The Holy Bible, containing the Old and New Testaments, with the Apocryphal books,

CAP. XXIX.

[verse 1] But and this thou shalt doon, that thei be sacrid to me in presthode; tak a calf from the droue, and two whetheris with [verse 2] outen wemme, and therf looues, and a cake with outen sour dowȝ, the whiche ben thei spreynde with oyle, and therf cramcakes wett with oyle; and of puyr whete meele thow shalt make alle thingis, and put in a leepe thow shalt offre. [verse 3] The [verse 4] calf forsothe, and the two wetheris, and Aaron and his children, thou shalt brynge to the dore of the tabernacle of witnes; and whanne thow hast wasshe the fader [verse 5] with the sones with water, thow shalt clothe Aaron with his clothes, that is to seie, with rocket, and coote, and coope, and breest broche, that thow shalt streyne with a girdel. [verse 6] And thow shalt putte a coyif in to his heed, and the holi plate [verse 7] vpon the coyif, and the oyle of anoynt|ynge thow shalt heelde vpon his heed, and with this ryte he shal be sacrid. [verse 8] The sones forsothe of hym thow shalt pre|sente [bryng forth E pr. m.] , and thow shalt clothe with lyn|nen

clothes, and thow shalt girde with a [verse 9] girdle, that is, Aaron and his free chil|dren; and thow shalt putte vpon hem mytrys, and thei shulen be my preestis with euerlastynge religioun. And after that [Om. B.] thow hast sacryde the hondes of [verse 10] hem, thow shalt brynge forth and [Om. B.] a calf before the tabernacle of witnes, and Aa|ron and his sones shulen putte yn hondes [verse 11] vpon the heed of it; and thow shalt slee it in the siȝt of the Lord, biside the dore of the tabernacle of witnes. [verse 12] And that that is takun of the blood of the calf, thow shalt putte vpon the hornes of the auter with thi fyngre; the relif blood forsothe thow shalt heelde beside the foot of it. [verse 13] And thow shalt take al the fatnes that couereth the entreyls, and the calle of the mawe, and the two kydneers, and the fatt that is vpon hem, and thow shalt offre encense vpon the auter. [verse 14] The flesh forsothe of the calf, and the skynne, and the dryt, thow shalt outforth brenne out of the tentis, forthi that it is for synne. [verse 15] And thow shalt take o wether, vpon whos heed Aaron and his sones [verse 16] shal ligge the hondes; the which whanne thou hast slawe, thow shalt take of the blood of it, and thow shalt heelde aboute the auter. [verse 17] And thow shalt kutte that wether in gobettis, and the entrayls of it washid, and the feete, thow shalt putte vpon the cut flesh, and vpon his heed; [verse 18] and thow shalt offre al the wether into ensence [the ensence A.] vpon the auter; offrynge it is to the Lord, the moost swete smel of the slawn sacrifice of the Lord. [verse 19] And thow shalt take another wether, vpon whos heed Aaron and his sones shulen putte [verse 20] hondes, the which whanne thow hast offrede, thow shalt take of the blood of it, and thow shalt putte vpon the eende

of the ryȝt eer of Aaron, and of his sones, and vpon the thoumbis of the hoond of hem, and of the riȝt foot; and thow shalt heelde the blood vpon the auter, bi enuy|roun. [verse 21] And whanne thow hast takun of the blood, that is vpon the auter, and of the oyle of anoyntyng, thow shalt sprenge Aaron and his clothes, the sones and the clothingis of hem. And so hem sacryd, [verse 22] and the clothes, thow shalt take the talwȝ [fatt E pr. m.] of the wether, and the tayle, and the vttermore fatnes that couereth the entrayls, and the fatt calle of the mawe, and the two reynes, and the fat that is vpon hem, and the riȝt shuldre, forthi that it is the wether of consecracioun; [verse 23] and a cake of a loof, a crustid cake spreynde with oyle, a crompid cake, of the leepe of therf looues, that is sett in the siȝt of the Lord. [verse 24] And thow shalt putte al vpon the hondes of Aaron, and of the sones of hym, and thow shalt ha|lowe hem, areryng vp before the Lord. [verse 25] And thow shalt take alle the thingis fro the hondes of hem, and thow shalt teende vpon the auter, into alle brent sacrifice, the moost swete smel in the siȝt of the Lord, for it is the offryng of hym. [verse 26] And thow shalt take the litel breest of the wethir, with the which Aaron is sacrid, and thow shalt halowe it, arerid vp be|fore the Lord, and it shal falle into thi part. [verse 27] And thou shalt halwe the sacrid litel breest, and the shuldre that thow [verse 28] seuerdist fro the wether, with which Aa|ron was halowed, and his children; and thei shulen falle into the part of Aaron, and the sones of hym, thurȝ euerlastynge riȝt, fro the sones of Yrael; for thei ben the first fruytis, and the bigynnynges of the peesible sleyne sacryfice of hem that ben offred to the Lord. [verse 29] And the hooli cloth that Aaron shal vse, the sones of

hym shulen haue after hym, that thei ben anoyntid in it and sacrid the hondes of hem. [verse 30] Seuen daies he shal vse it, that `shal be [is E pr. m.] of his sones ordeynd bishop for hym, and that shal goo into the taber|nacle of witnes, that he mynystre in the seyntuarye. [verse 31] And thow shalt take the wether of halowyng, and thow shalt seethe the flesh of it in the holy place, [verse 32] of the which Aaron shal eete, and the sones of hym; and the looues that ben in the leepe thei shulen eete in the ves|tiarye [verse 33] of the tabernacle of witnes, that it be a pesible [pleysyble BDEFH.] sacrifice, and that the hondes of the offrers ben halowid. A man of other kynne than the sones of Aaron, shal not eete of thilke thingis, for thei ben holy. [verse 34] That if there leeue of the sa|crid flesh, or of the looues, vnto the mor|wetide, thow shalt brenne the relif with fier; thei shulen not ben etun, for thei ben halowid. [verse 35] Alle thingis that Y co|maundide [comaunde E pr. m.] to thee, thow shalt do vpon Aaron, and vpon the sones of hym. Seuen daies thow shalt sacre the hondes of hem, [verse 36] and thow shalt offre a calf for synne bi eche dayes to perfitely clense; and thou shalt clense the auter, whanne thow of|frest the sacrifies of parfite clensyng, and thow shalt anoynte it into the halwyng. [verse 37] Seuen daies thow shalt clense the auter, and halowe, and it shal be holy [the holy BDEH.] of ha|lowis; eche [all E pr. m.] that towchith it shal be ha|lowid. [verse 38] This is that thow shalt do in the auter; two loombes of o ȝere bi eche day [verse 39] bisili, o loombe at morwetide, and another [verse 40] at euen tide; the tenthe part of the tried flowr spreynd with oyle, powned, that haue a mesure, the fourthe part of hyn, that is a sextarye, that is a mesure of two pownd, and wyn to offre of the same mesure, in o lombe. [verse 41] Another forsothe lombe thou shalt offre at euen, after the

riyt of the morwetide offryng, and after `tho thingis [that E pr. m.] that `we han [I haue E pr. m.] seid, into the [verse 42] smel of swetnes; a sacrifice to the Lord it is with euerlastynge offryng into ȝoure generaciouns, at the dore of the tabernacle of witnes before the Lord, where Y shal [verse 43] ordeyne that I speke to thee; and there Y [Om. D.] shal comaunde to the sones of Yrael, and the auter shal be halowid in my glo|rye. [verse 44] And I shal halowe the tabernacle of witnes with the auter, and Aaron with the sones of hym, that thei beren the office of preesthod to me. [verse 45] And Y shal dwelle in the myddil of the sones of [verse 46] Yrael, and Y shal be to hem a God; and thei shulen knowe, for Y am the Lord God [Om. A.] of hem, that hath ladde hem out of the loond of Egipte, that Y myȝt dwelle among hem; Y the Lord God of hem.