The Holy Bible, containing the Old and New Testaments, with the Apocryphal books,

CAP. XI.

[verse 1] And the Lord seide to Moyses, Ȝit with o veniaunce Y shal touche Pharao and Egipte, and aftyr thes thingis he shal leeue ȝow, and constreyne to goon out. [verse 2] Thanne thow shalt seie to al the puple, that a man aske of his freend, and a womman of hir neiȝbore, silueren and [verse 3] goldun vessels, and clothis; forsothe the Lord shal ȝyue grace to his puple befor the Egipcyens. And Moyses was a ful greet man in the loond of Egipte, before the seruauntis of Pharao and al the pu|ple; [verse 4] and seith [he seith E sup. ras.] , Thes thingis seith the Lord, At myd nyȝt Y shal goon yn to [verse 5] Egipte; and there shulen dye alle the fyrst gotun in the loond of Egipciens, fro the first gotun of Pharao, that sittith in his see, vnto the first gotun of the hand|mayden, that is at the queern; and alle [verse 6] the first gotun of beestis; and there shal

be a greet crye in al the loond of Egipte, what maner was not bifore, ne aftirward is to [not to E.] come. [verse 7] Anentis forsothe alle the children of Yrael there shal not grucche a dog, fro man vnto beeste; that ȝe knowen, bi how myche myracle the Lord dyuydide the Egipciens and Yrael. [verse 8] And alle thes thi seruauntys shulen descende [denscende A.] to me, and thei shulen preye for me, sey|ynge, Go out thow, and al the puple that is suget to thee; after thes thingis we shulen goon out. [verse 9] And greetly wrooth he ȝede out fro Pharao. The Lord forsothe seyde to Moyses, Pharao shal not here ȝow, that many signes be doon in the loond of Egipte. [verse 10] Moyses forsothe and Aaron diden alle the signes and alle the toknes worthi shewynge, that ben wrytun, before Pharao; and the Lord hardide the herte of Pharao, ne he lafte the sones of Yrael fro his loond.