The Holy Bible, containing the Old and New Testaments, with the Apocryphal books,

CAP. VII.

[verse 11] Israel is defoulid; bot and thou, Juda, putte to thee rijp [the rijp.] corn, whanne Y shal turne to gydre the caitiftee of my peple. [verse 1] Whanne Y wolde hele Yrael, the wickid|nesse of Effraym is shewid, and the ma|lice of Samarie, for thei wrouȝten lesyng. And a nyȝt theef wente in robbynge; a litil day theef with out forth. [verse 2] And lest perauenture thei sayen in her hertis, me hauynge mynde on al the malice of hem, now her fyndyngis han gon about hem, thei ben maad byfore my face. [verse 3] In her malice thei gladden [gladiden A.] the kyng, and in her lesyngus the princis. [verse 4] Alle doynge auoutrie, as fourneice kyndlid of a man seethinge. The citee restide a litil in mengyng to gydre of soure dowe, til it were sourdowid all. [verse 5] The day of oure kyng; princis bygunnen for to wexe wode of wijn; he streiȝte out his hond with scorners. [verse 6] For thei applieden as a four|neys her herte, whanne he aspiede, or sette, tresoun to hem. Al niȝt he slepte seethinge hem, erly he set on fijr, as fijr of flawme. [verse 7] All ben maad hoot as a [Om. A.] fourneice, and deuoureden her domes|men. All kyngis of hem fellen doun, and ther is not in hem that shal crie to me. [verse 8] Effraym in peplis he was meynt to gydre; Effraym is maad a loof baken vndir ashis, whiche is not turned aȝein. [verse 9] Aliens eeten the strengthe of hym, and he wist not; bot and whijt heeris ben shed out in hym, and he knewe not. [verse 10] And the pride of Yrael shal be mekid in the face of hym; nether thei ben turn|ed aȝein to the Lord her God, and thei souȝten not hym in alle theese thingus. [verse 11] And Effraym is maad as a culuer dis|ceyued, not hauynge herte. Thei inclep|iden

Egypt, to Assiriens thei wenten. [verse 12] And whanne thei shuln go, Y shal sprede abrode on hem my nett, as a brid of heuen Y shal drawe hem doun. Y shal bete hem, vp the heeryng of the cum|panye of hem. [verse 13] Wo to hem, for thei wenten awei fro me; thei shuln be waastid, for thei trespassiden in me. Y aȝein bouȝte hem, and thei spaken aȝeinus me lesyng. [verse 14] And thei crieden not to me in her herte, bot thei wouliden in her couchis. Thei chewiden cud vpon whete, and wijne, and departiden fro me. [verse 15] And I lernyde hem, and coumfortide the ar|mys of hem, and in me thei thouȝten malice. [verse 16] Thei turneden aȝein, that thei shulden be with out ȝoc; thei ben maad as a gylful bowe. The princis of hem shuln falle in swerd, of the wodenesse of her tunge; this the mowyng, or scornyng, of hem in the lond of Egypt.