The Holy Bible, containing the Old and New Testaments, with the Apocryphal books,

CAP. VIII.

[verse 1] The Lord spak to Moyses, seiynge, [verse 2] Tak Aaron with his sones, the clothes of hem, and the oyle of the anoyntyng, a calf for synne, two wethers, a leepe with [verse 3] therf loues; and thow shalt gedere togi|dere al the companye at the dore of the tabernacle. [verse 4] Moyses dyde as the Lord co|maundide; and al the puple gadered be|fore [verse 5] the ȝates of the tabernacle, he seith, This is the word that the Lord comaun|dide to be do. [verse 6] And anoon he offred Aa|ron and his sones; and whanne he hadde [verse 7] washe hem, he clothide the bishop with a lynnen sherte, girdynge hym with a gyrdle and clothing hym [Om. D.] with a blewe [verse 8] coote, and putte aboue the coope, the which streynynge with a lace ioyned it to the brest broche, in the which was loore and sothenes. [verse 9] And he couerde the heed with a mytre, and vpon it, aboute the frownt, he putte a goldun plate, sacrid in halowyng, as the Lord comaundide to him. [verse 10] And he took the oyle of anoynt|yng, with the which he anoyntide the ta|bernacle [verse 11] with alle his ournementis; and whanne halowynge he hadde spreynt the auter seuen sithes, he anoyntide it; and alle the vessels of it, and the lauatorye with his foot he halowide with oyle. [verse 12] The which heeldynge vpon the heed of Aaron, [verse 13] he anoyntide hym, and sacrede, and his

sones offrede he sacride, and clothid with lynnen cootys, and girde [gerdede E.] with girdles, and putte on hem mytrys, as the Lord comaundide. [verse 14] And he offrede a calf for synne; and whanne Aaron and his sones hadden putte her hondes vpon the heed [verse 15] of it, he offrede it, takynge the blood; and the fyngre wett, he towchede the hornes of the auter bi enuyroun, the which clensid and halowid, he heelde the laft blood at the foundementis of it. [verse 16] The talwȝ forsothe that was vpon the en|trayles, and the calle of the mawe, and the two litil reynes with her grece he [verse 17] brent vpon the auter; the calf with the skynne, flesh, and dryt, brennynge out of the tentes, as the Lord comaundide. [verse 18] And he offred a wether into brent sacrifice; vpon whos heed whanne Aaron and his [verse 19] sones hadden putte her hondes, he offred it, and heelde the blood of it bi enuyroun of the auter. [verse 20] And thilk wether cuttynge in gobetis, the heed of it, and the lemes, [verse 21] and the talwȝ he brente with fier, washed before the entraylis and the feete; and al the wether he tende to gidere vpon the auter, forthi that it was brent sacrifice of moost swete smel to the Lord, as he co|maundide to hym. [verse 22] And he offrede the secounde wether, into the sacringe of preestis; and Aaron and his sones put|tiden [putten E.] her hondes vpon the heed of it. [verse 23] The which whanne Moyses hadde offride, takynge of the blood towchid the ende of the riȝt eere of Aaron, and the [Om. H.] thowmbe of his riȝt hoond, also [and also B.] and of the foote. And he offred the sones of Aaron. [verse 24] And whanne of the blood of the offred wether he hadde towchid the eende of the riȝt eere of echon, and the thoumbe of the hoond, and of the riȝt foote, the relif he

heelde vpon the auter bi enuyroun. [verse 25] The talwȝ forsothe, and the tayle, and al the fatnes that couereth the entrayles, and the calle of the mawe, and the two reynes with her talwȝes, and the ryȝt shuldre he seuerede. [verse 26] Takynge forsothe of the leepe of therf looues, that was before the Lord, looues with outen sour dowȝ, and a litil rownd loof spreynt with oyle, and a thinne caake, he putte vpon the talwȝes, [verse 27] and the riȝt shuldre, takynge alle togi|dere to Aaron and hys sones. [verse 28] The which whanne thei hadden rerede hem beforn the Lord, eftsones takynge of the hondes of hem, he brente vpon the auter of brent sacrifice, forthi that it was the offring of consecracioun, into smel of swetnes of sa|crifice to the Lord. [verse 29] And he took the litil breest, rerynge it before the Lord, of the wether of consecracioun into his part, as the Lord hath comaundide hym. [verse 30] And takynge the oynement, and the blood that weren in the auter, he spreynde vpon Aaron, and his vestementes, and upon his sones, and her clothis. [verse 31] And whanne he hadde halowide hem in her clothinge, he comaundide hem, seiynge, Seethe ȝe the flesh before the ȝatis of the tabernacle, and ther etith it; and the looues of conse|cracioun etith, that ben putte in the leepe, as God hath comaundide to me, seiynge, Aaron and his sones schulen eete hem; [verse 32] what euer [er E.] forsothe were laft of the flesh and of the looues, the fier shal consume. [verse 33] Fro the dore forsothe of the tabernacle ȝe shulen not goo out seuen daies, vnto the day in the which the tyme of ȝoure con|secracioun shal be fulfillid; seuen [in seuen D.] for|sothe [verse 34] daies is endid the consecracioun, as now it is doon, that the ryte of the [Om. BDEFH.] sacri|fice be fulfild. [verse 35] Day and nyȝt ȝe shulen

dwelle in the tabernacle, al about kepynge the wardes of the Lord, lest ȝe dien; so forsothe it is comaundide to me. [verse 36] And Aaron and his sones diden alle thingis, that the Lord spak bi the hoond of Moyses.