The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] Symont forsothe byfore saide, accuser of moneys, and of the cuntree, spake yuel of [to K.] Onye, as he hadde stiride Helyodore to these thingis, and he hadde be stirer [verse 2] of yuels; and he durst saye the puruey|oure of the citee, and defender of his folc, and louer of the lawe of God, enmye, or traitour, of the rewme. [verse 3] Bot whan enmytees in so myche camen forth, that by summe necessaries, or niȝ freendis,
of Symount man sleayngus weren don, [verse 4] Onye, byholdynge the perel of strijf, and Appolonye for to be wood, as duyk of Celescerie and Fenyce, for to encresce the malice of Symont, ȝaue hym self to [verse 5] the kyng; not as acuser of citeeseins, bot biholdynge anentis hym self the comoun profit of al the multitude. [verse 6] Forsothe he seeȝ, for to be inpossible pees for to be ȝouen to thingus without the kyngus pur|uyaunce, nether Symont mowe ceese of his foly. [verse 7] Bot after the [Om. H.] passing of [of of K.] Seleucus lijf, whan Antiochus, that was cleepid noble, hadde taken rewme, Jason, brother of Onye, coueytide the heeȝist [verse 8] presthod, the kyng gon to, byhetynge hym three hundred talentis and sixty of syluer, and of other rentis foure score; [verse 9] vpon these thingus he bihiȝte [hiȝte G pr. m.] and other an hundrid and fyfty, ȝif it were graunt|id to his power, for to ordeyne a scole, and a [Om. H.] gadryng of ȝunge men to hym; and for to wryte hem that weren in Je|rusalem Antiochenys, or men of Anti|oche. [verse 10] Whiche thing whan the kyng had grauntide, and he weeldide the prince|hod, anoon he bygan for to transferre to heithen custum [custom, or obseruaunce H.] men of his lynage. [verse 11] And these thingus don awey, whiche bi cause of humanytee, or curtasie, to Jewis weren ordeynyd of kyngus by Joon, fader of Eupolemy, whiche anentus Romayns is ordeyned in laweful message of frend|ship and felawship, he, distruyinge riȝtis, or lawis, of the [Om. AGH.] cyteeseyns, made shrewid [verse 12] ordinauncis; and sothely he was hardy for to ordeyne a scole vnder that heeȝ rocke, and for to putte al the beste of ȝunge in bordel hous. [verse 13] Forsothe this was not bygynnyng, bot sum encresyng and profit of heithen and alien lijf, for the vnleeful and vnherd grete trespas of [verse 14] vnpytous, and not prest Jason; so that prestis not nowe weren ȝouen aboute offices of the auter, bot the temple dis|pisid,
and sacrifices left, thei hastiden for to be maad felawis of wrastlyng, and of vniust ȝeuynge therof, and of oost, or cumpanye, of dishe, or pleyinge with ledun dishe. [verse 15] And thei hauynge honours of fadris at nouȝt, demyden Greek glories best. [verse 16] For grace of whiche perilous con|tencioun hadde hem, and her ordinauncis thei folewiden, or louyden; and by alle thingus thei coueitiden for to be lijk to hem, whom thei hadden enmyes and dis|truyers. [verse 17] Forsothe for to do vnpitously aȝeinus Goddis lawis fallith not with outen peyn, bot and the tyme suynge declaride these thingus. [verse 18] Sothely whan fyue ȝeer stryf, or fiȝt, was wirshipid in [verse 19] Tyre, and the kyng was present, Jason ful of grete trespassis sente fro Jerusalem men synners, berynge three hundrid dragmes of syluer in to sacrifice of Er|cules; whiche these men that baren out axiden, that thei weren not ȝouen in sacrifices, for it needide not, bot in to other spensis hem for to be ordeynyd. [verse 20] Bot these sothely ben offrid of hym that sente in to sacrifice of Ercules; sothely for men present thei ben ȝouen in to makynge of grete shippis. [verse 21] Forsothe Appollonye, sone of Nesteye, sente in to Egipt for primatis of [to H.] Tholome Philo|metoris, kyng; forsothe whanne Antio|chus knewe hym maad alien fro needis of the rewme, he conseilynge to his owne profitis, gon thennus, cam to Joppen, and fro thennus to Jerusalem. [verse 22] And he, re|sceiued of Jason and of the citee wir|shipfully, with liȝtis of broondis, and preysyngus, wente yn, and fro thennus turnyd the oost in to coost of Fenyce. [verse 23] And after the tyme of three ȝeer Jason sente Menelaus, brother of Symont aboue said, berynge moneys to the kyng, and of necessarie [the necessarye H.] causis to beryng answeris. [verse 24] And he comendid [comaundide H.] to the kyng, whan he magnyfiede [hadde magnyfied G sec. m. H.] the face of his power, turn|yde
in to hym self the heeȝist presthode, aboue puttynge to Jason three hundrid talentes of syluer. [verse 25] And maundementis taken of the kyng, he came, sothely hau|ynge no thing worthi to presthod; so|thely inwitt of cruel [a cruel G sec. m. H.] tyraunt, and ber|yng wrath of wijld [a wijld G sec. m. H.] beest [beest, or of woundur aȝenis kynde H.] . [verse 26] And sothely Jason, that toke his own brother caitif, he disceyued is putt out outlawid in to the cuntree of Amanythen [Amanythew K.] . [verse 27] Bot Mene|laus forsothe weeldide the princehod, bot of moneys bihiȝt to the kyng he hadde no thing, whan Sostratus, that was pre|poost to the heeȝ rocke, made exactioun, [verse 28] or vniust axing, for whi exactioun of tributis perteynede to hym; for whiche cause bothe ben clepid to the kyng. [verse 29] And Menelaus remoued fro presthod, succed|yng, or next cummynge after, Lysyma|cus, his brother; sothely Sostratus is maad souereyn to men of Sypre. [verse 30] And whan these thingus weren don, it byfelle Tharsensis and Mallotis for to moue de|bate, for that thei weren ȝouen in ȝift to the concubyne of kyng Antiochus. [verse 31] And so the kyng hastily came, for to swage hem, left oon of his erlis suffectus An|dronyk. [verse 32] Forsothe Menelaus demynge hym for to haue taken couenable tyme, stelinge sume golden vessels of the tem|ple, ȝaue to Andronyk, and other he solde to Tyre, and by niȝ citees. [verse 33] Whiche thing whan Onye hadde knowen most certeynly, he repreuede hym, he hold|ynge hym self in a syker place at An|tioche, bisidis Daphnen. [verse 34] Wherof Mene|laus goynge to Andronyk, preyede that he slewȝ [schulde sle G sec. m. H.] Onye. Whiche whan he came to Onye, and riȝt hondis ȝouen with ooth, thouȝ he was suspect to hym, counseilide hym for to go forth of asile, anoon slewȝ hym, not dreedynge riȝtwisnesse. [verse 35] For whiche cause not oonly Jewis, bot and
other naciouns, weren wrothe, and baren heuyly of the vniust deth of so grete a [Om. H.] man. [verse 36] Bot Jewis at Antioche, and Greekis, togydre pleynynge of the vniust deth of Onye, wenten to the kyng, turnyd aȝein of the [Om. H.] places of Cilicia. [verse 37] And so the kyng Antiochus sory in inwit for Onye, and he [Om. H.] , bowid to mercy, shedde teeris, recordynge the sobrenesse and myldnesse of the dead man. [verse 38] And the ynwitt kyn|dlid, he comaundith Andronyke, vncloth|id purpre, for to be led about by al the citee, and, in that place in whiche he hadde don vnpitee in to Onye, the cursid man for to be priued of lijf; the Lord ȝeuynge to hym euen worth [worthi AGH.] peyne. [verse 39] For|sothe many sacrilegis don in the temple of Lysymacus, by counceil of Menelaus, and fame puplishid, a multitude is ga|drid aȝeinus Lysymacus, myche gold now born out. [verse 40] Forsothe the cumpanyes aȝein rysynge, and the [Om. H.] inwittus fulfillid with wrath, Lysymacus almest three thousand aarmyd wickid hondis bygan for [Om. H.] to vse, sum tyraunt duyk, olde in age and also woodnesse. [verse 41] Bot as thei vndirstoden the enforsyng of Lysymacus, other tooken stoonys, other strong stafs, sum [sum sothely H.] hasten for to kasten askis [Om. K.] in to Ly|symacus. [verse 42] And many sothely woundid, sum forsothe cast doun, alle forsothe ben to gidre turnyd in to fliȝt; also thei slewen hym sacrileger, or theef of holy thingis, bysidis the tresorie. [verse 43] Therfore of these thingis dom bygan for to be moued aȝein Menelaus. [verse 44] And whan the kyng came to Tyre, three men, sente of the eldre men, brouȝten the cause to hym. [verse 45] And whanne Menelaus was ouercummen, he bihiȝte for to ȝeue many moneys to Tholome, for to counseile the kyng. [verse 46] And so Tholome wente to the kyng, sett in sum porche, as for grace of refreytyng [refresching GH.] , or colyng, and ledd awey fro sentence. [verse 47] And he as|soilide Menelaus, gylty trewly of crymes,
of al the malice. Forsothe he dampnyde by deeth these wrecches, whiche shulden be demyd innocentis, ȝea [and H.] , ȝif thei hadden ledde cause anentis [aȝenis H.] Sithis. [verse 48] Therfore soone thei ȝauen vniust peyn to hem, that pursueden cause for the citee, and for the [Om. H.] peple, and holy vessels. [verse 49] Wherfore and men of Tyre wroothe, weren most liberal aȝeinis the birying of hem. [verse 50] For|sothe for coueitise of hem that weren in power, Menelaus dwelte in power, wex|inge in malice, and to disceytis of cite|seyns.