The Holy Bible, containing the Old and New Testaments, with the Apocryphal books,

CAP. XXIV.

[verse 1] And the Lord spak to Moyses, seiynge, [verse 2] Comaund to the sones of Yrael, that thei bryngen to thee oyle of olyues, moost

pure, and bryȝt, to the lanternes to ben [verse 3] tende contynueli with oute the veyle of witnessynge, in the tabernacle of the boond of pees; and Aaron shal sette hem fro euen vnto morwen [the moru BD. the morwe EH. the morwen F.] before the Lord, thurȝ heriynge and ryte perpetuel in ȝoure [verse 4] generaciouns; vpon the moost clene can|dilstik thei shulen be sett euermore in the siȝt of the Lord. [verse 5] Thow shalt take forsothe tried floure, and thow shalt baak of it twelue looues, the whiche echon shal [verse 6] haue two dymes, of whom thou shalt sette syx anentis other six, vpon the moost [verse 7] clene bord before the Lord; and thow shalt putt on hem ensence [cense BDEFH.] moost briȝt, that the breed be into mynde of the of|frynge [verse 8] of the Lord; bi eche holi day thei shulen be chaungid before the Lord, takne of the sones of Yrael thurȝ euerlastynge [verse 9] boond of pees; and thei shulen be of Aa|ron and his sones, that thei eten hem in holy place, for holy of halowes it is, of the sacrifices of the Lord, thurȝ perpetuel riȝt. [verse 10] Loo! forsothe a sone goon out of a womman of Yrael, that beer of an Egip|cyen man, amonge the sones of Yrael, hath streuen in tentis with a man of [verse 11] Yrael, and whanne he hadde blasfemyd the name of the Lord, and hadde cursid to hym, is brouȝt forthe to Moyses; and the moder of hym was clepid Salumyth, the douȝter of Dabry, of the lynage of [verse 12] Dan; and thei puttiden [putten E.] hym [hem D.] in to pri|soun, to the tyme that thei knewen what the Lord comaundide. [verse 13] The which spak [verse 14] to Moyses, seiynge, Leed thow out the blasfeme out of the tentis, and putt alle that herden her hoonden [hondes BDEFH.] vpon his heed, and al the puple stone hym. [verse 15] And to the sones of Yrael thou shalt speke, The man that cursith to his God, shal bere his [verse 16] synne, and he that blasfemeth the name of the Lord, thurȝ deth die he; al the

multitude of the puple with stonus shal throwe hym down; whether he were cyte|seyn or pilgrym that blasfemeth the name of the Lord, thurȝ deth dye he. [verse 17] He that smytith and sleeth a man, thurȝ deth die [verse 18] he; he that smyteth a beeste, ȝeeld he another of the same kynde, that is, lijf for lijf. [verse 19] He that wrongfuli ȝyueth a wemme to eny of his [thes A.] cyteseyns, as he [verse 20] hath doon, so be it do to hym; brusur for brusur, eye for eye, tooth for tooth he shal ȝeelde; what maner of wemme he wrongfuli ȝyueth, sichon be he constreyn|ed to suffre. [verse 21] He that smytith a beeste, ȝeeld he another; he that smytith a man, be he punyshid. [verse 22] Euen doom be there among ȝow, whether pilgrime or cyteseyn synne, for I am the Lord ȝoure God. [verse 23] And Moyses spak to the sones of Yrael, and thei brouȝten hym forthe that blas|phemede out of the tentis, and thei beren hym down with stonus. And the sones of Yrael diden, as the Lord comaundide to Moyses.