The Holy Bible, containing the Old and New Testaments, with the Apocryphal books,

CAP. XXXVII.

[verse 1] The hond of the Lord is maad vpon me, and he ledde me out in the [Om. AK sec. m.] spirit of the Lord, and lefte me in the mydil [verse 2] of a feeld that was ful of boones; and he ledde me aboute bi hem in cumpas. Forsothe there were ful manye vpon the face of the erthe, and gretely drye. [verse 3] And he saide to me, Sone of man, gessist thou, wher these boones shuln lyue? And I saide, Lord God, thou hast knowe. [verse 4] And he saide to me, Prophecie thou of these boonys; and thou shalt saye to hem, Drie boones, heer ȝe the word of the Lord. [verse 5] These thingus saith the Lord God to these bonys, Loo! I shal with ynne send

in to ȝou a spirit, and ȝe shuln lyue. [verse 6] And I shal ȝeue synewys vpon ȝou, and I shal make fleshis for to wexe vpon ȝou, and I shal aboue strecche skyn in ȝou, and I shal ȝeue to ȝou a spirit, and ȝe shuln lyue; and ȝe shuln wite, for I the Lord. [verse 7] And I prophecied, as he comaundide to me; forsothe me prophecyinge a soun is maad, and loo! a styryng to gydre, and bones wenten to boones, eche to his ioyn|ture. [verse 8] And I sawe, and loo! vpon hem synewis and fleshis steiȝiden vp to [in AGH.] hem, and skyn is strechid forth aboue, and thei hadden no spirit. [verse 9] And he saide to me, Prophecie thou to the spirit, sone of man, prophecie thou; and thou shalt saye to the spirit, These thingus saith the Lord God, Fro four wyndys cum, thou spirit, and blowe yn vpon these slayn men, and lyue thei aȝein. [verse 10] And I prophecied, as he comaundide to me; and the spirit wente in to hem, and thei lyuyden, and stoden vpon her feet, a [and a K sec. m.] ful greet oost. [verse 11] And the Lord saide to me, Sone of man, alle these boones is the hous of Yrael; thei sayen [and a K sec. m.] , Oure boons dryeden, and our hoope pe|ryshide, and we ben kit awey. [verse 12] Therfore prophecie thou, and thou shalt saye to hem, These thingus saith the Lord God, Loo! I shal open ȝour biriels, and shal leede ȝou out of ȝour sepulcris, my peple, and I shal leed ȝou in to ȝour lond of Yrael. [verse 13] And ȝe shuln wite, for I the Lord, whan I shall opyn ȝour sepulcris, and shal leede [verse 14] ȝou out of ȝour biriels, my peple; and shal ȝeue my spirit in ȝou, and ȝe shuln lyue. And I shal make ȝou for to rest vpon ȝour lond; and ȝe shuln wite, for I the Lord spake, and haue don, saith the Lord God. [verse 15] And the word of the Lord [verse 16] is maad to me, sayinge, And thou, sone of man, take to thee oo tree, and wryte vpon it, Of Juda, and the sonys of Yrael, with his felawis. And take thou an other tree, and write vpon it, Of Joseph, and the tree of Effraym, and of al the hous [seiden A.]

of Yrael, and his felawis. [verse 17] And ioyne hem the [to the K sec. m.] toon [oon K sec. m.] to the tother [other K sec. m.] to thee into oo tree; and thei shuln be in to oonyng in thin hond. [verse 18] Forsoth whan the sonys of thi peplis [puple A.] shuln saye to thee, spek|ynge, Wher thou shewist not to vs, what [verse 19] thou wolt in these thingis to thee? thou shalt speke to hem, These thingus saith the Lord, Loo! I shal take to the tree of Joseph, that is in the hond of Effraym, and the kynredis of Yrael, that ben ioyned to hym, and I shal ȝeue hem to gydre with the tree of Juda; and I shal make hem in to oo tree, and thei shuln be oon in his hond. [verse 20] Forsothe the trees, vpon whom thou hast writen, shuln be in thin hond in the eeȝen of hem. [verse 21] And thou shalt saye to hem, These thingus saith the Lord God, Loo! I shall take to the sones of Yrael of the mydil of [Om. K.] naciouns, to whom thei wenten awey; and I shal ga|dere hem on eche syde. And I shal bringe [verse 22] hem to her erthe, and I shal make hem oo folk in the lond, in hillis of Yrael, and oo kyng shal be comaundynge to alle; and thei shuln na more be two folkis, ney|ther thei shuln more be departid `in to [in AH.] two rewmes. [verse 23] Nether thei shuln be de|foulid more ouer in her ydols, and her abomynaciouns, and in alle her wickid|nessis. And I shal make hem saaf of alle her setis, in whiche thei synneden, and I shal clense hem; and thei shuln be to me a peple, and I shal be God to hem. [verse 24] And my seruaunt kyng Dauyd vpon hem, and oo sheperd shal be of [vpon A.] hem alle; thei shuln walke in my domys, and thei shuln kepe my comaundementis, and shuln do hem. [verse 25] And thei shuln dwelle vpon the lond, whiche Y ȝaue to my seruaunt Ja|cob, in whiche ȝour faderis dwelliden; and thei shuln dwelle vpon it, thei, and the sones of hem, and the sonys of her sones, til in to with outen eende; and Dauyth, my seruaunt, prince of hem in to with oute eende. [verse 26] And I shal smyte

to hem a couenaunt of pees; a couenaunte euerlastynge shal be to hem, and I shal founde hem, and shal [I schal GH.] multiplie [multiplie hem A. multiplie it K sec. m.] . [verse 27] And I shal be to hem God [a God A.] , and thei shuln be to me peple. [verse 28] And heithen men shuln wite, for I the Lord, halewer of Yrael, whan my halewyng shal be in the mydil of hem in to with oute eende.