The University of Michigan Library provides access to these materials for educational and research purposes. These materials are in the public domain. If you have questions about the collection, please contact mec-info@umich.edu. If you have concerns about the inclusion of an item in this collection, please contact libraryit-info@umich.edu.
DPLA Rights Statement: No Copyright - United States
[verse 1] Heere ȝe whiche thingis the Lord spekith. Ryse thou, stryue thou by dome aȝeinus mounteyns, and litil hillis heere thi voice. [verse 2] Mounteyns heere the dom of the Lord, and the strenger foundementis of erthe; for the dom of the Lord with his peple, and with Yrael he shal be
wysely demed. [verse 3] My peple, what haue Y don to thee, or what was Y greuous to thee? [verse 4] Answere thou to me. For Y ledde thee out of the lond of Egypt, and of the hous of seruage Y delyuerde thee; and Y sente byfore thi face Moyses, and Aaron, and Marie. [verse 5] My peple, bythenke, Y preye, what Balaac, kyng of Moab, thouȝte, and what Balaam, sone of Beor, of Sethym, answeride to hym vn to Gal|gala, that thou shuldist knowe the riȝt|wisnesse of the Lord. [verse 6] What worthi thing shal Y offre to the Lord? shal Y bowe the knee to the [Om. G pr. m.] heeȝ God? Wher Y shal offre to hym brent sacrifices, and calues of oo ȝeer? [verse 7] Wher God may be plesid in thousandis of wetheris, or in many thou|sandus of fatt goot buckis? Wher Y shal ȝeue my first bygoten for my grete tres|pas, the fruyte of my wombe for synne of my soule? [verse 8] Y shal shewe to thee, thou man, what is good, and what the Lord axith of thee; forsothe for to do dom, and for to loue mercy, and bysi for to walke with thi God. [verse 9] The voice of the Lord crieth to the citee, and helthe shal be to alle men dreedinge thi name. Heere, ȝe lynagis; and who shal aproue it? [verse 10] Ȝit fijr in the hous of the vnpitous man, the tresours of wickidnesse, and a lasse mesure ful of wrath. [verse 11] Wher Y shal ius|tifie the wickid balaunce, and the gijlful [verse 12] weiȝtis of litil [the litil G sec. m.] sac, in whiche riche men therof ben fulfillid with wickidnesse? And men dwellynge theryn spaken les|yng, and the tunge of hem gijleful in the mouth of hem. [verse 13] And Y therfore bygan for to smyte thee, in perdicioun on [vpon G sup. ras.] thin synnys. [verse 14] Thou shalt ete, and shalt not be fulfillid, and thi meekyng in the my|dil of thee; and thou shalt take to, and shalt not saue; and whom thou shalt saaue, Y shal ȝeue in to swerd. [verse 15] Thou shalt sowe, and shalt not repe; thou shalt trede the olyue, and shalt not be anoyntid with oyle; and must, and shalt
not drynke wijne. [verse 16] And thou keptist the heestis of Amry, and al the werke of the hous of Achab, and hast walkide in the voluptees, or lustis, of hem, that Y shulde ȝeue thee in to perdicioun, and men dwellynge in it in to hissyng, or scorn|yng, and thou shalt bere the shenship of my peple.