The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] Forsothe fro [in A.] the first ȝeer of Darius of Mede Y stode, that he shulde be coum|fortid, and strengthid. [verse 2] And now Y shal telle to thee trewthe. And loo! three kyngus shuln stonde in Persis, and the fourthe shal be maad riche with ful manye richessis ouer alle men. And whanne he shal be stronge in his rich|essis, he shal stire to gydre alle men aȝeinus the rewme of Grece. [verse 3] Forsothe a stronge kyng shal rijse, and shal lord|shipe
with myche power, and that, that shal plese to hym, shal do. [verse 4] And whanne he shal stonde, his rewme shal be broken, and shal be departid in to foure wyndis of heuen, bot not in to his folewers of bloode, nether after his power, in whiche he lordshipide; the rewme of hym shal be departid, and [Om. A.] in to alyens, out taken these. [verse 5] And the kyng of southe [the south A.] shal be coumfortide; and of the princis of hym ther shal be strengthe ouer hym, and shal be lord in lordship; forsothe his lordshipyng myche. [verse 6] And after the eende of ȝeeris thei shuln be knyt in pees; and the douȝter of kyng of south [the south K pr. m.] shal cume to the kyng of the north, for to make frenship. And she shal not haue strengthe of arm, nether hir seed shal stonde; and she shal be bitaken, and hir ȝunge men that ledden hir to, and thei that coum|fortiden hir in tymes. [verse 7] And a plauntyng shal stonde of the buriownyng of hir rootis; and he shal cum with an oost, and shal entre the prouynce of the kyng of the north, and he shal mysuse hem, and [verse 8] shal weelde the goddis of hem, and grauen thingus. And he shal lede the precious vessels of gold and syluer caitif, or taken in bataile, in to Egipt. He shal haue vic|torie [verse 9] aȝeinus the kyng of the north; and the kyng of the south shal entre in to the kyngdam, and shal turne aȝein `in to [to AGH.] his lond. [verse 10] Forsothe the sonys of hym shuln be stirid to wrath, and thei shuln gadre the multitude of ful manye oostis. And he shal cum hiȝinge and flowynge, and he shal turne aȝein, and shal be stirid, and go to gydre with strengthe of hym. [verse 11] And the kyng of the south terrid to wrath, shal go out, and fiȝte aȝeinus the kyng of the north, and shal make redy a ful grete multitude; and multitude shal be ȝouen in the hond of hym. [verse 12] And he shal take multitude, and the horn of hym shal be enhaunsid; and he shal cast doun many thousandis, bot
he shal not haue victorie. [verse 13] The kyng of the [Om. G pr. m. K pr. m.] north shal be conuertid, and shal make redy a multitude, miche more than byfore; and in the eende of tymes and ȝeeris he shal cum hiȝinge with the most oost, and ful many richessis. [verse 14] And in tho tymes many shuln ryse to gydre aȝeinus the kyng of south [the southe G sec. m.] ; and sones of trespassours of thi peple shuln be en|haunsid, that thei fulfille the visioun, and shuln [thei shulen A.] falle to gydre. [verse 15] And the [Om. K pr. m.] kyng of the north shal cum, and shal bere to gydre hepis of erthe, and shal take strengist [strengthid A.] cytees; and the [Om. AGH.] armys of the south shuln not susteyne [susteine him G sec. m.] . And the chosen of hym shuln ryse to gydre, for to with|stonde, and strengthe shal not be. [verse 16] And he cummynge `vp on [on AGHK pr. m.] hym, shal do vp his likyng; and ther shal not be, whiche shal stonde aȝeinus his face. And he shal stonde in the noble lond, and it shal be waastid in hond of hym. [verse 17] And he shal putte his face, that he cum for to holde al the rewme of hym, and he shal do riȝt thingus with hym. And he shal ȝeue to hym the douȝtre of wymmen, that she turne hym vpsadoun; and it shal not stonde, nether shal be his. [verse 18] And he shal turne his face to ylis, and shal take manye. And he shal make prince for to cese, and the shendship of hym shal be turned in to hym. [verse 19] And he shal turne his face to the empire of his lond, and he shal hurtle, and shal falle, and shal not be founden. [verse 20] And the foulist and vnworthi to kyngis fairnesse shal stonde in place of hym, and in fewe days he shal be broken to gydre, not in wode|nesse, nether in batel. [verse 21] And a dispisid man shal stonde in his place, and kyngus honour shal not be ȝouen to hym; and he shal cum priuely, and shal weelde the rewme in fraude doynge. [verse 22] And armys of the [Om. A.] fiȝtynge shuln be ouercummen of his face, and shuln be broken to gydre, more ouer and the duyke of pees. [verse 23] And aftir
frendship with hym, he shal do gyle. And he shal stiȝe vp, and ouercume litil peple; [verse 24] and he shal entre plenteuous and grete citees, and shal do whiche thingis the fadris of hym diden not, and fadris of fadris of hym. He shal scatere raueyns, and prayes, and ricchessis of hem, and he shal bygynne, or go yn, counseile aȝeinus saddist thouȝtis, and this thing vn to tyme. [verse 25] And the strengthe of hym shal be stirid, and the herte of hym, aȝeinus the kyng of south in grete oost. And the kyng of south shal be terrid to bateil with manye helpis, and stronge ful myche; and thei shuln not stonde, for thei shuln go in to counseilis aȝeinus hym. [verse 26] And thei etynge breede with hym shuln breke hym to gydre; and his oost shal be oppressid, and his slayn men ful manye shuln falle. [verse 27] And the herte of two kyngus shal be, that thei do yuel, and at oo bord thei shuln speke lesyng, and thei shul not profite; for ȝit the eende in to other tyme. [verse 28] And he shal turne aȝein to [in to AGH.] his lond with manye ricchessis, and his herte aȝeinus the holy testament, and he shal do, and shal turne aȝein `in to [in GH.] his lond. [verse 29] In tyme ordeynyd he shal cum aȝein, and shal cum to the south, and the last shal not be lijc to the former. [verse 30] And grete shippis, and Romayns, shal cum vpon hym [Om. A.] , and he shal be smyten. And he shal turne aȝein, and be wrothe aȝeinus the testament of the sayntuarie, and shal do. And he shal turne aȝein, and shal thinke aȝeinus hem that forsoken the tes|tament of sayntuarye [the seyntuarie AG.] . [verse 31] And the armes of hym shuln stonde, and shuln defoule the sayntuarie of strengthe, and shuln take awey the contynuel sacrifice, and shuln ȝeue abominacioun in to desola|cioun. [verse 32] And vnpitous men shuln feyne gylfuly a testament; forsothe the peple witynge her God shal weelde, and do. [verse 33] And tauȝt men in peple shuln teche ful
manye, and shuln falle in swerd, and in flawme, and in caitiftee, and in to rauyn of days. [verse 34] And whanne thei shuln falle to gidre, thei shuln be reysid vp with litil help; and ful many shuln be applied, or putt to, to hem gylfully. [verse 35] And of lerned men shuln falle, that thei be wellyd to gydre, and be chosen, and be maad whijt unto the tyme determynyd; for ȝit an other tyme shal be. [verse 36] And the kyng shal do after his wille, and shal be reysid vp, and magnyfied aȝeinus eche god, and aȝeines God of goddis he shal speke great thingus; and he shal be dressid, til wrath be fulfillid. Forsothe diffinicioun, or dome, is fully don. [verse 37] And he shal not rette the God of his fadris, and he shal be in coueityngis of wym|men, nether he shal recke eny of goddis, for aȝeinus alle thingus he shal ryse to gydre. [verse 38] Forsothe he shal wirshipe god of Maosym in his place, and he shal ho|noure god, whom his fadris knewen not, in gold, and syluer, and precious stoon, and precious thingus. [verse 39] And he shal do that he make stronge Maosym, with an alien god whom he knewe not. And he shal multiplie glorie, and shal ȝeue to hem power in many thingus, and he shal departe erth at his wille. [verse 40] And in tyme sett [bifore sett G sec. m.] the kyng of south [the south G sec. m.] shal fiȝt aȝeinus
hym, and the kyng of the north as a tempest shal cum aȝeinus hym, in chaaris, and horsmen, and grete nauee. [verse 41] And he shal entre londis, and shal breke to gydre; and shal passe by, and shal entre in to glorious lond, and many shuln falle. For|sothe these aloone shuln be saued fro the hond of hym, Edom, and Moab, and of the princis of the sonys of Amon. [verse 42] And he shal sende his hond in to londis, and the lond of Egypt shal not scape. [verse 43] And he shal be lord of tresours of gold, and syluer, and in alle precious thingis of Egypt; and he shal passe by Libie and Ethiopie. [verse 44] And fame shal truble hym fro eest and north; and he shal cum in grete multitude, for to breke to gydre, and slea ful manye. [verse 45] And he shal sette his tabernacle fro Feduo, bitwixe seese, vpon a noble hille and holy; and he [Om. AGH.] shal cum vnto the heeȝ therof, and no man shal help hym.