CAP. II.
[verse 1] Whanne a lijf offreth offryng of sacri|fyce to the Lord, tryed flour shal be the offryng of [to A.] him. And he shal heelde vpon [verse 2] it oyle, and putte cense, and brynge to the sones of Aaron, the preest, of whom oon shal take an handful of tried flour, and of oyle, and al the cense; and putte the memorial vpon the auter, into moost swete smel to the Lord. [verse 3] That forsothe that leeueth of the sacrifice shal be of Aaron and of [Om. BDEFH.] his sones, holi of halowes `of of|frynges [Om. A.] to the Lord. [verse 4] Whanne forsothe he shal offre baake sacrifice of tried flour in the ouen, that is, looues with outen sourdowȝ, spreynt with oyle, and the [Om. E.] [verse 5] therf kaakis medlid with oyle; if thin offryng shal be fro the friynge panne, of tryed flour spreynt with oyle and with [verse 6] outen sour dowȝ, thow shalt dyuyde it in litil parties, and heelde vpon it oyle. [verse 7] If forsothe fro the gridil sacrifice, euen maner the tried flour shal be spreynt [verse 8] with oile; the which offrynge to the Lord thou shalt take in the hondis of the preest. [verse 9] The which whanne he shal offre it, he shal take a memorial fro the sacri|fice, and make brenne vpon the auter into smel of swetnes to the Lord. [verse 10] What euer [er E.] forsothe leeueth, shal be of Aaron and his sones, holi of halewis of offringis to the Lord. [verse 11] Al offryng that is offred to the Lord, shal be maad with outen sour dowȝ, ne eny thing of sour dowȝ, and of hony,
