The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] In the thrid ȝeer of rewme [the rewme AG sec. m.] of Cyrus, kyng of Persis, a word is toke aȝein to Danyel, by name Balthasar; and the word trewe, and grete strengthe, and he vndirstode the word; forsothe vndir|stondyng is neede in visioun. [verse 2] In tho days Y, Danyel, weilide in days of three [verse 3] wekis; Y eete not desireful breede, and
fleshe and wyne entriden not in to my mouth, bot nether with oynement Y was anoyntid, til days of three weekis weren fulfillid. [verse 4] Forsothe in the fourthe and twentithe day of the first moneth, Y was bysydis the grete flode, that is Tigris. [verse 5] And I reyside myn eeȝen, and sawȝ, and loo! oo man clothid in lynnen, and his [verse 6] reyns gird to with shynyng gold; and his body as crisolitus, and his face as fourme of leyt, and his eeȝen as a laumpe brennynge, and his armys and whiche thing is dounward vn to the feet as fourme of brasse waxinge whyte, and the voice of his wordis as voice of multitude. [verse 7] Forsothe Y, Danyel, aloone sawe the vi|sioun; sothely the men that weren with me, sawen not, bot ful myche dreed felle vp on hem, and thei fledden in to an hid place. [verse 8] Forsothe Y left aloone sawe this greet visioun, and strengthe abode not in me; bot and my fourme is chaungid in me, and Y was drye, or welewid, nether hadde eny thing of strengthis. [verse 9] And Y herde the voice of his wordis, and Y heerynge laye castidoun, or ferd, vpon my face, and my cheer cleuyde to the erthe. [verse 10] And loo! an hond touchide me, and reyside me on my knees, and vpon [on A.] the fyngris of myn hondis. [verse 11] And he sayde to me, Danyel, man of desiris, vn|dirstonde the wordis whiche Y speke to thee, and stonde thou in thi degree; now forsothe Y am sente to thee. And whenn he saide to me this word, Y stode tremblynge. [verse 12] And he saith to me, Da|nyel, nyl thou dreede, for of the first day in whiche thou puttidist thin herte for to vndirstonde, that thou shuldist tourmente thee in siȝt of thi God, thin wordis ben herde, and Y came for thi wordis. [verse 13] Forsothe the prince of the king|dam of Persis aȝein stode me oon and twenti days, and loo! Mychael, oon of the first princis, came in to myn help, and Y abode there bysidis the kyng of
Persis. [verse 14] Forsothe Y came for to teche thee, what thingis ben to cummynge to thi peple in the last days; for ȝit the visioun is deferrid, or drawen alonge, in to days. [verse 15] And whann he spac to me siche maner wordis, Y keste doun my cheer to the erthe, and was stille. [verse 16] And lo! as the licnesse of the sone of man touchide my lippis; and Y opnynge my mouth spac, and saide to hym that stode byfore me, My Lord, in thi visioun my ioyntouris ben vnbounden, and no thing of strengthis aboden in me. [verse 17] And how may the seruaunt of my Lord speke with my Lord? no thing of strengthis aboode in me, bot and my brethe is closid bi|twixe, or stoppide. [verse 18] Therfore eftsoone as the siȝt of man touchide me, and coum|fortide [verse 19] me, and saide, Nyl thou dreede, thou man of desyrs; pees to thee, be thou coumfortid, and be thou strong. And whann he spac with me, Y waxe stronge, and saide, Speke thou, my Lord, for and thou hast coumfortide me. [verse 20] And he saith, Wher thou wast, whi Y came to thee? And now Y shal turne aȝein, for to fiȝt aȝeinus the prince of Persis. Forsothe whann Y wente out, the prince of Greekis apeeride cummynge. [verse 21] Nethelese Y shal telle to thee, what thing is expressid in the wrytyng of trewthe; and no man is myn helper in alle these thingis, no bot Miȝhel, ȝour prince.