CAP. V.
[verse 1] And Y was conuertid, and reyside [Y reiside A.] myn eeȝen, and sawȝ, and loo! a bok fleeȝinge. [verse 2] And he saide to me, What seest thou? And Y saide, Y see a bok fleeȝinge; the lengthe therof of twenti cubitis, the breed therof of ten cubitis. [verse 3] And he saide to me, This is the curs, that goth out vpon the face of al erthe; for eche theef, as it is writen there, shal be demyd; and eche man swerynge, of this also shal be deemid. [verse 4] And [Om. AGH.] Y shal leede it out, saith the Lord of oostis, and it shal cum to hous of the theef, and to hous of the swerynge falsly in my name; and it shal dwelle in mydil of his hous, and shal waaste hym, and his trees, and his stoones. [verse 5] And the aungel wente out, that spak in me, and saide to me, Reyse thin eeȝen, and see, what this thing is, that goth out. [verse 6] And Y saide, What is it? And he saith, This is an amfer, or a vessel that sum men clepen a tankard, goynge out. And he saide, This is the eeȝe of hem in eche lond. [verse 7] And lo! a talent of lede was born; and loo! a wom|man syttynge in mydil of the amfer. And he saide, This is vnpitee. [verse 8] And he keste hir doun in mydil of the amfer, and sente a gobet of leed in the mouth therof. [verse 9] And Y reyside myn eeȝen, and sauȝ, and loo! two wymmen goynge out, and a spirit in the wengus of hem; and thei hadden weengus as weengus of a