The Holy Bible, containing the Old and New Testaments, with the Apocryphal books,

HAGGAI.

[The book of Aggey [Here begynneth the boke of Aggey, prophete. A. No initial rubric in GH.] .] CAP. I.

[verse 1] IN the secounde ȝeer of Darius, kyng of Persis, in the sixte moneth, in oo day of the moneth, the word of the Lord is maad in the hond of Aggey, prophete, to Zorobabel, sone of Salatiel, duyke of Juda, and to Jhesu, `the greet prest, sone of Jo|sedech [verse 2] [the sone of Josedech, the greet preest AGHK pr. m.] , sayinge, These thingus saith the Lord of oostis, sayinge, This peple saith, Ȝit cummeth not the tyme of the hous of the Lord to be beeldid. [verse 3] And the word of the Lord is maad in the hond of Ag|gey, [verse 4] prophete, sayinge, Wher it is tyme to ȝou, that ȝe dwelle in housis [the hous K.] couplid with tymbre, and this hous desert? [verse 5] And now these thingus saith the Lord God of oostis, Putte ȝe [Om. A.] ȝour hertis vpon ȝour wayes. [verse 6] Ȝe han sown myche, and brouȝten in litil; ȝe han eten, and ȝe ben not ful|fillid; ȝe han drunke, and ȝe ben not ful of drinke; ȝe hilliden ȝou, and ȝe ben not maad hote; and he that gadrid hijris, sente hem in to a sac, or bagge, hoolid, or broken. [verse 7] These thingus saith the Lord of oostis, Putte ȝe ȝour hertis vpon ȝour wayes. [verse 8] Stye ȝe vp in to the mounteyn, bere ȝe treese, and bielde ȝe an hous; and it shal be acceptable to me, and Y shal be glorifiede, saith the Lord. [verse 9] Ȝe bihelden to more, and loo! it made [is maad G sec. m.] lesse; and ȝe brouȝten in to hous, and

Y blewe it out. For what cause, saith the Lord of oostis? for myn hous is de|sert [desert, or forleft GK pr. m.] , and ȝe hasten eche man in to his hous. [verse 10] For this thing heuens ben for|beden, that thei shulden not ȝeue dew; and the erthe is forbeden, that it shulde not ȝeue his buriownyng. [verse 11] And Y cle|pide dryenesse vpon erthe, and vpon mounteyns, and vpon whete, and vpon wyn, and vpon oyle, and what euer thingus the erthe bringeth forth; and vpon men, and vpon beestis, and vpon al labour of hondis. [verse 12] And Zorobabel, sone of Salatiel, herde, and Jhesus, `the grete prest, sone of Josedech [the sone of Josedech, the greet preest AG.] , and alle relikis of the peple, the voys of her God, and the wordis of Aggey, prophete, as the Lord God of hem sente hym to hem; and al the peple dredde of the face of the Lord. [verse 13] And Aggey saide, a mes|sangere of the Lord, of messangers of the Lord to the peple, sayinge, Y am with ȝou, saith the Lord. [verse 14] And the Lord reyside the spirit of Zorobabel, sone of Salatiel, duyk of Juda, and the spirit of Jhesu, `the grete prest, sone of Josedech [sone of Josedech, the greet preest AGHK pr. m.] , and the spirit of the relikis of alle peple; and thei entriden, and maden werk in the hous of the Lord of hoostis, her God, [verse 1] in the twentithe day and fourthe of the moneth, in the sixte moneth, in the se|counde ȝeer of Darius, kyng.

CAP. II.

[verse 2] In the seuenthe moneth, in the twen|tithe and firste of the moneth, the word of the Lord is maad in the hond of Ag|gey, [verse 3] prophete, sayinge, Speke thou to Zo|robabel, sone of Salatiel, duyk of Juda, and to Jhesu, `the greet preest, sone of Jo|sedech [sone of Josedech, the greet preest AGHK pr. m.] , and to other of the peple, say|inge, [verse 4] Who in ȝou is left, that sawȝ this hous in his first glorie? and what seen ȝe this now? wher it is not thus, as it be not in ȝour eeȝen? [verse 5] And now, Zorobabel,

be thou coumfortid, saith the Lord, and Jhesu, `greet preest, sone of Josedech [sone of Josedech, the greet preest AG, sone of Josedech, greet preest HK pr. m.] , be thou coumfortid, and al peple of the lond, be thou coumfortid, saith the Lord of oostis; and do ȝe, for Y am with ȝou, saith the Lord of oostis. [verse 6] The word that Y couenauntide with ȝou, whanne ȝe wenten out of the lond of Egypt, and my Spirit shal be in the mydil of ȝou, [verse 7] Nyl ȝe dreede, for these thingus saith the Lord of oostis, Ȝit oo lytil thing, or tyme, is, and Y shal moue heuen, and [verse 8] erthe, and the se, and dryenesse; and Y shal moue alle folkis, and the desirid to alle folkis shal cume; and Y shal fulfille this hous with glorie, saith the Lord of oostis. [verse 9] Myn is syluer and myn is gold, seith the Lord of oostis. [verse 10] The glorie of this laste hous schal be greet, more than of the firste, seith the Lord of oostis. And in this place I schal ȝyue pees, seith the Lord of oostis. [verse 11] In the foure and twentithe of the nynthe moneth, in the secunde ȝeer of Darius, kyng, the word of the Lord is maad to Aggey, [verse 12] prophete, seiynge, These thingus saith the Lord God of oostis, Axe prestis the [verse 13] lawe, sayinge, Ȝif a man shal take ha|lewid fleshe in the heme of his clothinge, and shal touche of the heeȝnesse therof brede, or potage, or wyne, and oyle, or eche mete, wher it shal be halewid? Sotheli prestis answerynge sayden, Nay. [verse 14] And Aggey saide, Ȝif a man defoulid in soule shal touche of alle these, wher it shal be defoulid? And prestis answerden, and saiden, It shal be defoulid. [verse 15] And Aggey answerde, and saide, So this peple, and so this folk byfore my face, saith the Lord, and so al werc of her hondis; and alle thingus that thei shuln offre there, shuln be defoulid. [verse 16] And now putte ȝe ȝour hertis, fro this day and aboue, by|fore that a stoon vpon a stoon was putt [verse 17] in the temple of the Lord, whenne ȝe wenten to an hep of twenty bushellis,

and there weren maad ten; ȝe entriden to the pressour, that ȝe shulden presse out fifty galouns, and ther weren maad twenti. [verse 18] Y smote ȝou with brennynge wynd, and mildew, and hayl, and alle the werkis of ȝour hondis; and ther was not in ȝou that turnede aȝein to me, saith the Lord. [verse 19] Putte ȝe ȝour hertis of this day, and in to cummynge, fro the fourthe [foure A.] and twentithe of the ninthe moneth, fro the day in whiche foundementis ben casten of the temple of the Lord, putte ȝe vppon ȝour herte. [verse 20] Wher now seed is [Om. A.] in buriownyng? and ȝit the vyne ȝerd, and fijge tree, and powme garnet, and the tree of olyue florishide [flouride A.] not. Of this day Y shal blesse. [verse 21] And the word of the Lord is maad the secounde tyme to Aggey, in the foure and twentithe of the [verse 22] moneth, saiynge, Speke thou to Zoro|babel, duyk of Juda, sayinge, Y shal [verse 23] moue heuen and erthe to gydre, and Y shal distruye the sete of rewmys, and Y shal breke the strengthe of the rewme of heithen men, and Y shal distruye the foure horsid cart, and the styer therof; and the horsis shuln go doun, and the styers of hem, a man in swerd of his brother. [verse 24] In that day, saith the Lord of oostis, thou Zorobabel, sone of Salatiel, my seruaunt, Y shal take to thee, saith the Lord; and Y shal putte thee as a sygnet, for Y cheese thee, saith the Lord of hoostis.

Here endith the book of Aggey, the prophete, and bigynneth the book of Zacharie, sone of Barachie [No final rubric in AGH.] .