The Holy Bible, containing the Old and New Testaments, with the Apocryphal books,

CAP. V.

[verse 1] Heere ȝe, prestis, these thingis, and perceyue ȝe, hous of Yrael, and herken ȝe, hous of the kyng; for with ȝou is dome, for ȝe ben maad a graue to byhold|yng, and as a nette sprad abrood on Tha|bor. [verse 2] And ȝe bowiden doun slayn sacrifice for victorie in to depnesse; and Y the lerner of hem alle. [verse 3] Y wote Effraym, and Yrael is not hid fro me; for now Effraym dide fornicacioun, Yrael is defoulid. [verse 4] Thei shul not ȝeue her thouȝtis, that thei turne aȝein to her God; for the spirit of forni|cacioun in the mydil of hem, and thei knewen not the Lord. [verse 5] And the pryde of Yrael shal answere in to his face, and Yrael and Effraym shuln falle to gydre in her wikkidnesse; also Juda shall falle with hem. [verse 6] In her flockis, and in her droues thei shuln go for to seke the Lord, and shuln not fynde; he is taken awey fro hem. [verse 7] In the Lord thei tres|passiden, for thei gendriden alien sonys; now the monethe with her partis shal deuoure hem. [verse 8] Sowne ȝe with an horn in Gabaa, with trumpe in Rama; woule ȝe in Bethauen, aftir thi bac, Beniamyn. [verse 9] Effraym shal be in to desolacioun, in the day of correctioun, and in lynagis of

Yrael Y shewide feith. [verse 10] The princis of Juda ben maad as takynge to the termes on hem; Y shal shede out as water my wrath. [verse 11] Effraym is suffrynge fals cha|lenge, he broken in dome; for he by|ganne for to go after filthis. [verse 12] And Y as a mouȝthe to Effraym, and as rot to the hous of Juda. [verse 13] And Effraym sawȝ his seekenesse, and Juda his boond. And Effraym wente to Assur, and sente to the kyng veniour. And he shal not mowe saue ȝou, nether shal mowe vnbynde the boond fro ȝou. [verse 14] For Y as a lyonesse to Effraym, and as a whelp of lyoun to the hous of Juda. Y, Y shal take, and shal go, and shal take awey, and ther is not whiche shal delyuere. [verse 15] Y goynge shal turne aȝein to my place, til ȝe fayle, and seeke my face.