The Holy Bible, containing the Old and New Testaments, with the Apocryphal books,

CAP. XLVI.

[verse 1] These thingus saith the Lord God, The ȝate of the ynner hous, that byholdith to the eest, shal be closid sixe days, in whiche werk is don; forsothe in the day of saboth it shal be opnyd, bot and in the day of kalendis it shal be opnyd. [verse 2] And the prince shal entre by the way of the porche of the ȝate with outforth, and he shal stonde in the thresfold of the ȝate; and prestis shuln do his brend sacrifice, and his pesibles [pesible A.] ; and he shal worship vpon the thresfold of the ȝate, and he shal go out; forsothe the ȝate shal not be closid vn to euyn. [verse 3] And the peple of the lond shal worship at the dore of that ȝate, in sabothis, and ka|lendis, byfore the Lord. [verse 4] Forsothe the prince shal offre this brent sacrifice to the Lord in the day of saboth, sixe lam|bren vnspottid, and a wether vnspottid, [verse 5] and a sacrifice of ephi by the wether; in lambren forsothe the sacrifice that his hond shuln ȝeue, and the mesure hyn of oyle, bi eche of ephi. [verse 6] Sothely in the day of kalendis a calf vnspottid of the drooue, and six lambren, and wethris vnspottid [verse 7] shuln be, and the mesure ephi by the calf. And he shal make the sacrifice of the mesure ephi by the wether; forsothe of the lambren as his hond shal fynde, and of oyle the mesure hyn, by eche of mesure ephi. [verse 8] And whann the prince is to entringe, by waye of the porche of the ȝate entre he, and by the same waye go he out. [verse 9] And whan the peple of the lond shal entre in the siȝt of the Lord, in so|lempnytees,

whiche goth ynne by the north ȝate, that it wirship, go it out by the waye of the [Om. G pr. m. HK.] south ȝate. Forsothe he that entrith by the waye of the south ȝate, go out by waye [the weye A.] of the north ȝate. He shal not turne aȝein by waye [the weie AH.] of the ȝate, by whom he goth yn, bot euen aȝeinus it he shal go out. [verse 10] Sotheli the prince shal be in the mydil of hem; with men goynge yn he shal go yn, `and with men goynge oute he schal go oute [Om. AG pr. m. HK.] . [verse 11] Hou [Om. G sec. m.] in fairis and in solempnyteese shal be sacri|fice of mesure [the me|sure G sec. m.] ephi by a calf, and mesure ephi by a wether; in lambren shal be sacrifice as his hond shal fynde, and of oyle the mesure hyn, bi eche of mesure ephi. [verse 12] Forsothe whan the prince shal do wilful brent sacrifice, or wilful pesibles to the Lord, the ȝate that biholdith to the eest, shal be opnyd to hym; and he shal do his brent sacrifice, and his pesi|blis, as it is wont for to be don in the day of saboth; and he shal go out, and the ȝate shal be shette after that he shal go out. [verse 13] And he shal do a brend sacri|fice, a lomb of the same ȝeer vnspottid, eche day to the Lord; euermore in the [Om. AGH.] [verse 14] morewe he shal do it, and he shal do sacrifice theron [there A. therupon G pr. m. H.] bisidis, or niȝ, the mo|rewe; erly the sixt part of the [Om. A.] mesure ephi, and of oyle the thridde part of the [Om. A.] mesure hyn, that it be meynt to floure; a lawful sacrifice to the Lord, contynuel and euerlastynge. [verse 15] And he shal make a lombe in to sacrifice, and oyle, niȝ the morewe; erly the brend sacrifice euerlast|ynge. [verse 16] These thingis seith the Lord God, Ȝif the prince shal ȝyue a hous to eny of his sones, the eritaage therof schal be of his sones; thei schulen weelde it by eri|tage. [verse 17] Forsoth ȝif he shal ȝeue a bi|quethun thing of his eritage to oon of his seruauntis, it shal be his vn to the ȝeer of remyssioun, and it shal turne aȝein to the prince; forsothe the eritage of hym shal be to his sonys. [verse 18] And the

prince shal not take by violence of the eritage of the peple, and of the posses|sioun of hem; bot of his possessioun he shal ȝeue eritage to his sonys, that my peple be not disparplid, eche man fro his possessioun. [verse 19] And he ledde me yn bi the entree, that was on the syde of the ȝate, in to the tresories of the sayntuarie to the prestis, that biheelden to the north; and there was a place goynge to the west. [verse 20] And he sayde to me, This is a place, wher and prestis shuln saye [seie A. seye G.] and for synne of doynge, and for trespas of leeuynge; wher thei shuln say [seie A. sey G.] sacrifice, that thei bere not out in to the vtmer [vttermore H passim.] hous, and the peple be halewid. [verse 21] And he ledde me out in to the vtmer hous, and about ledde me by foure corners of the hous; and loo! a litil hous was in the corner of the hous, smale housis, eche [verse 22] by corners of the hous; in to foure cor|ners of the hous litil housis disposid, of fourti cubitis by longe, and thritti by [verse 23] breede; foure weren of oo mesure; and a wal by cumpas enuyrounynge foure smale housis; and kitchens weren forgid vndir porchis bi cumpas. [verse 24] And he saide to me, This is the hous of kitchenys, in whom the mynystris of the hous of the Lord seethen slayn sacrifices of the peple.