The Holy Bible, containing the Old and New Testaments, with the Apocryphal books,

[The book of Sophonye [Here bigynneth the boke of Sophonyas, prophete. A. No initial rubric in GH.] .] CAP. I.

[verse 1] THE word of the Lord, that is maad to Sophonye, sone of Chusy, sone of Godo|lie, sone of Amasie, sone of Ezechie, in the days of Josye, the sone of Amon, kyng of Juda. [verse 2] Y gaderynge shal gadre alle thingus fro face of erthe, saith the [verse 3] Lord; gadrynge man and beeste, gad|rynge volatilis of heuen, and fishes of the se; and fallyngis of vnpytous men shuln ben, and Y shal leese men fro face of the erthe, saith the Lord. [verse 4] And Y shal stretche out myn hond vpon Juda, and vpon alle the dwellers of Jerusalem; and Y shal leese of this place the relikis of Baal, and the names of kepers of the [verse 5] housis, with the prestis; and hem that worshipen vpon roues the knyȝthod of heuen, and worshipen, and sweren in [verse 6] the Lord, and sweren in Melchon; and whiche ben turned awey byhynde the bac of the Lord, and whiche souȝten, or axiden, not the Lord, nether enserch|iden hym. [verse 7] Be ȝe stille fro face of the Lord God, for niȝ is the day of the Lord; for the Lord made redi a sacrifice, halewide his clepid men. [verse 8] And it shal be, in the day of offryng of the Lord, Y shal visite vpon princes, and vpon sones

of the kyng, and vpon alle that ben clothid with pilgrim, or straunge, cloth|ing. [verse 9] And Y shal visite vpon eche that proudli entrith vpon the threshfold in that day, whiche fulfillen the hous of the Lord her God with wickidnesse and gyle. [verse 10] And ther [Y A. Y ther H.] shal be in that day, saith the Lord, a voys of crye fro the ȝate of fishis, and ȝoulynge fro the secounde, or that streete of Jerusalem, and grete contri|cioun fro litil hillis. [verse 11] Ȝoule ȝe, dwellers of Pyle, or of tauern; alle the peple of Canaan was stille to gidre, alle wlappid in syluer perishiden. [verse 12] And it shal be, in that tyme Y shal seeke Jerusalem in lanternys, and Y shal visite vpon alle men piȝt in her darstis, whiche sayen in her hertis, The Lord shal not do wel, and he shal not do yuel. [verse 13] And the strengthe of hem shal be in to rauyshyng, and the hous of hem in to desert; and thei shuln beelde housis, and shuln [thei shulen A.] not enhabite; and thei shuln plante vyne ȝerdus, and thei shuln not drynke the wijn of hem. [verse 14] Niȝ is the grete day of the Lord, niȝ and swyft ful myche; the voys of day of the Lord bitter, a stronge man shal be in tribulacioun there. [verse 15] The ilk day a day of wrath, day of tribulacioun and an|guysh, the day of needynesse, or sorewe with out coumfort, and myseisetee, or wretchidnesse [wretchidnesses G sec. m.] , day of derknessis and myst, day of cloude and whirlwynde, [verse 16] day of trumpe and noyse vpon stronge cytees and vpon heeȝe corners. [verse 17] And Y shal truble men, and thei shuln walke as blynde, for to the Lord thei han synned; and the blood of hem shal be shed out as erthe, and the bodyes of hem as tordis. [verse 18] Bot and the syluer of hem, and the gold of hem, shal not mowe delyuere hem in the day of wrath of the Lord; in fijr of his feruour al erthe shal be de|uoured, for he shal make eende with haastyng to alle men enhabitynge erthe.