The Holy Bible, containing the Old and New Testaments, with the Apocryphal books,

CAP. XIX.

[verse 1] The thridde moneth of the goyng of Yrael out of the loond of Egipte, in this day thei camen into the wildernes of Sy|nai; [verse 2] for thei goon forth fro Raphidym, and comynge vnto deserte [the deserte BDEFH.] of Synay, `setten tentis [thei setten her dwellingis E pr. m.] in the same place; and there Yrael ficchid tentis, `forn aȝens [fro the regyoun of E pr. m.] the hil. [verse 3] Moyses forsothe steyde vp into the hil to God; and the Lord clepide hym fro the hil, and seith, Thes thingis thow shalt seye to the hows of Jacob, and thow [verse 4] shal telle to the sones of Yrael, Ȝoure self han seen what I haue doon to the Egip|ciens, what maner wise Y haue born ȝou vpon the weenges of eglis, and haue takun to me. [verse 5] If thanne ȝe heren my voys, and kepen my couenaunt, ȝe shulen be to me into my propre tresour of alle puples; [verse 6] myn forsothe is al the erthe; and ȝe shu|len be to me into a preestis kyngdom, and an holi folk; thes ben the wordis that thou shalt spek to the sones of Yrael. [verse 7] Moyses cam, and clepide togidere the more men thurȝ birthe of the puple, he expownede alle the wordes that the Lord hadde comaundid. [verse 8] And al the puple an|swerde togidere, We shulen doon alle the [Om. E.] thingis that the Lord hath [Om. D.] spokun. And whanne Moyses hadde told the wordis of [verse 9] the puple to the Lord, the Lord seyde to hym, Now riȝt Y shal com to thee in derknes of a clowde, that the puple here me spekynge to thee, and leue to thee, into [vnto E.] with outen eende. Thanne Moyses tolde the wordes of the puple to the [verse 10] Lord, that seide to hym, Goo to the pu|ple, and halwe hem to day and to mor|wen, [verse 11] and wasshe thei her clothis, and be thei redi into the thridde day; in the thridde day forsothe the Lord shal des|sende before al the folk vpon the hil of Synay. [verse 12] And thow shalt ordeyn termes

to the puple, bi enuyroun; and thow shalt seye to hem, Be [Beth BDEFH.] war that ȝe steyen not into the hil, ne touche the endes of it; eche that touchith the hil, with deth shal dye. [verse 13] Hondes shulen not touche hym, but with stones he shal be pressid down, or he shal be stickid with dartis; whe|ther he be beest, or man, he shal not lyue; whanne the trumpe begynneth to crie, thanne stey [steeth D.] they [thow AF pr. m.] vp into the hil. [verse 14] And Moyses descendide fro the hil to the puple, and halowede yt [hem E pr. m.] ; and whanne [verse 15] thei haddun wasshun her clothes, he seith to hem, Be ȝe redi into the thridde day, and neiȝe ȝe not to ȝoure wyues. [verse 16] And now the thridde day was comen, and the morwetide was ful cleerid; and loo! thundres biganne to be herd, and leytes to shynen, and the moost thik [derkk D.] clowd to couer the hil; and the crye of the trump more [full E pr. m.] hidously made noyse, and the pu|ple dredde, that was in the tentes. [verse 17] And whanne Moyses hadde led hem out into the aȝen comyng of God, fro the place of the tentes, thei stoden at the rotes of the hil. [verse 18] And al the hil of Synay smokide, forthi that the Lord descendide [had descendide BDE sec. m. H.] vpon it in fier; and the smeek steyde vp of it as of a furneys, and al the hil was ful feer|ful; [verse 19] and the sown of the trompe litil mele spronge into more, and lenger was strecchid. Moyses spak, and the Lord [verse 20] answerde hym, and the Lord descendide vpon the hil of Synay, in that cop of the hil, and he clepide Moyses in the heiȝt of it. Whider whanne he hadde steied [verse 21] vp, he seide to hym, Descende, and as with ooth charge the puple, lest perauen|ture it [he E pr. m.] wole passe ouer the termes to se the Lord, and of hem perisshe a myche [verse 22] multitude; the preestis forsothe that camen nyȝ to the Lord, be thei halewed, lest Y smyte hem. [verse 23] And Moyses seide to the Lord, The comounte may not stey vp

into the hil of Synay; thow forsothe hast witnessid, and comaundid seiynge, Put the termes about the hil, and halwe it. [verse 24] To whom seith the Lord, Goo, descende, and thow shalt stey vp, and Aaron with thee; the preestis forsothe and the puple passe thei not the termes, ne steye thei vp to the Lord, lest perauenture he slee hem. [verse 25] And Moyses steiede vp to the puple, and alle thingis tolde to hem.