The Holy Bible, containing the Old and New Testaments, with the Apocryphal books,

CAP. X.

[verse 1] Forsothe Machabeus, and thei that wer|en with hym, the Lord defendynge hem, resceyuyde sothely the temple, and citee. [verse 2] Forsothe he distruyide the auters, that

aliens maden bi streetis, and the [Om. H.] templis of washyng. [verse 3] And the temple purgid, thei maden an other auter, and of stoon [stoones AGH.] fijrid, or flyntys, fijre conceyued, thei offriden sacrifices aftir [and aftir K.] two ȝeer, and encense, and lanternys, and puttiden looues of proposicioun. [verse 4] Whiche thingus don, thei, cast doun in to erthe, preyeden the Lord, lest thei fellen more in to siche yuels, bot and ȝif eny tyme thei hadden synnyd, that thei shulden be chastisid of hym more eysili, and shulden not be taken [bitakun H.] to barbaris, or heithen, and blasfeme men. [verse 5] Forsothe in what day the temple was defoulid of aliens, it bifelle the same day clensyng for to be maad, in the fyue and twentithe of the monethe, that was Casleu. [verse 6] And with gladnesse in [and G. Om. H.] eiȝte days thei diden in to maner of tabernaclis, bithenk|ynge that bifore a litil of tyme thei hadden don the solempne day of taber|naclis in hillis and dennys, in custum of beestis. [verse 7] For whiche thing thei baren bifore cerclis, and greene braunchis, and palmes, to hym that ȝaue prosperitee for to clense his place. [verse 8] And thei demyden with commoun heest, and with dom, to alle the folc of Jewis, in alle ȝeers for to do these feest days. [verse 9] And the passyng, or eendyng, of lijf of Antiochus, that was clepid noble, had it thus. [verse 10] Now for|sothe we shulen telle of Eupator, the [Om. H.] sone of vnpitouse Antiochus, what thingis ben don, breggynge the euyls that ben don in bateilis. [verse 11] This sothely, the rewme resceyuyd, ordeynyde on needis of the rewme summan Lisias, prince of kniȝt|hod, of Fenyce and Sirie. [verse 12] For whi Tho|lome, that was said Macer, ordeynyde for to beholdynge of iust aȝeinus Jewis, and most for wickidnesse that was don in to hem, and pesibly for to do with hem. [verse 13] Bot for this thing he, accusid of freendis anentis Eupator, whan oft the traitour herde, for that he hadde forsaken Cypre,

bitaken to hym of Philometore, and trans|latide to Antiochus noble [the noble G sec. m. H.] , also hadde gon awey fro hym, with venym eendide the lijf. [verse 14] Forsothe Gorgias, whan he was duyk of places, cumlingus taken to, oft ouercam Jewis in bateil. [verse 15] Forsothe Jewis that helden couenable strengthis, res|ceyueden men dryuen fro Jerusalem, and temptiden for to fiȝte. [verse 16] These forsothe that weren with Machabee, by preyers preyinge the Lord, that he were helper to hem, maden feersnesse, or saut [a saut H.] , in to strengthis of Ydumeys. [verse 17] And thei by myche strengthe aȝein stoondynge, weeld|iden places, slewen men rennynge aȝein, and strangliden alle to gidre, not lesse than fyue and twenty thousandis. [verse 18] For|sothe sume [summe men H.] whan thei fledden to gidre in to two toures ful stronge, hauynge al [verse 19] apparel to aȝein fiȝte, Machabeus to ouer cummynge of hem Symont left, and Jo|sephus, and eft Zachee, and hem that weren with hem, many ynowȝ, he is `turned aȝein [conuertid H.] to thoo [the H.] bateils that con|streynyden more. [verse 20] Sothely these that weren with Symont, led by coueitise, of summe that weren in the toures ben conseilid by money; and seuente thou|sand double dragmes taken, thei [Om. H.] leften summe to [Om. H.] flee out. [verse 21] Forsothe whan that thing that was don, was tolde to Macha|beus, the princis of the [Om. H.] peple gadrid, he acuside, that thei hadden soulde bretheren for money, the [Om. H.] aduersaries of hym dis|mittid, or delyuered. [verse 22] Therfore he slewȝ these maad traitours, and anoon he [Om. H.] ocu|pide the two toures. [verse 23] Forsothe in ar|mers and hondis doynge alle thingis welsumly [welsumly, or bi prosperite H.] , he slewȝ in the two strengthis more than twenti thousandis [thousand H.] . [verse 24] And Ty|mothe, that byfore was ouercummen of Jewis, an oost of straunge multitude ga|drid togidre, and the ridyng, or horsmen, of Asie gadrid, came to as with armers, to takynge Judee. [verse 25] Forsothe Machabeus,

and thei that weren with hym, hym neiȝinge, bisouȝten God, springinge the hed with erthe, and byfore gird the leendis [verse 26] with heiris, thei fooldid doun at heeȝ|nesse of the auter, that he [he be G sec. m. H.] helpful to hem, forsothe were [that he were G sec. m. H.] enmye to the en|myes of hem, and to the aduersaries were aduersarie, as the lawe saith. [verse 27] And so after preyer, armers taken, thei goynge forth fer fro the citee, and, maad next to enmyes, saten aȝein. [verse 28] Forsothe in the firste rysynge of the [Om. H.] sunne, bothe ioyn|eden; these sothely hauynge the Lord biheeter of victorie and prosperitee; thei forsothe hadden her owne inwitt, or wille, duyk of bateil. [verse 29] Bot whan grete fiȝt was, fyue faire men, in horsis with golden bridels, appeeriden to the [Om. G pr. m.] aduer|saries fro heuen, ȝeeuynge leedyng to [verse 30] Jewis; of `whom two [whiche tweyne H.] hauynge Macha|beus in [Om. H.] the mydil, sett about with her armers, kepten sound [sound, or without harm H.] . Forsothe thei castiden dartis and leytis in to aduer|saries; of whiche thing and thei confusid in blyndnesse, and fulfillid with pertur|bacioun, fellen doun. [verse 31] Forsothe there ben slayn of fote men twenty thousand and fyue hundrid, and horsmen sixe hundrid. [verse 32] Sothely Tymothe fledde in to a [Om. H.] stronge hold of Gasara, to whom [whiche H.] Cereas was souerayne, or keeper. [verse 33] Forsothe Macha|beus, and thei that weren with hym, glad|ynge, biseegiden the hold foure days. [verse 34] And thei that weren with ynne, tristinge in sikernesse of the place, aboue maner cursiden, and castiden cursid woordis. [verse 35] Bot whan the fifthe day shynyde, twenty ȝunge men of these that weren with Machabeus, kyndlid in inwittis for the blasfeme, manly wenten to the wall, and with feerse inwitt [inwitt, or wille H.] goynge, thei [Om. H.] stieden [verse 36] vp; bot and other also styinge vp, assail|iden for to brenne the toures and ȝatis, and to gidre brenne the cursers quyck. [verse 37] Forsothe by contynuel two days thei

waastynge the hold slewen Tymothe, hydynge hym self [Om. G pr. m.] , founden in sume place; and thei slewen his brother Se|reas, and Appollofanes. [verse 38] Whiche thingis don, thei blessiden the Lord in ympnys and confessiouns, whiche dide gret thingus in Israel, and ȝaue to hem victorie.