, no thing of these, nether I make my `soule, that is, lyf, preciouser than my silf, `the while I ende, `or ful|fille, my cours, and the mynysterie of the word, the which I receyuede of the Lord Jhesu, for to witnesse the gospel of the grace of God. [verse 25] And now lo! I woot, for ȝe schulen no more se my face, alle ȝe by whom I passide, prechinge the kingdom of God. [verse 26] Wherfore I witnesse ȝou this day, for I am clene of the blood, `or synne, of alle men. [verse 27] Forsoth I fleiȝ not awey, that I tauȝte, `or teelde, not to ȝou al the councel of God. [verse 28] Take tent to ȝou, and to al the folk, in which the