The Holy Bible, containing the Old and New Testaments, with the Apocryphal books,

[Here begynneth the bok of Leuiticus [From F. Leuiticus B. No initial rubric in ADEH, but only running title.] .] CAP. I.

[verse 1] THE Lord forsothe clepide Moyses, and spak to hym from the tabernacle of [verse 2] witnessyng, seiynge, Spek to the sones of Yrael, and thow shalt seie to hem, The man that offreth of ȝow an oost to God of the beestis that is, of oxen, and of [verse 3] sheep, offrynge slawn sacrifices, if al brent sacrifice were the offryng of hym, and of the droue, a maal with outen wemme he shal offre at the dore of the tabernacle of witnessyng, to plese to hym the Lord. [verse 4] And he shall putte the hondes vpon the heed of the oost, and it shal be acceptable,

and profytynge into the clensyng of hym. [verse 5] And he shal offre a calf before the Lord, and the sones of Aaron, the preest, shulen offre the blood of it, shedynge bi enuy|roun of the auter, that is before the dore of the tabernacle. [verse 6] And the skyn of the oost drawun of, the greet lemes thei shu|len [verse 7] kit in gobetis; and thei schulen leye fier in the auter maad bifore the heep of [verse 8] wodde; and the lemes that ben kyt a boue ordeynynge, the heed, that is, and alle [verse 9] that cleuen to the mawe, the entrails and the feet wasshe with watir; and the preest shal brenne hem vpon the auter in to al brent sacrifice, and swete smel to the Lord. [verse 10] That if of the beestis is the offeryng, the al brent sacrifice of sheep, or of geyt, he shal offre a loombe of o [verse 11] ȝeer with outen wemme, and he shal offre at the side of the auter that biholdith to the north, bifore the Lord. The blood for|sothe of it the sones of Aaron shulen [verse 12] heelde vpon the auter bi enuyroun, and thei shulen dyuyde the lemes, the heed, and alle that cleuen to the mawe, and leie vpon the wodde, to the which fier is to be [verse 13] vnder putte; the entrayls forsothe, and the feet thei shulen wasshe with water; and the preest shal brenne alle thingis offred vpon the auter into brent sacrifice, and moost swete smel to the Lord. [verse 14] If forsothe of the briddis the offryng of [be A.] brent sacrifice were to the Lord, of tur|turs, [verse 15] or culuer briddis, the preest shal offre it at the auter; and the heed crokid aȝen to the necke, and the place of a wounde broke, he shal make the blood renne down vpon the brenke of the auter. [verse 16] The litil bleedre forsothe of the throot, and the fetheres, he shal cast out biside the auter, at the eest coost, in the place where askis [the askis E.] ben [beth BDEFH.] wonte to be cast out; [verse 17] and he shal breke the wynges of it, and

not kyt, ne [no D.] with yrun dyuyde it; and he shal brenne it vpon the auter, fier vnder put to the wodde; al brent sacrifice it is and offryng of moost swete smel to the Lord.