CAP. IV.
[verse 1] And Jonas was tourmentid with grete tourment, and was wrooth. [verse 2] And he prei|ede to the Lord, and saide, Lord, Y bi|seche, wher this is not my word, whanne Y was ȝit in my lond? For this thing Y before ocupiede, for to flee in to Tharsis; forsothe Y wote, for thou, God, art meke and mercyful, pacient, and of myche mercy doynge, and forȝeuynge on malice. [verse 3] And now, Lord, Y preye, take my soule, or lijf, fro me; for deeth is beter to me than lyf. [verse 4] And the Lord saide, Gessist thou, wher thou art wel wroth? [verse 5] And Jonas wente out of the cytee, and sate aȝeinus the eest, and made to hym a shadewyng place there; and sate vndre it in shadewe, til he sawȝ what byfelle to the citee. [verse 6] And the Lord God made redy an eder, or a plaunt, and it styede vp on the hed of Jonas, that shadewe wer on his hed, and keuerde hym; forsothe he hadde traueilid. And Jonas gladid on the eder, with grete gladnesse. [verse 7] And God made redy a worme, in styinge vp of grey day in to morew; and smote the eder, and it dryede vp. [verse 8] And whan the sunne was sprungen, the Lord comaundide to the hote wynd and brennynge; and the sunne smote on the hed of Jonas, and he swa|lide. And he axide to his soule that he
