The Holy Bible, containing the Old and New Testaments, with the Apocryphal books,

CAP. XV.

Synge we to the Lord, forsothe glori|ously he is magnyfied; the hors and the [Om. D.] steyer [steyers D.] up he threwe down into the see. [verse 2] My strengthe and my preysyng the Lord; and he is maad to me into helthe. This my God, and hym Y shal gloryfie; the God of my fader, and hym Y shal en|haunce. [verse 3] The Lord as a man fiȝter, Al|myȝti [verse 4] his name; the chare of Pharao and his oost he threwe fer into the see. His chosun princes weren turned vpsedoun in [verse 5] the reed see; the depe watris couerden hem; thei descendiden into the depthe as

a stoon. [verse 6] Lord, thi riȝt hoond is magny|fied in strengthe; thy ryȝt hoond, Lord, hath smytun the enemye. [verse 7] And in mul|titude of thi glorie thow hast put doun alle myn aduersaryes; thow hast sent thi wrath, that deuowride hem as stoble. [verse 8] And in the spirit of thi woodnes watris ben gederid togidere; the flowynge wa|ter stode, the depe watris ben gederid to gidere in the myddil see. [verse 9] The enemye seide, Y shal pursue, and Y shal tak; ro|bries Y shal dyuyde, my soule shal be fulfillid. I shal drawe out my swerd; and myn hoond shal slee hym. [verse 10] Thi spi|ryt blewe, and the see couerde hem; and thei ben vnder dreynt as leed in hidows watris. [verse 11] Who, Lord, is lijk to thee in strong [streinth E pr. m.] thingis, who is lijk to thee? thow doer of greet thingis in holynes, and feer|ful, and preysable, and doynge merueyls. [verse 12] Thow hast strauȝt out thin hoond, and [verse 13] the erthe hath deuourid hem; a duke thow hast ben in thi merci to thi puple, that thow hast aȝenbouȝt [forbouȝt E pr. m.] ; and thow hast born it in thi strengthe to thin holi dwellyng place. [verse 14] Puples steiden vp, and ben [thei ben E pr. m.] wrooth; sorwes withheelden the dwellers of Philistien. [verse 15] Thanne ben dis|turbid the princes of Edom; tremblyng withheelde the strong men of Moab. [verse 16] Alle the dwellers of Chanaan aȝenfrussh|iden for ferde; inward drede fal vpon hem, and outward drede in the mykilnes of thin arme. Be thei maad vnmouable as a stoon, to the tyme, Lord, that thi puple passe; to the tyme that thi puple passe, this that thow hast weeldid. [verse 17] Thow shalt lede hem yn, and thow shalt plaunt in the hil of thin heritage; with thi moost stedfast dwellyng, Lord, that thow hast wrouȝt; Lord, thi seyntuarye, that thin hondes [hoon A.] fastiden. [verse 18] The Lord shal regne

withouten ende and ouer. [verse 19] Forsothe Pha|rao, rydynge with charys, and his hors|men ȝeden yn to the see, and the watris of the see the Lord aȝenbrouȝte vpon hem; the sones forsothe of Yrael ȝeden thurȝ the drye, in the myddil of it. [verse 20] Thanne Mary, a [Om. E.] prophetesse, the sister of Aaron, tok a tympan in hir hoond, and alle the wymmen ȝeden out after hir, with tym|panes [verse 21] and daunses; with the whiche she before songe, seiynge, Synge we to the Lord, gloriously forsothe he is magny|fyed; the hors and his steier up [Om. BDEFH.] he threw doun into the see. [verse 22] Forsothe Moyses tok Yrael fro the reed see, and thei ȝeden out into the desert of Sur, and thei ȝeden thre dayes thurȝ wildirnes, and thei fonden no watyr. [verse 23] And thei camen into Marath, and thei myȝten not drynk the watris of Ma|rath, forthi that thei weren bitter; wher|for and a couenable name he putte to the place, clepynge it Mara, that is, bitternes. [verse 24] And the puple grucchide aȝens Moyses, seiynge, What shulen we drynk? [verse 25] And he cryede to [vnto E pr. m.] the Lord, the which shewide hym a tree; the which whanne he hadde put into the watris, thei weren turned into swetnes. There he ordeynede to him heestis and domes, and there he temptide [verse 26] hym, seiynge, If thow herist [heere BDEFH.] the voys of the Lord thi God, and dost that that is ryȝt before hym, and obeyshist [obeysche BDEFH.] to his maundementis, and kepist alle his heestis, al the langour that I putte in Egipte, Y shal not brynge yn vpon thee; I forsothe am the Lord thi Sauyour. The sones of Yrael forsothe camen into Helym, where [ther E pr. m.] weren twelue welles of watris, and se|uenti palme trees, and thei meueden tentis [her tentis E pr. m.] bisides the waters.