The Holy Bible, containing the Old and New Testaments, with the Apocryphal books,

CAP. XVI.

[verse 1] And the Lord spak to Moyses, after the deeth of the two sones of Aaron, whanne thei offrynge alien fier were [verse 2] slawn, and comaundide [he comaundide E pr. m.] to hym, seiynge, Spek to Aaron, thi brother, lest alle tymes he goo into the seyntuarye, that is with ynne the veile before the propiciatory, with the which the arke is couerd, that he dye not; for in a clowde Y shal apeere [verse 3] vpon the heuenli answerynge place; but if thes thinges he do before. He shal offre a calf for synne, and a wether in to brent [verse 4] sacrifice; with a lynnen coote he shal be clothid, and with lynnen breches he shal hile the shame worthi membres; he shal

be gyrd with a lynnen gyrdil, and a lyn|nen mytre he shal putte to the heed; thes forsothe ben the holy clothes, with the whiche al he shal be clothed, whanne he were wasshid [wasche E.] . [verse 5] And he shal take of al the multitude of the sones of Yrael two gootes for synne, and a wethir into brent [verse 6] sacrifice; and whanne he offreth a calf, and preieth for hym silf, and for his [verse 7] hows, two gootes he shal make stoonde before the Lord, in the dore of the ta|bernacle [verse 8] of witnessyng; puttynge vpon either loot, oon to the Lord, and another to the goot that shal be sent out. [verse 9] Whos loot goth out to the Lord, shal offre thilke [verse 10] for synne; whos forsothe into the goot that shal be sent out, shal ordeyne him quik before the Lord, that he heelde preiers vpon hym, and sende hym out into wildernes. [verse 11] Thes thingis lawfully so|lempnysid [in to heuene doon E pr. m.] , he shal offre a calf, and prei|ynge for hym silf, and for his hows, shal offre it. [verse 12] And the censure taken to, the whiche he hath fulfillide of the coolis of the auter, and takynge with hoond [his hoond E pr. m.] the maad ensence [cense BDEFH.] of dyuers spices into en|sensyng, he shal goo yn biȝonde the veile, [verse 13] in to the hooli thingis; that the swete [soote E.] smellynge spices putt vp on the fier, the clowde of hem and the breeth couer [co|uerth D.] Goddis answeryng place, that is vpon the witnessynge, and die not. [verse 14] And he shal take of the blood of the calf, and he shal sprenge with the fyngre seuen sithes [sithe BDEFH.] aȝens the propiciatorye, at the eest. [verse 15] And whanne he hath slawe the goot, for the synne of the puple, he shal bere ynne his blood with ynne the veile, as it is co|maundid of the blood of the calf, that he spreynge forn aȝen Goddis answeryng

[verse 16] place, and purge the seyntuarye fro the vnclennes [vnclennessys E.] of the sones of Yrael, and fro the trespassynges of hem, and fro alle synnes. After this rijt he shal doo in the tabernacle of witnessyng, that is fic|chid betwix hem, in the myddil of the sortes of dwellyng [dwellyng placys E pr. m.] of hem. [verse 17] No man be in the tabernacle, whanne the bishop shal goo into the seyntuarye, that he preye for hym silf, and for his hows, and for al the companye of Yrael, to the tyme that he goo out of the tabernacle. [verse 18] And whanne he goth out to [fro D.] the auter that is before the Lord, prey he for hym silf, and the taken blood of the calf, and of the goot, heelde he vpon the hornes of it, bi enuy|roun; [verse 19] and sprenge [sprengynge EH.] with the fyngre se|uen sithes [sithe BDEFH.] , purge he, and halowe it fro the vnclennes [vn|clennessys E.] of the sones of Yrael. [verse 20] After that he hath clenside the seyntuarye, and the tabernacle, and the auter, thanne [verse 21] offre he a quyk goot; and either hoond put on his heed, knowleche he al the wickidnes [wikkydnesses E.] of the sones of Yrael, and alle the giltis, and alle the synnes of hem, the which inwardly preiynge to his heed, he shal sende it out bi a man al redy into desert. [verse 22] And whanne the goot hath born al the wickidnes [wyckydnesses BDEH.] of hem into solitarye [verse 23] loonde, and were left in desert, Aaron shal turne aȝen into the tabernacle of wit|nessyng; and the clothes doon of, with the whiche he was clothed before, whanne he entride the seyntuarye of God, and [verse 24] hem laft there, he shal wasshe his flesh in an holi place, and shal be clothid [clothid in D.] with his owne clothes, and afterward that he, goon out, hath offred his and the puples brent sacrifice, he shal preye as wel for [verse 25] hym silf, as for the puple; and the talwȝ that is offred for synne [synnys E.] he shal brenne vpon the auter. [verse 26] He forsothe that letith

goo the sent out goot, shal wasshe his clothes and his [Om. BDEH.] bodi with water, and so he shal goo into the tentis. [verse 27] The [and the E.] calf forsothe and the goot, that weren offred for synne, and whos blood is brought in seyntuarye, that the clensyng were ful|fillid, thei shulen bere out of the tentis; and thei shulen brenne with fier, as wel the skynnes, as the flesh of hem and the drit. [verse 28] And who so euer [er E.] brenne [brynneth BDEFH.] hem, shal wasshe his clothes and the flesh with wa|ter, and so he shal go into the tentes. [verse 29] And this shal be to ȝow lawful euer|lastyng; the seuenth moneth, the tenthe day of the moneth, ȝe shulen traueyle ȝoure soules, and no werke ȝe shulen do, whether with ynne bore or comlyng that pilgrimagen among ȝow. [verse 30] In this day shal be the purgyng of ȝow, and clensyng fro alle ȝoure synnes, before the Lord ȝe shu|len [verse 31] be maad clene; the holiday forsothe of restyng it is, and ȝe shulen traueil ȝoure soules thurȝ perpetuel religioun. [verse 32] The preest forsothe, that were anoynt, shal purgen out, and whos hondes ben sacrid, that he bere the office of preest|hod for his fader; and he shal be clothid with a lynnen stoole, and with holy [verse 33] clothes, and he shal purge the seyntu|arie, and the tabernacle of witnessing, and the auter, and the preestis, and alle the puples [peple BDEH.] . [verse 34] And this shal be lawful to ȝow euermore, that ȝe preyen for the sones of Yrael, and for alle the synnes of hem, ones in the ȝeer. He dide thanne, as the Lord hadde comaundide to Moyses.