The Holy Bible, containing the Old and New Testaments, with the Apocryphal books,

CAP. XXXVI.

[verse 1] Forsothe thou, sone of man, prophecie vpon the mounteyns of Yrael; and thou shalt saye, Hillis of Yrael, heere ȝe the word of the Lord. [verse 2] These thingis saith the Lord God, For that that the enmye saide of ȝou, Wele! or scorne, heeȝnessis^o euerlastynge ben ȝouen to vs in to eritage; [verse 3] therfore prophecie thou, and saye, These thingus saith the Lord God, For that that ȝe ben desolat and defoulid by cumpas, and maad in to eritage to other folkis, and ȝee steiȝiden vp vpon the lipp of [verse 4] tunge, and shendship of peple; therfore, ȝe hillis of Yrael, heere [here ȝe A.] the word of the Lord God. These thingis saith the Lord God to mounteyns, and smale hillis, to rennynge stremys of reyn, and valeys, and to desert wallingus, and to forsaken citees, that ben robbid, and scornyd of [verse 5] other heithen men bi cumpas; therfore these thingus saith the Lord God, For in the fijr of my wrath I spake of other heithen men, and of al Ydume, that ȝauen my lond to hem in to eritage in swerd, and al the herte, and of inwit, and cast|iden out it, that thei shulden waaste; [verse 6] therfore prophecie thou vpon the erth of Yrael, and thou shalt saye to moun|teyns, and smale hillis, to heiȝthis of hillis, and valeys, These thingis saith the Lord God, For that that ȝe ben desolat, loo! I in my wrath and in my woodnesse haue spoken. For that that ȝe susteyneden

the confusioun of heithen men. [verse 7] Therfore these thingis saith the Lord God, I reys|ide myn hond aȝeins heithen men, that ben in ȝour cumpas, that thei bere her confusioun. [verse 8] Forsothe, ȝe hillis of Yrael, buriown ȝour braunchis, and bring ȝour fruyt to my peple of Yrael; forsothe it is niȝ that it cum. [verse 9] For loo! I to you, and I shal be conuertid to ȝou, and ȝe shuln be erid, and shuln take seed. [verse 10] And I shal multiplie in ȝou men, and al the hous of Yrael; and citees shuln be enha|bitid, and ruynouse thingis shuln be in|storid, or maad aȝein. [verse 11] And I shal fulfil ȝou with men and beestis, and thei shuln be multiplied, and shuln waxe; and I shal make ȝou for to dwelle as fro the bygyn|nyng, and I shal ȝeue with gretter goodis than ȝe hadden fro the bygynnynge; and ȝe shuln wite, for I the Lord. [verse 12] And I shal brenge vpon ȝou men, my peple of Yrael, and by eritage thei shuln welde thee, and thou shalt be to hem in to eri|tage; and thou shalt na more putte to, that thou be without hem. [verse 13] These thingus saith the Lord God, For that that thei sayn of ȝou, Thou art a deuouresse of [verse 14] men, and stranglinge thi folc; therfore thou shalt na more ete men, and thou shalt na more slea thi folk, the Lord God saith. [verse 15] Nether I shal make the confu|sioun of heithen men herd more in thee, and thou shalt not bere the shendshipe of peplis, and thou shalt na more leese thi peple, saith the Lord God. [verse 16] And the word of the Lord is maad to me, sayinge, [verse 17] Sone of man, the hous of Yrael dwelliden in her lond, and thei defouliden it in her wayes, and in her studies; after the vn|clennesse of the menstruat womman the way of hem is maad before me. [verse 18] And I shedde out myn indignacioun vpon hem, for the blood whiche they shedden vpon the lond, and in her ydolis thei defoul|iden it. [verse 19] And I scatride hem among hei|then men, and thei ben wyndowid in to londis. After the waies of hem and fynd|yngis

Y deemyde hem. [verse 20] And thei en|triden to heithen men, to whom thei entriden, and defouliden myn holy name, whann it was said of hem, This is the peple of the Lord, thei wenten out of the lond of hym. [verse 21] And I sparid to myn hooli name, whom the hous of Yrael defoulide in heithen men, to whom thei entriden. [verse 22] Therfore thou shalt saie to the hous of Yrael, These thingis saith the Lord God, Not for ȝou I shal do, ȝe hous of Yrael, but for myn holy name, whom ȝe defoul|iden in heithen men, to whom ȝe en|triden. [verse 23] And I shal halewe my greet name, whiche is defoulid among heithen men, whom ȝe defouliden in the mydil of hem; that heithen men witen, for I the Lord, saith the Lord of hoostus, whanne I shal be halewid in ȝou bifore hem. [verse 24] So|thely Y shal take ȝou awey fro heithen men, and I shal gadre ȝou of alle londis, and I shal brenge ȝou into ȝour lond. [verse 25] And I shal shede out vpon ȝou clene watir, and ȝe shuln be clensid of alle ȝour defoulyngis; and I shal clense ȝou fro alle ȝour ydolis. [verse 26] And I shal ȝeue to ȝou a newe herte, and I shal putte `a newe [my A.] spirit in the mydil of ȝou; and I shal take awey a stonen herte of ȝour fleshe, and I shal ȝeue to ȝou an herte of [verse 27] fleshe, and I shal putte my spirit in the mydil of ȝou. And I shal make that ȝe walke in myn heestis, and that ȝee kepe and wirche my domys. [verse 28] And ȝe shuln dwelle in the lond, whiche I ȝaue to ȝour fadris; and ȝe shuln be to me in to peple, and I shal be to ȝou in to God. [verse 29] And I shal saue ȝou of alle ȝour filthis; and I shal clepe whete, and shal multiplie it, and I shal not putte hungre in to ȝou. [verse 30] And I shal multiplie the fruyte of tree, and buriownyngus, or seedis, of the feeld, that ȝe bere na more shenship of hungre in heithen men. [verse 31] And ȝe shuln haue mynde of ȝour warst waies, and studies not goode; and ȝour wickidnessis [wickidnes A.] , and

ȝour grete trespassis shuln displese to ȝou. [verse 32] Not for ȝou I shal do, saith the Lord God, be it knowen to ȝou; be ȝe counfoundid, and shame ȝe vpon ȝour waies, ȝe hous of Yrael. [verse 33] These thingis saith the Lord God, In the day in whiche Y shal clense ȝou of alle ȝour wickid|nessis, and shal make citees for to be enhabitid, and shal repareyle ruynouse [verse 34] thingis, and the desert lond shal be tilied, whiche sum tyme was desolat, in the [verse 35] eeȝen of eche way goar, thei shuln saye, The ylk lond vntilied is maad as a ȝerd of volupte, and citees desert and desti|tute and vndirdiggid, waardid, or made [verse 36] stronge, han setun; and heithen men shuln wite, whiche euer shuln be left, or forsaken, in ȝour cumpas, for I the Lord haue bildide the scatered thingus, and [verse 37] haue plantid vntilied thingus; Y the Lord haue spoke, and haue don. These thingis saith the Lord God, Ȝit the hous of Yrael in this thing shuln fynde me, that Y do [verse 38] to hem; Y shal multiplie hem as flockis of men, as an holy floc, as the floc of Jerusalem in the solempnitees therof, so desert citees shuln be ful of flockis of men; and thei shuln wite, for Y the Lord.