The Holy Bible, containing the Old and New Testaments, with the Apocryphal books,

CAP. XLI.

[verse 1] And he ledde me yn [Om. A.] , into the temple; and he meet [matte AGH.] the frountis, sixe cubitis of breede on this syde, and sixe cubitis of breede on that syde, the breede of the tabernacle. [verse 2] And the breede of the ȝate was of ten cubitis; and the sydis of the ȝate, by fyue cubitis on this syde, and by fyue cubitis on that syde; and he matte the lengthe therof of fourty cubitis, and the breede of twenti cubitis. [verse 3] And he gon yn with ynneforth, matte in [the A.] frount of the ȝate two cubitis, and the ȝate of sixe cubitis, and the breede of the ȝate

of seuen cubitis. [verse 4] And he matte the lengthe therof of twenti cubitis, and the breede of twenti cubitis, byfore the face of the temple. And he sayde to me, This is the holy of halewis. [verse 5] And he matte the wall of the hous of sixe cubitis, and the breede of the syde of foure cubitis, on eche syde bi cumpas of the hous. [verse 6] The sydis forsothe, syde to syde, twyse three and thritti; and thei weren shewynge, `or aboue semynge [Om. H.] , that entriden bi the wall of the hous, in the sydis bi cumpas, that thei shulden holde [folde A.] to gydre, and not touche the wall of the temple. [verse 7] And the street was in to round, styinge vp|ward bi the heeȝ toure, and in to soup|yng place of the temple it bare forth bi cumpas; therfore the temple was brod|der in the ouermore thingus; and so fro the lower parties me stied to the heeȝer, and the mydil. [verse 8] And I seeȝ in the hous heeȝnesse bi cumpas, the sydis foundid at the mesure of a ȝerd in space of sixe cu|bitis; [verse 9] and the breede by the wall of the syde with outforth, of fyue cubitis; and the ynner hous was in the sydis of the hous. [verse 10] And bytwix tresories the breede of twentye cubitis in cumpas of the hous [verse 11] on eche syde, and the dore of the syde to preyer; oo dore to the waye of the north, and oo dore to the south waye; and the breede of place to preyer, of fyue cubitis in cumpas. [verse 12] And the beeldyng that was departid, and turnyd to the waye biholdynge to the see, of the breede of seuenty cubitis; forsothe the wall of beeldyng of fyue cubitis of breed in cum|pas, and the lengthe therof of nyntye cubitis. [verse 13] And he matte the lengthe of the hous, of an hundrid cubitis; and the byldyng that was departid, and the wallis therof, of lengthe of an hundrid cubitis. [verse 14] Forsothe the breede byfore the face of the hous, and of it that was departid aȝeinus the eest, of an hundrid cubitis. [verse 15] And he matte the lengthe of the beeld|yng

aȝeinus the face therof, that was de|partid at the bac; solers on eche syde of an hundrid cubitis, and the temple with [verse 16] ynforth, and porchis of the hous, thres|foldis, and wyndowis ouerthwert; solers in cumpas by three parties, aȝeinus the threshfold of eche, and diȝte with tree by cumpas in enuyroune; forsothe erthe til to the wyndowis, and wyndowis closiden [verse 17] the doris, vnto the ynner hous, and with out forth, by eche wall in cumpas, with ynneforth and with outforth at mesure. [verse 18] And cherubyns forged, and palmes, and a palme bitwix cherub and cherub; and [verse 19] cherub hadde two faces, a face of man bysijdis the palme of this syde, and a face of lyoun bysydis a palme expressid on the tother syde. By all the hous in [verse 20] cumpas, fro the erthe vnto the [Om. G pr. m. K.] ouermer part, cherubyns and palmes weren graued in the wall of the temple. [verse 21] The thresfold foure cornerd; and the face of the byhold|yng of the sayntuarye aȝenus the bihold|yng [verse 22] of the treenen auter; the heiȝt of it of three cubitis, and the lengthe therof two cubitis; and the corners therof, and lengthe therof, and wallis therof, treenen. And he spac to me, This is the bord by|fore the Lord. [verse 23] And two doris weren in the temple, and in the sayntuarie. [verse 24] And in the two doris on eche sijde weren two smale doris, that weren folden in hem self to gydre; forsothe two doris weren on eche syde of the doris. [verse 25] And grauen weren in the ylk doris of the temple cherubyns and grauyng of palmes, as and in the wallis thei weren expressid. Wher|fore and gretter trees weren in the frount [verse 26] of the porche with outforth, on whiche the ouerthwert wyndowis, and lickenesse of palmes, on this syde and that syde; in [and A.] the litil shuldris of the porche, after the sydis of the hous, and breede of wallis.