The Holy Bible, containing the Old and New Testaments, with the Apocryphal books,

CAP. XIII.

[verse 1] In the hundrid and nyne and fourtithe ȝeer Judas knewȝ, Antiochus Eupator for to cume with multitude aȝeinus Judee; [verse 2] and with hym Lisias, procuratoure and prepoost of needis, with hym hauynge an hundrid and ten thousand of foot men, and of horsmen fyue thousand, and oly|fauntis [of elifauntis H.] two and twenti, chaaris with sykelis three hundrid. [verse 3] Forsothe and Menelaus ioynyde hym to hem, and with grete disceit bisouȝte Antiochus, not for helthe of the cuntree, bot hopynge hym for to be ordeynd in to princehod. [verse 4] Bot the kyng of kyngis reiside the ynwittis of Antiochus in to the synner; and Li|sias shewynge, or conseilynge at ere, him for to be cause of alle yuels, he comaundide, as custome is to hem, hym

taken to, for to be slayn in the same place. [verse 5] Sothely in the same place was a toure of fifty cubitis, hauynge of eche syde an gadryng of ashe; this hadde bihold|ynge in to dounward. [verse 6] Fro thennus he comaundide the sacrileger, or cursid man, for to be cast doun in to the [Om. H.] ashe, alle men puttynge hym forth to the deth. [verse 7] And bi siche lawe it bifelle the breker of lawe for to dye, nether Menelaus for [Om. H.] to be ȝouen to erthe. [verse 8] And forsothe iustly ynowȝ; for whi for he dide many tres|passis aȝeinus the auter of God, whos fijr and ashe was holy, he is dampnyd in deth of ashe. [verse 9] Bot the kyng with out brydil in mynde [mynde, or vndirstondynge H.] , came to shewynge hym wars to Jewis, than his fadir. [verse 10] Whiche thingis knowen, Judas comaundide the peple niȝt and day for to ynclepe the Lord; that as euermore, and nowe he [verse 11] shulde helpe hem; whiche sothely dred|den for to be priued of lawe, and cuntree, and of the holy temple; and that he suffride not the peple, that a whijl goon, hadde a litil quycknyd [quyckid H.] aȝein, for to be suget eftsoonys to blasfeme naciouns. [verse 12] And so alle men doynge togidere that thing, and axinge mercy of the Lord with weepyng, in fastyngis by alle three days cast doun, Judas monestide hem for to make hem redy. [verse 13] Forsothe he with eldre men thouȝte, bifore that the kyng mouede oost to Judee, and gate the citee, for to go out, and bitake to dom of the Lord the out goynge, or eende, of the thyng. [verse 14] And so [so he H.] ȝeuynge power of alle thingis to God, maker of nouȝt of the world, and monestynge hise for to fiȝte strongly, and `vn to [til to H.] deth, for lawes, temple, citee, cuntree, and citeseyns for to stonde, ordeynyde the oost aboute Mo|dyn. [verse 15] And tokyn ȝouen to his of victorie of God, the strongist ȝunge men chosen, bi nyȝt assaylinge the kyngis halle in tentis, he slewȝ fourtene thousand men,

and the most of olyfauntis, with these [hem G sec. m. H.] that weren putt aboue. [verse 16] And with heeȝist dreed and distourblyng thei fulfillynge the tentis of enmyes, and thingus eisily, or welsumly [in prosperite H.] , don, wenten awey. [verse 17] For|sothe this is don the day liȝtynge, the proteccioun of the Lord helpynge hym. [verse 18] Bot the kyng, taken tast of hardynesse by craft of Jewis, temptide hardynessis [of hardynesses H.] [verse 19] of placis; and he mouede the tentis to Bethsura, that was a [Om. H.] stronge hold of Jewis; bot he was dryuen hurtlid and menushid. [verse 20] Forsothe to these that weren withynne, Judas sente needful thingus. [verse 21] Forsothe Rodochus, summan of the [Om. H.] oost of Jewis, telde out to enmyes pri|uytees; whiche souȝt is taken, and shitt to gidre. [verse 22] Eftsone the kyng hadde word to hem that weren in Bethsura, ȝaue the riȝt hond, resceyuede, wente awey. [verse 23] Ioyn|yde with Judas is [Om. G. pr. m.] ouercummen. For|sothe as he knewȝ Philipp for to haue rebellid at Antiochie, whiche was left on needis, he astonyed in mynde [mynde, or vndirstondynge H.] , bisowȝte Jewis, and suget to hem, swerith of alle thingis, of whiche it is seen iust; and recounseilinge offride sacrefice, wirship|ide the temple, and puttide ȝiftis. [verse 24] He byclippide [becleppede, or kissede H.] Machabeus, and made hym duyk and [or H.] prince fro Tholomaida vnto [til to H.] Gerreyns. [verse 25] Sothely as he came to Tho|lomaida, men of Tholomaida baren greu|ously the accordyng of frendship, hau|ynge indignacioun, lest perauenture thei braken pees. [verse 26] Than Lisias styede vp the dom place, and expounyde resoun, and ceeside the peple, and turnyde [turneth H.] aȝein to Antioche; and this maner the kyngis goynge out and turnynge aȝein wente forth.