The Holy Bible, containing the Old and New Testaments, with the Apocryphal books,

CAP. IV.

[verse 1] And it shal be, in the last of days the hill of the hous of the Lord shal be maad redy in the top of hillis, and heeȝ ouer smale hillis. And peplis shuln fleete [verse 2] to hym, and many folkis shuln hasten, and shuln saye, Cum ȝe, stye we to the hill of the Lord, and to the hous of God of Jacob; and he shal teche vs of his wayes, and we shuln go in his pathes. For of Syon the lawe shal go out, and [verse 3] the word of the Lord of Jerusalem; and he shal deme bitwixe manye peplis, and shal chastyse strong folkis vnto in to fer. And thei shuln bete to gydre her swerdis in to shaaris, and her speris in to py|coysis; a folk shal not take swerd aȝeinus folk, and thei shuln namore lerne for to fiȝte. [verse 4] And a man shal sitte vndir his vyne ȝerd, and vnder his fijge tree; and ther shal not be that shal fere, for the mouth of the Lord of hoostis spak. [verse 5] For alle peplis shuln go, eche man in name of the Lord her God; forsoth we schulen walke in the name of the Lord oure God into with outen ende, and ouer. [verse 6] In that day, seith the Lord, I schal gedere the haltinge, and hir that I castide awey Y shal gedre, and whom Y tourmentide Y shal coumforte. [verse 7] And Y shal putte the haltynge in to relikis, and hir that tra|ueilide, in to a stronge folk. And the Lord shal regne on hem in the hill of Syon, fro this now and till in to the world. [verse 8] And thou, cloudy, or derk, tour of folk of the douȝter of Syon, vn to thee he shal cume, and the first power shal cume, the rewme of the douȝter of Jeru|salem. [verse 9] Now whi art thou with mourn|yng drawen to gydre? wher a kyng is not to thee, or thi counseilour perishide? for sorewe hath cachid thee, as a wom|man berynge chijld. [verse 10] Thou douȝter of Syon, make sorewe, and tyse, or do

ynewȝ, as a womman berynge chijld; for now thou shalt go out of the cyte, and thou shalt dwelle in cuntre, and thou shalt cum vn to Babiloyne; there thou shalt be delyuered, there the Lord shal aȝein bye thee, of the hond of thin en|myes. [verse 11] And now many folkis ben gadrid on thee, whiche sayen, Be it stoonyd, and biholde our eeȝe [eyen A. heeȝ K.] in to Syon. [verse 12] For|sothe thei knewen not the thouȝtis of the Lord, and vndirstoden [vndirstonden AGH.] not the coun|seil of hym, for he gadride hem as hay of the feeld. [verse 13] Ryse thou, and threshe, douȝter of Syon, for Y shal putte thin horn of yren, and Y shal putte thi naylis brasen; and thou shalt waste many pe|plis, and shalt slea to the Lord the [Om. A.] ra|ueyns of hem, and the strengthe of hem to the Lord of al erthe.