The Holy Bible, containing the Old and New Testaments, with the Apocryphal books,

AMOS.

[The book of Amos [No initial rubric in AGH.] .] CAP. I.

[verse 1] THE wordis of Amos, whiche was in sheperdis thingus of Thecue, whiche he sawȝ on Yrael, in the days of Osye, kyng of Juda, and in the days of Jeroboam, sone of Joas, kyng of Yrael, byfore two ȝeris of the erthe mouynge. [verse 2] And he saide, The Lord shal rore of Syon, and of Jerusalem shal ȝeue his voice; and the faire thingus of sheperdis mourneden, and the top of Carmele is dried vp. [verse 3] These thingis saith the Lord, On thre grete trespassis of Damask, and on foure, Y shal not conuerte hym, for that that thei threshiden in yren waynes Galaad. [verse 4] And Y shal sende fijr in to the hous of Asael, and it shal deuoure the houses of Bena|dab. [verse 5] And Y shal breke to gydre the barris [herris A.] , or lockis, of Damaske, and Y shal distruye the dweller of the feeld of ydol, and the holdynge sceptre of the hous of voluptee and lecchorie; and the peple of Syrie shal be transferrid to Sirenen, saith the Lord. [verse 6] These thingus saith the Lord, On [Om. K.] three grete trespassis of Gasa, and on foure, Y shal not conuerte hym, for that that he translatide perfit caitiftee, that he shulde close to gydre it [Om. AGH.] in to Ydume. [verse 7] And Y shal sende fijr in to the wall of Gasa, and it shal deuoure housis therof. [verse 8] And Y shal distruye the dwellers of Azotus, and the holdynge sceptre of

Ascalon; and Y shal turne to gydre myn hond vpon Accharon, and relikis of Phi|listiens shuln perische, seith the Lord God. [verse 9] These thingis seith the Lord God, On thre greet trespassis of Tyrus, and on four, Y shal not conuerte hym, for that that thei closiden to gydre perfit caytiftee in Ydume, and thouȝten not of the boond of bretheren. [verse 10] And Y schal send fijr in to the wall of Tyrus, and it shal deuoure the housis therof. [verse 11] These thingus seith the Lord God, On three grete trespassis of Edom, and on foure, Y shal not conuerte hym, for that he pursuede in swerd his brother, and defoulide the mercy of hym, and heelde ouer his wodenesse, and kepte his indignacioun til in to the eend. [verse 12] Y shal sende fijr in to Theman, and it shal deuoure the housis of Bosra. [verse 13] These thingus saith the Lord God, On [Vpon AGH.] three grete trespassis of the sonys of Amon, and on the foure, Y shal not conuerte hym, for that he karf wymmen with chijld of Galaad, for to alarge his terme. [verse 14] And Y shal kyndyl fijr in the wall of Rabba, and it shal deuoure his housis, in ȝoulyng in the day of bateyle, and in whirlwynd in the day of meuyng to gydre. [verse 15] And Melchon shal go in to cai|tiftee, he and his princis to gydre, saith the Lord.

CAP. II.

[verse 1] These thingis saith the Lord God, On three grete trespassis of Moab, and on foure, Y shal not conuerte hym, for that he brente the boonys of the kyng of Ydume vn to ash. [verse 2] And Y shal sende fijr in to Moab, and it shal deuoure the housis of Carioth; and Moab shal dye in sown of trumpe. [verse 3] And Y shal distruye the domysman of the mydil therof, and Y shal slea alle his princis with hym, saith the Lord. These thingis saith the Lord, [verse 4] On three grete trespassis of Juda, and on foure, Y shal not conuerte hym, for that he castide awey the lawe of the Lord, and kepte not his comaundementis; for|sothe

her ydols disceiueden hem, after whom the faders of hem wenten. [verse 5] And Y shal sende fijr in to Juda, and it shal deuoure the housis of Jerusalem. [verse 6] These thingus saith the Lord [Lord God A.] , On three grete [Om. K.] trespassis of Yrael, and on foure, Y shal not conuerte hym, for that he solde a iust man for syluer, and a poore man for shoone. [verse 7] Whiche breken to gydre on [as A.] dust of the erthe the hedis of pore men, and bowen awey the waye of meeke men; the sone and his fadir wente to a wenche, that thei defouliden myn holy name. [verse 8] And on clothis leyde to wedde thei eeten bysidis eche auter, and drunken wijn of dampnyd men in the hous of her God. [verse 9] Forsothe Y distruyede Ammorey fro the face of hem [hym A.] , whos hienesse of cedris the hyenesse of hym, and he strong as an ook; and Y brake to gidre the fruyte of hym aboue, and the rotis of hym bynethe. [verse 10] Y am, that made ȝou for to stye vp fro the lond of Egypt, and Y ledde ȝou out in desert fourty ȝeer, that ȝe shulde weelde the lond of Ammorrey. [verse 11] And Y reyside of ȝour sonys in to pro|phetis, and of ȝour ȝunge men Naȝareys. Wher it is not thus, ȝe sonys of Yrael? saith the Lord. [verse 12] And ȝe ȝauen wijn to Naȝareys, and ȝe comaundiden to pro|phetis, sayinge, Prophecie ȝe not. [verse 13] Loo! Y shal sowne strongly vndir ȝou, as a wayn chargid with hay sowneth strongly. [verse 14] And fliȝt shal perische fro the [Om. A.] swift, and a strong man shal not weelde his vertue, and a miȝty man [Om. AGH.] in strengthe shal not [verse 15] saue his soule, or lijf; and a man hold|ynge bowe shal not stonde, and the swift in his feet shal not be saued; and the [verse 16] styer of hors shal not saue his soule, and the stronge in herte amonge men shal flee nakid in that day, saith the Lord.

CAP. III.

[verse 1] Sonys of Yrael, heer ȝe the word that the Lord spac on ȝou, on al the kynred,

whiche Y ledde out of the lond of Egypt, [verse 2] sayinge, Oonly ȝou Y knew of alle kyn|redis of erthe; therfore Y shal visite on ȝou alle ȝour wickidnessis. [verse 3] Wher two shuln go to gydre, no but it shal accorde to hem? [verse 4] Wher a lyoun shal rore in the wijld wode, no bot he shal haue pray? Wher the whelp of a lyoun shal ȝeue voice of his couche, no bot he shal cacche sum thing? [verse 5] Wher a brid shal falle in to grane [gnare AGH.] of erthe, with outen a fouler? Wher a gnare shal be taken awey fro erthe, before it shal take sum thing? [verse 6] Ȝif a trumpe shal sowne in a cytee, and the peple shal not dreede? Ȝif there be yuel in the citee, whiche the Lord shal not do? [verse 7] For the Lord God shal not do a word, no bot he shal shewe his preuyte to his seruauntis prophetis. [verse 8] A lyoun shal rore, who shal not dreede? the Lord God spac, who shal not prophecie? [verse 9] Make ȝe herd in the housis of Azotus, and in the housis of the lond of Egypt; and saye ȝe, Be ȝe gadrid on the hillis of Samarye, and see many woodnessis in the mydil therof, and men suffrynge fals chalenge in priuy chaumbris therof. [verse 10] And thei couthen not do riȝt thing, saith the Lord, tresourynge wickidnesse and raueyn in her housis. [verse 11] Therfore these thingus saith the Lord God, The lond shal be in tri|bulacioun, and shal [shal not A.] be cumpasid; and thi strengthe shal be drawen awey fro thee, and thin housis shuln be robbid. [verse 12] These thingus saith the Lord, Hou ȝif a sheperd delyuere two hypis, or the last thing of a litil ere of the lyouns mouthe, so the sonys of Yrael shuln be delyuered, that dwellen in Samarie, in plage, or wound, of the litil bed, and in the [Om. A.] lappe of Damaske. [verse 13] Heere ȝe, and witnesse ȝe to gidre in the hous of Jacob, saith the Lord God of oostis. [verse 14] For in the day, whanne Y shal bygynne for to visite the trespassis of Yrael on hym, Y shal visite and on the auters of Bethel; and the cor|ners

of the auters shuln be kitte of, and shuln falle in to erthe. [verse 15] And Y shal smyte the wyntyr hous with the somer hous, and the housis of yuer shuln pe|rishe, and many housis shuln be distruy|ed, saith the Lord.

CAP. IV.

[verse 1] Heer this word, ȝe fatt kyen, that ben in the mount of Samarie; whiche don fals chalenge to nedy men, and to gydre breken poore men; whiche saien to ȝour lordis, Brenge ȝee [Om. A.] , and we shuln drynke. [verse 2] The Lord God swore in his holy, for loo! days shuln cum on ȝou; and thei shuln reyse ȝou in a dart with out yren, and ȝour relykis in pottis boylynge. [verse 3] And by opnyngis ȝe shuln go out, an other aȝeinus an other, and ȝe shuln be cast in to Ar|noun, saith the Lord. [verse 4] Cum ȝe to [in A.] Be|thel, and do ȝe vnpytously; to Galgala, and multiplie ȝe trespassyng; and offre ȝe eerly ȝour sacrifices for victorie, in three days ȝour tithes. [verse 5] And sacrifie ȝe herying of sour dowid, and clepe ȝe wil|ful offryngus, and telle ȝe; forsothe thus ȝe wolden, sonys of Yrael, saith the Lord God. [verse 6] Wherfore and Y ȝaue to ȝou eg|gyng of teeth in alle ȝour cytees, and need of loues in alle ȝour placis; and ȝe turn|eden not aȝein to me, saith the Lord. [verse 7] And Y forbad rayn fro ȝou, whanne ȝit three monethis weren ouer, til to rype corn; and I reynede on oo citee, and I reynede not on an other; oo part is reyned, and the part on whiche Y reynede [ranede K.] not, dryede. [verse 8] And two and three cytees camen to oo cytee, for to drinke water, and thei ben not fulfillid; and ȝe turnede not aȝein to me, saith the Lord. [verse 9] Y smote ȝou in brennyng wynd, and in myldew, the mul|titude of ȝour gardeyns, and ȝour vijn ȝerdis; and olyuetis, or placis wher olyues wexen, and fijge placis, eruke eete; and ȝee

turneden not aȝein to me, saith the Lord. [verse 10] Y sente in to ȝou deeth in the waye of Egypt, Y smote in swerd ȝour ȝung men, vn to caitifte of ȝour horsis, and Y made the stynk of ȝour castels, or multitude of armed men, for to stye in to ȝour nose thrillis; and ȝe turneden not aȝein to me, saith the Lord. [verse 11] Y distruyede ȝou, as God distruyede Sodom and Gomor, and ȝe ben maad as a brond rauyshid of brennyng; and ȝe turneden not aȝein to me, saith the Lord. [verse 12] Wherfore this Y shal do to thee, Yrael; forsothe after that Y shal do to thee this thing, Yrael, be thou maad redy in to aȝein cummyng of thi God. [verse 13] For loo! Y fourmynge hillis, and makynge of nouȝt wynd, and tellynge to man his speche, makynge a morewe cloude, or myst, and goynge on heeȝ thingis of erthe; the Lord of oostis name of hym.

CAP. V.

[verse 1] Heere ȝe, hous of Yrael, this word, that Y reyse on ȝou a weylyng. [verse 2] The meyden of Yrael felle doun, she shal not put to, that she rijse aȝein; she is cast doun in to hir erthe, ther is not that shal reyse hir. [verse 3] For these thingus saith the Lord God, The cite of whiche a thou|sand wenten out, an hundrid shuln be left theryne; and of whiche an hundrid wenten out, ten shuln be left therynne, in the hous of Yrael. [verse 4] For these thingis seith the Lord to the hous of Israel, Seeke ȝe [verse 5] me, and ȝe shulen lyue; and nyle ȝe seeke Bethel, and in to Galgala nyle ȝe entre, and into Bersabe passe ȝe not; for Galgal schal be led caityf, and Bethel shal be vnprofitable. [verse 6] Seeke ȝe the Lord, and lyue ȝe, lest per auenture the hous of Joseph be brent as fijre; and it shal de|uoure, and ther shal not be, that shal quenche Bethel. [verse 7] Whiche conuerten dom in to wermod, and forsaken riȝtwijsnesse [verse 8] of the Lord in erthe, and makynge Ar|ture

and Orion, and turnynge in to mo|rewnyng dercknessis, and chaungynge day `in to [vnto A.] niȝt; whiche clepith waters of the see, and heeldith out hem on the face of the erthe; the Lord is name of [to A.] hym. [verse 9] Whiche scorneth distruyinge, or waast|nesse, on the stronge, and bringith rob|byng on the miȝty. [verse 10] Thei hadden in hate the repreuynge man in the ȝate, and thei wlatiden a man spekynge perfitly. [verse 11] Ther|fore for that that [Om. H.] ȝe robbiden the pore man, and token fro hym the chosen pray, ȝe shuln beelde housis with sqware stoon, and ȝe shuln not dwelle in hem; ȝe shuln plante most amyable vyne ȝerdis, and ȝe shuln not drinke the wyne of hem. [verse 12] For Y knewe ȝour manye grete trespassis, and ȝour strong synnes; enmyes of the [Om. A.] iust, takynge ȝiftis, and beringe doun pore men in the ȝate. [verse 13] Therfore a prudent man in that tyme shal be stille, for the tyme is yuel. [verse 14] Seke ȝe good, and not yuel, that ȝe lyue, and the Lord God of oostis shal be with ȝou, as ȝe saiden. [verse 15] Hate ȝe yuel, and loue ȝe good, and ordeyne ȝe in the ȝate dom; ȝif per auenture the Lord God of oostus haue mercye to the relikis of Joseph. [verse 16] Therfore these thingus saith the Lord God of oostis, hauynge lord|ship, In alle stretis weylynge, and in alle thingus that ben with outforth `it shal be [be it A.] said, Wo! wo! and thei shuln cleepe an erthe tilier to mournyng, and hem to weylyng, that kunnen weyle. [verse 17] And in alle weyes weylyng shal be, for Y shal passe by the mydil of thee, saith the Lord. [verse 18] Wo to men desirynge the day of the Lord; wher to it to ȝou? This day of the Lord dercknessis, and not liȝt. [verse 19] Hou ȝif a man renne fro face [the face A.] of a lyoun, and a bere renne to hym; and he entre in the hous, and lene with his hond vpon the walle, and a serpent dwellynge in sha|dewe byte hym. [verse 20] Wher not dercknessis

the day of the Lord, and not liȝt; and myst, and not shynyng therynne? [verse 21] Y hatide and castide awey ȝoure feest days, and Y shal not take the odour of ȝour cumpanyes. [verse 22] That ȝif ȝe shuln offre to me ȝour brent sacrifices, and ȝiftis, Y shal not resceyue, and Y shal not by|holde avowis of ȝour fat thingus. [verse 23] Do awey fro me the noyse of thi songis, or ditees, and Y shal not heere the songis of thin harpe. [verse 24] And dom shal be shewid as water, and riȝtwysnesse as a strong streem of reyn. [verse 25] Wher ȝe offriden to me oostis, and sacrifice [sacrificis AGH.] in desert fourty ȝeeris, ȝe hous of Yrael? [verse 26] And ȝe han born tabernaclis to Moloch, ȝour god, and ymage of ȝoure ydolis, the sterre of ȝour god, whiche ȝe maden to ȝou. [verse 27] And Y shal make ȝou for to passe ouer Damask, saide the Lord; God of oostis name to hym.

CAP. VI.

[verse 1] Wo to ȝou, that ben ful of richessis in Syon, and tristen in the hille of Samarie, ȝe best men in honour, hedis of peplis, proudly goynge in to the hous of Yrael. [verse 2] Go ȝe in to Calamye, and se ȝe [thee K.] , and go ȝe thennus in to Emath the grete; and go ȝe doun in to Geth of Palestyns, and to alle the best rewmes of hem, ȝif her terme be bradder than ȝour terme. [verse 3] Whiche ȝe ben departid in to yuel day, and neiȝen to seete of wickidnesse; [verse 4] whiche ȝe sleepen in beddis of yuer, and wexen wijld, or iolyf, in ȝour beddis; whiche ȝe eete lombe of floc, and a calf [verse 5] of mydil of the droue; whiche ȝe syngen at voice of psautrie. As Dauid thei ges|siden [verse 6] hem for to haue vessels of song, in vyols drinkynge wyne, and with best oynement anoyntid; in no thing thei suffriden on the contricioun of Joseph. [verse 7] Wherfore now thei shuln passe in the

hed of men passynge ouer, and the do|yng, or tresoun, of men wexinge ioly [iolif A.] shal be don awey. [verse 8] The Lord God swore in his soule, saith the Lord God of oostis, Y wlate the pride of Jacob, and Y hate the hous of hym, and Y shal bytake the [verse 9] citee with his dwellers; that ȝif the relikis shuln be ten men in oon hous, and thei shuln dye. [verse 10] And his neiȝbore shal take hym, and shal to gydre brenne hym, that he bere out boonys of the hous. And he shal saye to hym, that is in [verse 11] priue places of the hous, Wher there is ȝit anentis thee? And he shal answere, An eend is. And he shal saye to hym, Be stille, and recorde not the name of the Lord. [verse 12] For loo! the Lord shal comaunde, and shal smyte the gretter hous with fallyngis, and the lesse hous with keru|yngis. [verse 13] Wher horsis mown renne in stonys, or may it be erid in wijlde oxen? For ȝe conuerten dom in to bit|ternesse, and the fruyte of riȝtwisnesse in to wormod. [verse 14] Whiche ȝe gladen in nouȝt, whiche ȝe sayen, Wher not in oure strengthe we token to vs horns? [verse 15] Loo! Y shal reyse a folc vpon ȝou, ȝe the [Om. AGH.] hous of Yrael, saith the Lord God of oostis; and it shal to gydre breke ȝou fro entre of Emath vn to the streme of desert.

CAP. VII.

[verse 1] These thingus the Lord God shewide to me; and loo! a maker of locust in the bygynnyng of buriownynge thingus of eeuen rayn, and loo! eeuen rayn after the clipper of floc, or kyng. [verse 2] And it is don, whanne he eendide for to eete the herbe of erthe, Y saide, Lord God, be thou mercyful, Y byseche; who shal reyse Ja|cob, for he is litil? [verse 3] The Lord hadde mercy on this thing; It shal not be, saide the Lord God. [verse 4] The Lord God shewide to me this thing; and loo! the Lord God

shal cleepe dom to fijr, and it shal de|uoure myche depnesse, and shal eet to gydre a part. [verse 5] And Y saide, Lord God, reste thou, Y byseche; who shal reise Jacob, for he is lytil? [verse 6] The Lord hadde mercy on this thing; Bot and this thing shal not be, saide the Lord God. [verse 7] The Lord God shewide to me these thingus; and loo! the Lord stondynge on a wall teerid, or morterd, and in the hond of hym a truel of masoun. [verse 8] And the Lord saide to me, What seest thou, Amos? And Y saide, A truel of masoun. And the Lord saide, Loo! Y shal putte a truel in mydil of my people Yrael; Y shal no more putte to, for to ouer leede hym; [verse 9] and the heeȝ thingus of the ydol shuln be distruyed, and the halewyngis [halewis A.] of Yrael shuln be desolat; and Y shal ryse on the hous of Jeroboam in swerde. [verse 10] And Amasie, prest of Bethel, sente to Jero|boam, kyng of Yrael, sayinge, Amos re|bellide aȝeinus thee, in the mydil of the hous of Yrael; the lond may not susteyne alle his wordis. [verse 11] Forsothe Amos saith these thingus, Jeroboam shal dye in swerd, and Yrael caitif shal passe of his lond. [verse 12] And Amasie saide to Amos, Thou that seest, go; flee thou in to the lond of Juda, and eete thou there thi breede; and there thou shalt prophecie. [verse 13] And in Bethel thou shalt no more putte to, that thou prophecie, for it is the halewyng of the kyng, and is hous of the rewme. [verse 14] And Amos answerde, and saide to Amasye, Y am not a prophete, Y am not the sone of a prophete; but a neet heerde Y am, drawinge [dwellynge A.] vp sycomoris. [verse 15] And the Lord toke me, whanne Y suede the floc; and the Lord saide to me, Go, and prophecie thou to my peple Yrael. [verse 16] And now heere thou the word of the Lord. Thou saist, Thou shalt not prophecie on Yrael, and thou shalt not droppe on the [Om. AGK pr. m.] hous of ydol. [verse 17] For this thing the Lord saith

these thingis, Thi wyf in cytee shal do fornycacioun, and thi sonnys and thi douȝters in swerd shuln falle, and thin erthe shal be meetyn with a litil coorde; and thou shalt dye in a polut lond, and Yrael shal passe caitif of his lond.

CAP. VIII.

[verse 1] The Lord God shewide to me these thingis; and loo! an hoke of applis. [verse 2] And the Lord saide, What seest thou, Amos? And Y saide, An hok of applis. And the Lord saide to me, The eende cum|meth on my peple Yrael; Y shal namore putte to, that Y passe by hym. [verse 3] And the herris of temple shuln gretely soune in that day, saith the Lord God. Manye men shuln dye, in eche place silence shal be cast doun. [verse 4] Heere [Heere ȝe K pr. m.] this thing, whiche [that A. that whiche K.] breken to gydre the pore man, and maken needy men of the lond for [verse 5] to fayle, sayinge, Whan shal rype corn passe, and we shuln selle marchaundises? and the saboth, and we shuln opyn whete? that we make lesse the mesure, and encresce the sycle, and vndirputte [verse 6] gylfull balauncis; that we welden in syluer nedy and pore men for shoon, and we selle clensingus of whete? [verse 7] God swore aȝeinus the pryde of Jacob, Ȝif Y shal forȝete in to the eende alle the werkis of hem. [verse 8] Wher on this thing the erthe shal not be moued to gidre, and eche dweller therof shal mourne? And it shal stye vp as al the flood, and shal be cast out, and shal fleete awey as the strond of Egypt. [verse 9] And it shal be, saith the Lord, in that day the sunne shal go dounn in mydday, and Y shal make the erthe for to be derk in day of liȝt. [verse 10] And Y shal conuerte ȝour feest days in to mournyng, and alle ȝour songis in to weylyng; and Y shal leede yn on al ȝour bac a sak, and on eche ȝour hed ballid|nesse; and Y shal putte it as mournyng

of an oon bigeten sone, and the last thingus therof as a bitter day. [verse 11] Loo! the days cummen, saith the Lord [Lord God A.] , and Y shal sende out hungre in to erthe; not hungre of breed, nether thrist of water, bot of heeryng of the word of God. [verse 12] And thei shuln be moued to gydre fro see vn to see, and fro the north vn to the eest thei shuln cumpasse, seekynge the word of the Lord, and thei shuln not fynde. [verse 13] In that day faire maydeyns shul [verse 14] faile, and ȝunge in thrist, whiche sweren in trespas of Samarye, and sayen, Thi god lyueth, Dan, and the waye of Ber|sabe lyueth; and thei shuln falle, and thei shuln namore ryse aȝein.

CAP. IX.

[verse 1] I saw the Lord stondynge on the auter, and he saide, Smyte thou the herre, and be the ouer thrisfoldis moued to gydre; forsothe auerice in the hed of alle, and Y shal slea in swerd the last of hem; ther [and ther K.] shal no fliȝt be to hem, and he that shal flee of hem, shal not be saued. [verse 2] Ȝif thei shuln go doun vn to helle, fro thennus my hond shal leede hem out; and ȝif thei shuln stye til in to heuen, fro thennus Y shal drawe hem doun. [verse 3] And ȝif thei shuln be hid in the top of Carmele, fro thennus Y seekynge shal do hem awey; and ȝif thei shuln hyde hem self fro myn eeȝen in depnesse of the see, ther Y shal comaunde to a serpent, and it shal bite hem. [verse 4] And ȝif thei shuln go awey in to caitiftee bifore her enmyes, ther Y shal comaunde to swerd, and it shal slea hem. And Y shal putte myn eeȝen vpon hem in to yuel, and not in to good. [verse 5] And the Lord God of oostis, that toucheth erthe, and it shal fayle, and alle men dwellynge theryn shuln mourne; and it shal stye vp as eche stronde, and shal fleete awey [Om. A.] as

the flood of Egypt. [verse 6] He that beeldith his stying vp in heuen, and foundide his knytche, or berthen, on erthe; whiche clepith waters of the see, and heeldith hem out on face of the erthe; the Lord name of hym. [verse 7] Wher not as sonys of Ethiopyens ȝe ben to me, the sonys of Yrael? saith the Lord God. Wher Y made not Yrael for to stye vp of the lond of Egypt, and Palistens of Capa|docie, and Siriens of Syrenen? [verse 8] Loo! the eeȝen of the Lord God on rewme syn|nynge, and Y shal to gydre breke it fro face of the erthe; netheles Y brekynge togidere shal not breke to gydre the hous of Jacob, saith the Lord. [verse 9] Loo! sotheli Y shal comaunde, and shal smyte in alle folkis the hous of Yrael, as whete is smyten in a rydil, and a lytil stoon of it shal not falle on erthe. [verse 10] Alle synners of my people shal dye in swerde, whiche sayn, Yuel shal not neiȝ, and shal not cumme on vs. [verse 11] In that day Y shal rayse the tabernacle of Dauid, that felle doun, and Y shal aȝein beelde opnyngis of wallis therof, and Y shal instore tho thingis that fellen to gydre; and Y shal [verse 12] aȝein beelde hym, as in olde days, that thei weelde relikis of Ydome, and alle naciouns; for that my name is in clepid on hem, saith the Lord doynge these thingus. [verse 13] Loo! days cummen, saith the Lord, and the erer shal cacche the reper, and treder of grape the man sendynge seed; and mounteyns shuln droppe swet|nesse, and alle smale hyllis shuln be tiliȝid. [verse 14] And Y shal conuerte the caytifte of my peple Yrael, and thei shuln beelde forsaken cytees, and shuln dwelle; and shuln plaunte vyne ȝerdis, and thei shuln drinke wyne of hem; and thei shuln make gardyns, and shuln ete fruytis of hem. [verse 15] And Y shal plante hem on her erthe, and

Y shal namore drawe hem out of her lond, whiche Y ȝaue to hem, saith the Lord thi [Om. AK pr. m.] God.

Here endith the book of Amos, pro|phete, and bigynneth the book of Abdias, prophete [No final rubric in AGH.] .