The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] Thow shalt make an auteer of trees [the trees E.] of Sichym, that shal haue fyue cubites in lengthe, and as feele in brede, that is to seye, squaar [asquaar A pr. m. F. querry E pr. m.] , and thre cubites in heiȝt. [verse 2] Hornes forsothe bi the foure corners shu|len be of it; and thow shalt couere it with brasse. [verse 3] And thow shalt make into the vsis of yt cawdrones, to be takun the asken, and toonges, and hokes, and fyer vessels;
alle the vessels thow shalt forge of brasse. [verse 4] And a brasun gredyrne in the manere of a nett, bi whos foure corners shulen be [verse 5] foure brasun rynges, the whiche thow shalt putte vnder the `fier panne [flore E pr. m.] of the auteer; and the [so that the E pr. m.] gredyrne shal be to the myddil of the auteer. [verse 6] And thow shalt make two beryng staues of the auteer, of the trees of Sichym, the which thow [verse 7] shalt couere with brasun plates; and thow shalt lede ynne thurȝ cercles, and thei shulen be on either side of the au|teer, to bern [bren A.] . [verse 8] Thow shalt make it not massy, but with inne voyde, and with ynne holowȝ, as it is shewid to thee in the hil. [verse 9] And thow shalt make the porche of the tabernacle, in whos sowth coost aȝen the sowth shulen be tentes of bijs aȝen foldid; the to side shal holde an [verse 10] hundred cubites in lengthe, and twenti pilers, with so feele brasun feet, the whiche shulen han silueren heedes with her grauyngis. [verse 11] Also in the side of the north, bi the lengthe, shal be tentis of an hundryd cubites, the pilers twenti, and brasun foot stakes of the same noumbre; and the heedes of hem with here grau|yngis silueren. [verse 12] In the brede forsothe of the porche, that biholdith to the west, there shulen be tentis bi fifti cubitis, and ten pilers, and as feele footstakis. [verse 13] In that forsothe brede of the porche, that biholdeth to the eest, shal ben fifty cu|bitis, [verse 14] in the whiche tentis of fiftene cu|bitis shulen be ordeyned to `that o [the too BDEFH.] side, and thre pilers, and so feele footstakes [footstaues A.] ; [verse 15] in the tother side shulen be tentis hold|ynge fiftene cubitis, and thre pilers, and as feele footstakis. [verse 16] In the entre forsothe of the porche there shal be maad a tente of twenti cubitis, of iacynkt, and purpur, and cocto twies died, and bijs foldid aȝen with nedle [neelde BE.] werk; and he shal haue foure
pilers, with as feele footstakis. [verse 17] Alle the pilers of the porche bi enuyroun shulen be clothid with silueren platis, the heedes silueren, and the feet brasun. [verse 18] In lengthe the porche shal ocupie an hundred cu|bitis, in brede fifti; the heiȝt shal be of fyue cubitis; and it shal be maad of bijs foldun aȝen, and it shal haue brasun footstakis. [verse 19] Alle the vessels of the taber|nacle, into alle vsis and serymonyes, as wel the litil stakes of it as of the porche, thow shalt make of brasse. [verse 20] Comaunde to the sones of Yrael, that thei bryngen to thee oyle of olyue trees moost puyre, and powned with a pestel, that the lan|terne [verse 21] brenne euer more in the tabernacle of witnes with outen the veyle, that is aȝen|strauȝt to the testymonye; and Aaron and his sones shulen sette it, that it ȝyue liȝt vnto the morwen before the Lord; it shal be euerlastynge [euerlastynge herying E.] by the successioun [successyouns E.] of hem of the sones of Yrael.