The Holy Bible, containing the Old and New Testaments, with the Apocryphal books,

CAP. II.

[verse 1] Saye ȝe to ȝour bretheren, My peple; and to ȝour sister, Wynnynge mercy; [verse 2] deme ȝe ȝour modir, deme ȝe, for she is not my wijf, and Y not hir husbond. Do she aweye hir fornicaciouns fro hir face, and hir auowtries fro the mydil of her [verse 3] tetis; lest perauenture Y vnclothe hir nakid, and sette hir vp the day of hir birthe. And Y shal putte hir as a [Om. AGH.] wil|drenesse, and ordeyne hir as a lond vn|weyed, or with outen weye, and shal [Y schal A.] slea hir with thrist. [verse 4] And of the sones of hir Y shal not haue mercy, for thei [verse 5] ben sonys of fornycacioun; for the mo|dir of hem dide fornycacioun, she is con|fusid that conceyuyde hem, for she saide, Y shal go after my louers that ȝiuen [ȝauen A. ȝeuen H.] my looues to me, and my waters, and my wolle, and my lynnen, and myn oyle, and my drinke. [verse 6] For this thing lo! Y shal hegge thi weye with thornys, and I shal hegge it with a walle, and it shal not fynde his pathis. [verse 7] And she shal sue hir louers, and shal not cacche hem, and shal seke hem, and shal not fynde hem; and she [Om. A.] shal saye, Y shal go, and Y shal turne aȝein to my former husbond, for wele it was to me thanne more than now.

[verse 8] And this womman wiste not, for Y ȝaue to hir wheet, wijne, and oyle; and mul|tiplied to hir syluer and gold, whiche thei maden to Baal. [verse 9] Therfore Y shal turne, and shal take my wheet in hys tyme, and my wijn in his tyme; and I shal weiȝe my wolle, and my lynnen, whiche hiliden the yuel fame of hir. [verse 10] And now Y shal shewe the folye of hir in the eeȝen of hir louers, and a man shal not [verse 11] delyuere hir fro myn hond; and I shal make alle the ioye of hir for to ceese, hir solempnyte, hir neomynye, or new feest, hir saboth, and alle feestis and tymys of hir. [verse 12] And I shal corrumpe, or distruye, hir vyne ȝerd, and hir fijge tree, of which she saide, These ben my hijris, whiche my louers ȝauen to me; and Y shal putte hir in to wijlde wode, and the beest of the feeld shal eet hir. [verse 13] And I shal visite vpon hir the days of Baalym, in whiche she brent ensence, and was ourned with hir ere ring, and hir broche, and wente aftir hir louers, and forȝate me, saith the Lord. [verse 14] For this thing loo! Y shal ȝeue mylk to hir, and shal lede hir in to wil|dernesse, and Y shal speke to hir herte; [verse 15] and shal ȝeue to hir vijne tyliers of the same place, and the valey of Achor, for to opyn hope. And she shal synge there vp the days of hir ȝouthe, and vp the days of hir steying vp fro the lond of Egypt. [verse 16] And it shal be in that day, saith the Lord, she shal clepe me Myn husbond, and she shal namore clepe me Baalym; [verse 17] and Y shal take aweye the names of Ba|lym fro hir mouthe, and she shal namore haue mynde of the name of hem. [verse 18] And Y shal smyte to hem a boond of pees in that day with beest of the feeld, and with brid of heuen, and with creepynge beest of erthe. And Y shal breke to gydre bowe, and swerd, and batel of the [Om. A.] erthe; and Y shal make hem for to sleepe tristili. [verse 19] And I shal spouse thee to me in to with outen eende, and Y shal spouse thee to

me in riȝtwijsnesse, and in dome, and in mercy, and in doyngis of mercy. [verse 20] And Y shal spouse thee to me in feith; and thou shalt wite, for Y the Lord. [verse 21] And it shal be, in that day Y shal heere, saith the Lord, and I shal heere heuens, and [verse 22] thei shuln heere the erthe; and the erthe shal heere wheete, and wijn, and oyle, and these shuln heere Jesrael. [verse 23] And Y shal sowe hir to me in to lond, and Y [Om. A.] shal haue mercy on hir that was with out mercy. [verse 24] And Y shal saye to not my pe|ple, Thou art my peple, and he shal saye, Thou art my God.