The Holy Bible, containing the Old and New Testaments, with the Apocryphal books,

CAP. XXXV.

[verse 1] Therfore alle the cumpanye of alle the sones of Yrael gedered, he seid to hem, Thes ben that the Lord hath comaundide to be doon. [verse 2] Six daies ȝe shulen [thou schal E pr. m.] doo werk, the seuenthe day shal be to ȝow holy, an holi day and the reste of the Lord; who

so doth werk in it he shal be slayn. [verse 3] Ȝe shulen not tiende fier in al ȝoure dwell|yng place bi the holi day. [verse 4] And Moyses seith to alle the companyes of the sones of Yrael, This is the word that the Lord [verse 5] comaundide, seiynge, Seuer ȝe anentis ȝow the chefe fruytis to the Lord; eche wilful and of redi inwit offer hem to the [verse 6] Lord, gold, and siluer, and brasse, iacynct, and purpur, and [Om. E.] cocto twies died, and [verse 7] bijs, heeris of goote, and the skynnes of wethers maad reed, and iacynctyne, the [verse 8] trees of Sichym, and oyle to [to teende E pr. m. of H.] the liȝtes `to be maad [Om. E pr. m.] , and that there be maad an oynement, and the moost swete ensence, [verse 9] onychyn stonus and gemmes, to the anowrnnyng of the coope, and of the breest broche. [verse 10] Who so euere of ȝow is wijs, come he, and mak that the Lord [verse 11] hath comaundide, that is, the tabernacle, and the roof of it, and the coueryng; rynges, and the `tablid sides [made tablis E pr. m.] , with the [verse 12] berynge staues, litil stakes [staues B.] , and feet [fotisE pr. m.] ; the arke, and the berynge staues; the propi|cyatorie, and the veyle, that before it is [verse 13] sprad abrood; the meetbord with berynge staues, and the vessels, and the looues of [verse 14] proposicioun; the candelstik to susteyne the liȝtes, the vessels of it, and lanternes, [verse 15] and oyle to the norishyng of fyres; the auter of the maad [Om. E pr. m.] ensence, and the ber|yng staues; oyle of anoynting, and the maad [Om. E pr. m.] ensence of the swete smellynge spices; the tente at the dore of the taber|nacle; [verse 16] the autere of the al brent sacrifice, and the brasun gredeyrne of it, with the berynge staues, and his vessels; the laua|torie, [verse 17] and the feet of it; the cortynes of the porche, with pilers, and feet; the tentis [tennt BEH.] [verse 18] in the ȝatis of the vestiarie; the litil stakis of the tabernacle, and of the porche, with [verse 19] her cordes; the clothes whose vse is in the

seruyce of the seyntuarye; the clothes of Aaron the bishop, and of his sones, that thei beren the office of [of the H.] preesthod to me. [verse 20] And al the multitude of the sones of Yrael goon out fro the siȝt of Moyses, [verse 21] offerde with moost redi mynde and de|uoute the chefe thinges to the Lord, to make the werk of the tabernacle of testy|monye, what thing to the heriyng and to the holy clothes was nessessarye. [verse 22] Men with wymmen ȝeuen hongynge rynges, and eer rynges, and hoond rynges, and beeȝis; al gilden vessel [vessels D.] is seuerd into the ȝiftis of the Lord. [verse 23] Who so euer hadde iacynct, and purpur, and cocco twies died, bijs, and heeris of goote, wether skynnes [verse 24] maad reed, and blew, the metals of sil|uer, and of brasse, thei offreden to the Lord, and the trees of Sichym into dy|uerse [dyuerses A.] vsis. [verse 25] But and wymmen ȝyuen that come thurȝ dower, iacynct, and purpur, [verse 26] and reed silk, and bijs, and the heeris of goote, wilfully [wilful A.] alle propre thingis ȝeuynge. [verse 27] The princes forsothe offerden onychyn stonus and gemmes, to the coope [verse 28] and breest broche, and swete smellynge spices, and oyle to make the liȝtes, and to greithe the [Om. D.] oynement, and to make the encense of moost swete smel. [verse 29] Alle men and wymmen with a deuowt mynde of|ferden ȝiftis, that the werkis `shulden be [were E pr. m.] maad, that the Lord comaundide bi the hoond of Moyses; alle the sones of Yrael halowiden wilful thinges to the Lord. [verse 30] And Moyses seide to the sones of Israel, Loo! the Lord hath clepid Beseleel bi name, the sones of Hury, the sone of [verse 31] Hur, of the lynage of Juda; and he hath fulfillede hym with the spiryt of God, of wisdom, and vnderstondyng, and of kun|nyng, [verse 32] with al doctrine, to cast and to make the werk, in gold, and siluer, and [verse 33] brasse, and in stonus to ben graued, and

in carpentarye werk; what thing craftily may be founde, he hath ȝouun in his herte; and Ooliab, the sone of Achyma|sech, of the lynage of Dan; bothe he hath tauȝte with wisdom, that thei maken the werkis of carpentarye, of browdrye, and of werkyng [werkry E pr. m.] with needlis, of iacynct, and purpur, and cocto twies died, and of bijs, and alle thinges weue thei, and alle newe thingis fynde thei.