The Holy Bible, containing the Old and New Testaments, with the Apocryphal books,

CAP. XL.

[verse 1] In the fyue and twentithe ȝere of oure transmygracioun, in the bygynnynge of the ȝeer, in the tenthe of the moneth, in the fourtenthe ȝeer aftir that the citee is smytyn, in the same day the hond of the Lord is maad on [vpon A.] me, and ledde me thi|der in visiouns of God. [verse 2] And he brouȝt me in to the lond of Yrael, and he [Om. A.] left me on a ful heeȝ hill, vpon whom was as a beeldyng of a citee goynge to the southe; and he ledde me yn thider. [verse 3] And loo! a man, whos fourme was as the fourme of brasse, and a lytil lynnyn bond in his hond, and a ȝerd of mesure in his hond; forsothe he stood in the ȝate. [verse 4] And the same man spac to me, Sone of man, see with thin eeȝen, and heere with thin eeris, and putte thin herte in to alle thingis, whiche I shal shewe to thee, for that it be shewid to thee, thou art brouȝt to hither; telle thou alle thingus that thou seest to the hous of Yrael. [verse 5] And loo! a wal with outforth, in cumpas of the hous in eche sijd, and in hond [the hoond A.] of the man a ȝerd of mesure of sixe cubitis and a palme; and he metid the breede of the beeldyng with oo ȝerd, and the heeȝnesse with oo ȝerd. [verse 6] And he came to the ȝate that biheelde to [Om. AGH.] the eest waye, and he stiede vp by the greese therof; and he metid the thrisfold of the ȝate with oo ȝerd, that is for to saye, the breede of [verse 7] the thrisfold, with oo ȝerd in breede; and the chaumbre with oo ȝerd in to long, and with oo ȝerd in to breede, and bi|twix [verse 8] chaumbris fyue cubitis; and the thresfold of the ȝate bisydis the vestiarie,

or porche, of the ȝate with ynforth, oo ȝerd. [verse 9] And he metide the porche of the ȝate of eiȝt cubitus, and the frount therof in two cubitis; forsothe the vestiarie, or porche, of the ȝate was with inneforth. [verse 10] Forsothe chaumbris of the ȝate to the est waye, three on this sijd, and three on that sijd; oo mesure of three, and oo me|sure of the frountis of eche syde. [verse 11] And he metid the breede of the thresfold of the ȝate of ten cubitis, and the lengthe [verse 12] of the ȝate of thrittene cubitis; and the margyne, or vttemest [vttermost H.] part, bifore the chaumbris of oo cubit, and oo cubit the eende of eche sijde; sothely the chaum|bres weren of sixe cubitis on this syde and on that syde. [verse 13] And he metide the ȝate fro the roof of the chaumbre til the roof therof, the breede of fyue and twenty cubitis, dore aȝeins dore. [verse 14] And he maad frountis bi sixti cubitis, and at a frount porche of the ȝate on eche syde bi cum|pas; [verse 15] and bifore the face of the ȝate that lastid til to [Om. A.] the face of the porche of the [verse 16] ynner ȝate, fifti cubitis; and wyndowis ouerthwert, in chaumbris and in frountis of hem, that weren with ynne the ȝate on eche syde by cumpas. Also forsothe and wyndowis weren in the porchis bi cumpas with ynne forth, and bifore the frountis peyntyng of palmes grauen. [verse 17] And he ledde me out to [of H.] the vtmer [vttermer H.] porche, `or large hous [Om. A.] , and loo! tresories, and pament paued with stoon in the porche by enuyrounn; thritti tresories in the [verse 18] cumpas of pament; and a pament in the frount of ȝatis, after the lengthe of the ȝatis was [Om. A.] with ynneforth. [verse 19] And he metide the breede fro face of the ynner ȝate vnto the frount of the ynner porche with outeforth, an hundrid cubitis to the eest, and to the north. [verse 20] And he metide the ȝate that biheelde the waye of the north, of the vtmore [vttermor H.] porche, as wele in [verse 21] lengthe as in breede; and three chaum|bres therof, three on this syde, and three

on that syde, and the frount therof, and the porche therof, after the mesure of the first ȝate; the lengthe therof of fyfty cu|bitis, and the breede of fyue and twenti cubitis. [verse 22] Forsothe the wyndowis therof, and porche, and grauyngis, after the me|sure of the ȝate that byheelde to the eest; and of seuen grees was the styeing vp therof, and a porche bifore it. [verse 23] And the ȝate of the ynner porche [porche, or hous GHK pr. m.] aȝeinus the ȝate of the north, and the eest ȝate; and he metide fro ȝate vnto ȝate an hundrid cubitis. [verse 24] And he ledde me out to the southe waye, and loo! a ȝate that bihelde to the southe; and he metide the frount therof, and the porche therof, after the [verse 25] ouermore mesures; and the wyndowis therof, and porchis in cumpas, as the tother wyndows; of fifti cubitis the lengthe, and the breede of fyue and twenti cubitis. [verse 26] And in seuen greesis `men stieden [me styed GH.] therto, and a porche bifore the ȝatis therof; and grauen palmes weren, oon on this syde, and an other in the frount therof. [verse 27] And the ȝate of the ynner hous, in the south waye; and he metide fro ȝate vnto ȝate in the south waye, an hundrid cubitis. [verse 28] And he ledde me yn, in to the ynnermer hous at the south ȝate; and he metide the ȝate af|ter [verse 29] the ouermer mesuris; the chaumbris therof, and frount therof, and porche therof, bi the same mesuris; and the wyn|dowis therof, and the porche therof in cumpas; fifti cubitis in lengthe, and of [verse 30] breed fyue and twenti cubitis; and the porche by cumpas, the lengthe of fyue and twenti cubitis, and the breed of fyue cubitis. [verse 31] And the porche therof to the vtmer [vttermor H.] hous, and palmes therof in the frount; and eiȝte greces weren, bi whiche me steyede vp therby. [verse 32] And he ledde me in to the ynnermer hous, by the eest waye; and he metide the ȝate after the

[verse 33] ouermer mesuris; the chaumbre therof, and frount therof, and porchis therof, as aboue; and wyndowis therof, and porchis therof in cumpas; the lengthe of fifty cu|bitis, and the breede of fyue and twenty [verse 34] cubitis; and the porche therof, that is to saye, of the vtmer [vttermore H.] hous; and palmes graued in the frount therof, on this syde and on that syde; and in eiȝte greese the steiȝing vp therof. [verse 35] And he ledde me ynne, at the ȝate that biheelde to the north, and matte after the ouermore me|suris; [verse 36] the chaumbris therof, and frount therof, and the porche therof, and wyn|dowis therof bi cumpas; of [of the AGH.] lengthe of fifty cubitis, and the breed of fyue and twenti cubitis. [verse 37] The porche therof bi|heelde to the vtmer [vttermore H.] hous; and grauyngs of palmys in frount therof on bothe sydis; and in eiȝte greese the steiȝing vp therof. [verse 38] And bi alle tresories a dore in frountis of the ȝatis; and there thei wash|iden brend sacrifice. [verse 39] And in the porche of the ȝate two bordis on this syde, and two bordis on that syde, that vpon hem ben offrid brend sacrifice, for synne of [Om. H.] doyng and for trespas of leeuyng vndon. [verse 40] And at the vtmer [vttermore H.] syde, that goth vp to the dore of the ȝate that goth to the north, two bordis; and at the tother syde, bifore the porche of the ȝate, two bordis. [verse 41] Foure bordis on this syde, and four bordis on that syde; by the sydis of the ȝate weren eiȝte bordis vpon whom men offriden. [verse 42] Forsothe foure bordis to brend sacrifice beeldid of sqware stoons, in lengthe of oo cubit and an half, and in breede of oo cubite and an half, and in heiȝthe oo cubit; vpon whiche thei putten vessels, in whiche brend sacrifice is offrid, and slayn sacrifice. [verse 43] And the lippis, or brynkis, of hem of oo palme, bowid aȝein with ynneforth bi cumpas; vpon the bordis forsothe offringis [of offringis K.] of fleshe. [verse 44] And with oute the ynner ȝate, treseries of

chaunters, in the ynner hous that was in the side of the ȝate biholdynge to the north; and the face of them aȝeinus the southe waye; oon on the syde of the eest ȝate, that biheelde to the waye of the north. [verse 45] And he saide to me, This is the tresorie, that biholdith the south waye, of preestis that waken in kepingis [kepynge A.] of the temple. [verse 46] Sothli the tresorie that bihold|ith to the waye of the north, schal ben of prestis that waken to the seruyse of the auter; thes ben the sones of Sadoch, that comen to of the sonys of Leuy to the Lord, that thei ministre to hym. [verse 47] And he matte the hous, the lengthe of an hundrid cubitis, and the breede by an hundrid cubitis, by sqware, and the auter bifore the face of the temple. [verse 48] And he ledde me yn, in to the porche of the tem|ple; and he matte the porche by fyue cubitis on this syde, and fyue cubitis on that syde; and the breed of the ȝate, of three cubitis on this syde, and three cu|bitis [verse 49] on that syde; forsothe the lengthe of the porche [porche, or large hous GHK pr. m.] of twenti cubitis, and the breed of elleuen cubitis, and bi eiȝte greese me stieden therto; and pilers weren in the frountus, oon on this syde, and an other on that syde.