The Holy Bible, containing the Old and New Testaments, with the Apocryphal books,

CAP. III.

[verse 1] And if the oost of pesible thingis were the offryng of hym, and of the oxen he wole offre, a maal, or a femaal, with outen wemme he shal offre before the Lord. [verse 2] And he shal putte the hoonde vpon the heed of his slawe sacrifice, the which shal be offred in the entryng of the taber|nacle; and the sones of Aaron, the preest, shulen heelde the blood bi enuyroun of the auter. [verse 3] And thei shulen offre of the oost of pesible thingis into offryng to the Lord, the talwȝ [fat E pr. m.] that couereth the en|trailes, and what euer of fatnes is with [verse 4] ynforth; the two reyns, with the talwȝ with the which ben couerd the reyn gut|tis, and the calle of the mawe with the smale reyns. [verse 5] And thei shulen brenne hem vpon the auter, in to al brent sacri|fice,

the fier vnder put to the wodde, into offryng of moost [the moost E.] swete smel to the Lord. [verse 6] If forsothe of sheep were the offeryng of hym, and oost of pesible thingis, whether maal or femaal he shal offre, thei shulen be with outen wemme. [verse 7] If he shal offre [verse 8] a loombe before the Lord, he shal putte his hoond vpon the heed of his slawn sa|crifice, the whych shal be offerd in the vestiarye of the tabernacle of witnessyng; and the sones of Aaron shulen heelde the blood of it bi enuyroun of the auter. [verse 9] And thei shulen offre of the oost of pesible thingis a sacrifice to the Lord, talwȝ [fatnes E pr. m.] , and [verse 10] al the tail with the reynes, and the fatnes that couereth the wombe, and alle the entrayls, and either litil reyne, with the talwȝ [ynner fat E pr. m.] that ys biside the reyne guttes, and the calle of the mawe, with the litil reynes. [verse 11] And the preest shal brenne hem vpon the auter, into foode [the foode D.] of the fier, and of the offryng to the Lord. [verse 12] If a she goet were the offryng of hym, and he shulde [verse 13] offre it to the Lord, he shal putte his hoond vpon the heed of it, and he shal offre it in the entre of the tabernacle of witnessyng; and the sones of Aaron shu|len shede the blood of it bi enuyroun of the auter. [verse 14] And thei shulen take of it, into foode of the Lordis fier, talwȝ [faat E pr. m.] that couereth the wombe, and that helith alle [verse 15] the entrayles, two litil reyns with the calle that is on hem biside the reyne guttes, and the fatt of the mawe, with the litil reynes. [verse 16] And the preest shal brenne hem vpon the auter, into foode of the fier, and of moost swete smel; al the [verse 17] talwȝ [inward fatnes E pr. m.] shal be of the Lord, thurȝ perpe|tuel riȝt, in kynredes and alle ȝoure dwell|yng places, and blood, and fat algatis shulen ȝe not ete.