The Holy Bible, containing the Old and New Testaments, with the Apocryphal books,

CAP. IV.

[verse 1] And thou, sone of man, take to thee a tijl stoon; and thou shalt putte it before thee, and thou shalt discriue in it the citee of Jerusalem. [verse 2] And thou shalt or|deyne aȝens it a bisegynge; and thou shalt bilde waardingis, thou shalt bere togidre an heep of erthe, and thou shalt ȝyue aȝens it castels, or oostis, and thou shalt putte engynes in compas. [verse 3] And take thou to thee an yren panne; and thou shalt putte it in to an yren wal bi|twix thee and bitwix the citee; and thou shalt vpon alle sidis stable thi face to it,

and it shal be in to bisegynge, and thou shalt about ȝyue it, or cumpas; it is a tokne to the hows of Israel. [verse 4] And thou shalt slepe vpon thi [the GH.] left sijde, and thou shalt putte the wickidnessis [witnessis A.] of the hows of Israel vpon it in the noumbre of dais, in whiche thou shalt slepe on it, and thou shalt take to the wickidnes of hem. [verse 5] For|sothe Y ȝaue to thee ȝeeris of the [Om. GH.] wickid|nes of hem, in noumbre of thre hundrid dais and nynti dais; and thou shalt bere the wickidnes of the hows of Israel. [verse 6] And whanne thou shalt fulfille thes thingis, thou shalt sleepe vpon thi riȝt syde the secounde tyme. And thou shalt take to the wickidnes of the hows of Juda fourty dais, a dai for a ȝeer, sotheli Y ȝaue to thee a dai for a ȝeer. [verse 7] And to the bi|segynge of Jerusalem thou shalt turne thi face; and thin arm shal be strauȝt forth, and thou shalt prophecie aȝens it. Loo! [verse 8] Y ȝaue about, or cumpaside, thee with boondis, and thou shalt not conuerte thee fro thi [the H.] side in to the tother side, til thou fulfille the dais of thi segynge. [verse 9] And take thou to thee whete, and barli, and bene, and lent, and mylie, and vetche; and thou shalt sende hem in to a vessel. And thou shalt make to thee looues in noumbre of dais, whiche thou shalt sleepe vpon thi side; thre hundrid and nynti dais thou shalt ete it. [verse 10] Forsothe thi meet, which thou shalt ete, shal be in weiȝt twenti [of twenti GH.] stateris, that is, ten owncis, in the dai; fro tyme vn to tyme thou shalt ete it. [verse 11] And thou shalt drynke water in mesure the sixt part of hyn; fro tyme vn to tyme thou shalt drynke it. [verse 12] And thou shalt ete it as a barly loof bakyn vndir asshen [aschis G. askis H.] ; and thou shalt hille it with a toord that goth out of a man, in the eyen, or siȝt, of hem. [verse 13] Thes thingis seith the Lord, So the sones of Israel shulen ete her breed defoulid among heithen men [Om. G pr. m. H.] ,

to whom Y shal caste hem out. [verse 14] And I seide, A! A! A! Lord God, loo! my soule is not defoulid, and fro my child|hed til now Y ete not deed careyn, and to-drawyn of beestis; and al vnclene flesh entride not in to my mouthe. [verse 15] And he seide to me, Loo! I ȝaue to thee dunge of oxen for mannus toordis; and thou shalt make thi breed in it. [verse 16] And he seide to me, Loo! Y shal defoule the staf of breed in Jerusalem, and thei shulen ete her [Om. G pr. m. H.] breed in weiȝt and in bisynes, and thei shulen drynke watir [Om. A.] in mesure and [verse 17] in anguysh; that water and breed fail|ynge eche man falle doun to his brother, and waxe rotyn to gidre in her wickid|nessis.