The Holy Bible, containing the Old and New Testaments, with the Apocryphal books,

CAP. XVIII.

[verse 1] Aftir thes thingis `he gon out of A|thenis, cam to Corinthe. [verse 2] And fyndynge a man Jew, by name Aquyla, of Ponte

bi kynde, that late cam fro Italie, and Priscille, his wyf, for that Claudius co|maundide alle Jewis for to departe fro Rome, cam to hem. [verse 3] And for he was of the same craft, he dwellide at hem, and wrouȝte; sothli thei weren of cenefectorie craft, that is, to make hilingis to trauel|inge men. [verse 4] And he disputide in the syna|goge by ech saboth, `by twixe puttinge the name of the Lord Jhesu; and he softly counceilide to Jewis and Greekis. [verse 5] Sotheli whanne Silas and Tymothe camen fro Macedonye, Poul ȝaf bisynesse to the word, witnessinge to the Jewis, `Jhesu for to be Crist. [verse 6] Forsothe `hem aȝen sey|inge and blasfemynge, he schakynge of his clothis, seide to hem, Ȝoure blood on ȝoure heed; I clene fro hennis forth, schal go to hethene men. [verse 7] And he pass|inge thennis, entride into the hous of sum iust man, by name Tyte, worschip|ynge God, whos hous was ioyned to the synagoge. [verse 8] Crispe sothli, prince of the synagoge, bileuyde to the Lord, with al his hows. And manye of the Corinthies heeringe bileuyden, and weren cristenyd. [verse 9] Forsoth the Lord seide by nyȝte to Poul by a visioun, Nyle thou drede, but spek, [verse 10] and be not stille; for which thing I am with thee, and no man schal be put to thee that he anoye thee, for moche peple is to me in this citee. [verse 11] Forsoth he saat ther a ȝeer and sixe monethis, tech|inge at hem the word of `the Lord. [verse 12] Sothli Gallion proconsul of Achaye, Jewis risen vp with oon ynwitt, `or wille, into Poul, and ledde hym to [verse 13] the dom, seiynge, For aȝens the lawe this councelith men for to worschipe God. [verse 14] Sothli `Poul bigynnynge for to opene the mouth, Gallion seide to Jewis, Forsoth

if ther were ony wickid thing, or worst trespas, ȝe men Jewis, riȝtly I schulde sus|teyne [verse 15] ȝou; forsoth if questiouns ben of the word, and names of ȝoure lawe, ȝe silf se; I wole not be domesman of thes wordis. [verse 16] And he drof them fro the dom place. [verse 17] Forsothe alle takynge Sostenen, prince of the synagoge, smyten him bifore the dom place; and no thing of these was to charge to Gallion. [verse 18] Poul forsothe whanne ȝit he hadde susteyned many dayes, seiynge far wel to bretheren, by boot cam to Sirie, and `with him Priscille and A|quyla, the whiche hadden clippid to hem the heed in Tencris; `sothli thei hadden a vow. [verse 19] And he cam to Ephesy, and there he lefte hem; sothli he goynge into the synagoge, disputide with Jewis. [verse 20] Sothli `hem preiynge that he schulde [verse 21] dwelle more tyme, he consentide not, but he makinge farwel, and seiynge, `It bi|houeth me for to make the solempne day comynge to at Jerusalem, and eft I schal turne aȝen to ȝou. `God willinge, wente forth fro Ephesi. [verse 22] And he com|ynge doun to Cesarie, stiȝede vp, and grette the chirche, and cam doun to An|tiochie. [verse 23] And, there sumwhat of tyme maad, he wente forth, walkinge by ordre thorw the cuntree of Galathie, and Frigie, confermynge alle disciplis. [verse 24] Sothli sum Jew, Apollo by name, a man of Alysaun|dre of kynde, a man eloquent, cam to Ephesie, myȝti in scripturis. [verse 25] This man was tauȝt the wey of the Lord, and fer|uent in spirit spak, and tauȝte diligentli tho thingis that weren of Jhesu, know|inge oonli the baptym of John. [verse 26] Sothli this man bigan for to do tristily in the synagoge. Whom whanne Priscille and Aquyla herden, thei token `him to, and

more diligently expowneden to him the wey of the Lord. [verse 27] Sothli whanne he wolde go to Achaie, bretheren monestid, `or councelid, writen to disciplis, that thei schulden resceyue him; which whanne he cam, ȝaf moche to hem that bileu|yden. [verse 28] Forsothe he greetly ouercam Jewis, schewinge openly by scripturis, `Jhesu for to be Crist.

Notes

• Poul ȝede V.
• and cam V.
• he foond V.
• a Jew V.
• Om. SX.
• and he cam V.
• Om. O.
• forsothe O.
• cenefectoryes O.
• roopis, either hylyngis V.
• bitwen SX.
• oure O.
• Om. V.
• Om. V.
• and witnessede V.
• Om. O. tho SX.
• Jhesu to be SX. that Jhesu is V.
• whanne thei aȝenseiden and blasfemyden V.
• schook V.
• Om. N. awey V.
• and seide V.
• in QSX. of T. be on V.
• schal be clene V.
• and schal V.
• passide fro V.
• and entride V.
• herden and V.
• noye GMNPQSTVX.
• dwellide V.
• in the N.
• woordis N.
• God V.
• whanne Gallyon was V.
• the Jewis GMPT.
• riseden V.
• Om. QSX.
• witt O. wille V.
• Om. OVX.
• aȝens V.
• in to G pr. m.
• Om. O.
• and seyden V.
• Om. V.
• Om. SX.
• whanne Poul bigan V.
• Om. QSX.
• wicke SX.
• either V pass. fere.
• suffre V.
• ȝe ȝou M. ȝou SX.
• nil O.
• thingis V.
• Om. N.
• tooken V.
• and smytiden V.
• abeden V.
• seide V.
• and bi V.
• he cam S.
• Om. V.
• Aquila camen with him V.
• Om. V.
• clippen Y.
• him V.
• Om. T.
• heued OT.
• Tencris toun MPT.
• for he hadde V.
• ȝede V.
• and disputide V.
• whanne thei preieden V.
• made V.
• seide V.
• Om. SX.
• Om. T.
• Om. S.
• Om. V.
• if God wole V.
• he went MPTY sec. m. and he wente V.
• cam V.
• fro O.
• and stiȝede V.
• whanne he hadde dwellid there V.
• Om. V.
• and confermyde V.
• the disciplis GMPTY sec. m.
• Alexandryne M.
• and he was myȝty V.
• was feruent V.
• and spak V.
• and knew V.
• Om. SX.
• to hym V pr. m. hym V sec. m.
• into Q sec. m.
• excitiden V.
• Om. QVX.
• and writeden V.
• the disciplis MPT.
• For V.
• and schewide V.
• Jhesu to be SX. that Jhesu is V.