The Holy Bible, containing the Old and New Testaments, with the Apocryphal books,

CAP. II.

[verse 1] Aftir this ȝede out a man of the hows of Leuy, and tok a wijf of his lynage, [verse 2] that conceyuede, and bar a child, and, seynge hym shaply, hydde hym thre monethis. [verse 3] And whanne he myȝte hide hym no lenger, he tok a ionket of resshen, and glewide it withe glewishe cley, and with picche, and putte the litil faunt [childe D.] with ynne, and sette out hym in the flaggi place of the brinke of the flode, [verse 4] his sister stondynge afer, and biholdynge the auenture of the thing. [verse 5] And, loo! the douȝter of Pharao descendide for to be wasshid in the flode, and hir mayden ser|uauntis ȝeden bi the brynke of the flode. The which, whanne she hadde seen the ionket in the growyng place of resshes, [verse 6] sente oon of hir mayden seruauntis, and, it brouȝte forth, opnynge and biholdynge in it a litil child wepynge, hauynge rewth of it, seith, Of the children of Ebrews he is. [verse 7] To whom the sister of the child, Wolt thow, she seith, that Y go, and clepe to thee a womman of Ebrew, that may no|rishe the child? [verse 8] She answerde, Go. The mayden child ȝede, and clepide hir moder. [verse 9] To whom spak the dowȝtir of Pharao, Tak, she seide, this child, and norisch to me, and Y shal ȝyue to thee thi mede. The womman tok, and norisshide the child, and ful waxen tok to [Om. A.] the dowȝter [verse 10] of Pharao, whom she clepide to hir in steede of a sone; and she clepide his name Moyses, seiynge, For of the water Y tok hym. [verse 11] In thilke daies, after Moyses [that Moyses BDEH.]

was waxen, goon out to his bretheren, sawȝ the tourmentyng of hem, and a man of Egipte smytynge oon of the Ebrews, his britheren. [verse 12] And whanne he hadde be|holdun al abowt hider and thider, and no man he hadde seen to be nyȝ, the Egip|cien smytun he hidde in the soonde. [verse 13] And goon out another day, he bihelde two Ebrews chidynge, and he seide to hym that dyde the wrong, Whi smytist thow thi brother [neyȝbour E.] ? [verse 14] The which answerde, Who ordeynede thee prince and domesman vpon vs? Whether thow wole slee me, as thow slewe ȝistirday the Egipcien? Moyses dradde, and seith, What manere is maad opyn [vpon AFH.] this word? [verse 15] And Pharao herde this word, and souȝte to slee Moyses, the which fleynge fro hys siȝt, dwelte in the loond of Madyan, and sat bisidis a pitt. [verse 16] Forsothe there weren to the preest of Madian seuen douȝtres [douȝtren BDEFH.] , the whiche `comen to [come to ben BDF pr. m. H.] drawe watir; and, the water goters fillid, thei coueytiden to wa|ter the flok of hyr fader. [verse 17] There ouer|camen shepherdes, and threwen hem out; and Moyses aroos, and, the mayden chil|dren defendid, he watride her sheep. [verse 18] The whiche, whanne thei were turnyd aȝen to Jetro, her fader, he seide to hem, Whi ben ȝe comen swifter than ȝe ben wonte? [verse 19] Thei answerden, A man of Egipte hath delyuered vs fro the hoond of the shep|herdis; also and he hath drawun water with vs, and ȝyue drynke to the sheip. [verse 20] And he, Where is he? he seith, whi han ȝe laft the man? clepe ȝe hym, that he eete breed. [verse 21] Than Moyses swere, that he shulde dwelle with hym; and he tok a wijf, Sephoram, the douȝter of hym. [verse 22] The which bar to hym a sone, that he clepide Gersan, seiynge, A comlyng Y was in a straunge loond. And [Om. BDEFH.] another forsothe she bar, whom he clepide Elieȝer, seiynge,

sothe the God [Lord H.] of my fader is myn helper, and hath delyuered me fro the hoond of Pharao. [verse 23] After myche forsothe of tyme died the kyng of Egipte, and in|wardly weilynge the sones of Yrael for the werkis, crieden out, and the crye of `hem to God of [Om. A.] her werkis steyde vp. [verse 24] And he herde the weilyng of hem, and was recordid of the boond of pees, that he couenauntide with Abraham, Ysaac, [verse 25] and Jacob; and he bihelde the children [sones B sup. ras. E.] of Yrael, and knewe hem.