The Holy Bible, containing the Old and New Testaments, with the Apocryphal books,

CAP. XIII.

[verse 1] Effraym spekynge, errour [orroure A.] assailide Yrael; and he trespasside in Baal, and is dead. [verse 2] And now thei puttiden to for

to synne, and maden to hem a ȝoten thing of her syluer, as the licknesse of ydols; the makyng of crafty [craftise A.] men it is al. To these thei sayen, Offre, ȝe men, wir|shippynge calues. [verse 3] Therfore thei shuln be as a morewe clowde, or myst, and as morewe dewe passynge, as dust rauyshid with whirlwynd of the feeld, and as smoke of the chymney. [verse 4] Forsothe Y the Lord thi God, of the lond of Egypt; and thou shalt not knowe God, with outen me, and saueour [a saueour G sec. m.] is not, out take me. [verse 5] Y knewe thee in desert, in the lond of wil|dernesse. [verse 6] Bysidis her lesewis and thei ben fulfillid, and ful crammyd; thei lyft|iden vp her herte, and forȝaten me. [verse 7] And Y shal be to hem as a lyounesse, and as a paard in the waye of Assyriens. [verse 8] Y shal renne to hem as a she bere, the whelpis rauyshid; and Y shal breke the ynner thingis of her mawe, and Y shal waastye hem there as a lyoun. A beest of the feeld shal kitte hem. [verse 9] Thi losse, Yrael; oonly of me thin help. [verse 10] Wher is thi kyng? most now saue he thee in alle thi citees; and thi domysmen, of whom thou saidist, Ȝeue thou to me a kyng, and princis? [verse 11] And [Om. AGH.] Y shal ȝeue to thee a kyng in my wodenesse, and Y shal take awey in myn indignacioun. [verse 12] The wickidnesse of Effraym is bounden to gidre; the synne of hym hydde. [verse 13] Sorewis of a womman berynge chijld shuln cume to hym; he is [Om. GH.] a sone not wijse. Now forsothe he shal not stonde in contricioun of sonys. [verse 14] Of the hond of deth Y shal delyuere hem, Y shal aȝein bye hem fro deth. Thou deth, Y shal be thi deth; thou helle, Y shal be thi morsel. Coumfort is hid fro [verse 15] myn eeȝen, for he departith among bre|theren. The Lord shal brenge a bren|nynge wynd, of desert steiynge vp; and shal drye the veynis therof, and discoum|forte, or leeue aloon, the welle therof; and he shal rauyshe tresour of eche de|sirable vessel. [verse 1] Perishe Samarie, for to

bitternesse she stiride hir God; in swerd perishe it. The litil childre of hem ben hurtlid, and wymmen with chijld of it ben coruen out.