with his vessels, that thei ben halowid; [verse 10] the auter of al brent sacrifice, and al the [verse 11] vessels of it; the lauatorye with his foot. Al with the oyle of an oynting thow shalt sacre, that thei ben holi of halowes. [verse 12] And thow shalt sett Aaron and the sones of hym at the dore of the tabernacle of wit|nessyng; [verse 13] and, wasshen [hem wasshen E.] with water, thow shalt clothe with holi clothes, that thei mynystre to me, and the anoyntyng of hem profit into euerlastynge presthod. [verse 14] And Moyses dide alle thinges that the Lord comaundid [had comaundid BDEFH sec. m.] . [verse 15] Thanne the first mo|neth of the secounde ȝeer, the first day of the moneth, the tabernacle was sett. [verse 16] And Moyses areryde it, and sette the ta|bles, and the footstakis, and the berynge staues, and he sette the pilers. [verse 17] And he strauȝte the roofe vpon the tabernacle, the couertour in sett aboue, as the Lord comaundide. [verse 18] And he putte the witness|yng in the arke with ynne, berynge staues vnder sett, and Goddis answerynge place ther aboue. [verse 19] And whanne he hadde brouȝt yn the arke into the tabernacle, he hong|ide beforn it the veyle, that he fulfille the heest of the Lord. [verse 20] And he putte the meetbord in the tabernacle of witnessyng, at the north coost, with outen the veyle, [verse 21] ordeynd before the looues of proposicioun, as the Lord comaundide to Moyses. [verse 22] And he putte the candestik in the tabernacle of witnessyng, `forn aȝens [fro the coost of E pr. m.] the meetbord, [verse 23] in the sowth parti, sett bi ordre the lan|terns, after the heest of the Lord. [verse 24] And he putte the goldun auter vnder the roofe [verse 25] of witnessyng, aȝens the veile, and he brent vpon it encense [the encense E.] of swete smellynge spices, as the Lord comaundide to Moyses. [verse 26] And he putte the tente in the entre of [verse 27] the tabernacle, and the auter of alle brent sacrifices [sacrifice BDEFH.] in the vestiarie of witnessyng,