The Holy Bible, containing the Old and New Testaments, with the Apocryphal books,

CAP. XXIX.

[verse 1] In the tenthe ȝeer, in the tweluethe moneth, in o day of the moneth, the word of the Lord is maad to me, seiynge, [verse 2] Sone of man, put thi face aȝens Pharao, kyng of Egipt; and thou shalt prophecie of hym, and of al Egipt. [verse 3] Spek thou, and thou shalt seie, Thes thingis seith the Lord God, Loo! Y to thee, Pharao, kyng of Egipt, greet dragoun, that lig|gist in the mydil of thi flodis, and thou seist, The flood is myn, and Y made my|silf. [verse 4] And Y shal putte a bridil in thi cheekis, and Y shal glewe to gidre the fisshis of thi floodis to thi scalis; and I shal drawe thee out of the mydil of thi flodis, and alle thi fisshis shulen cleue to thi scalis. [verse 5] And Y shal caste thee fer in to deseert, and alle fisshis of thi flood; vpon the face of erthe thou shalt falle, thou shalt not be gadrid vp, nether ga|drid to gidre; to beestis of erthe, and to volatils of heuene Y ȝaue thee for to be deuourid. [verse 6] And alle the dwellers of Egipt shulen wite, for I the Lord. For that that thou was [wast G pr. m. were H.] a staf of reed to the hows of [verse 7] Israel, whanne thei token `thee to [to bi G pr. m. H. to thee bi the G sec. m.] hoond, and thou art broken to gidre, and hast drawe al the shuldre of hem, and hem

lenynge, or trustinge, vpon thee, thou art maad litil, and hast dissoluyd, or [verse 8] vndon, alle the reynes of hem; therfor thes thingis seith the Lord God, Loo! Y shal leede to on [vpon GH.] thee swerd, and I [verse 9] shal slee of thee man and beest; and the loond of Egipt shal be in to deseert and wildirnes, and thei shulen wite, for Y the Lord. For that that thou seidist, The [verse 10] flood is myn, and I made it, therfor loo! Y to thee, and to [Om. G pr. m. H.] thi floodis. And Y shal ȝyue the loond of Egipt in to wil|dernessis [wildernesse H.] distried bi swerd, fro the `tour Syens til to [comelyngis in to H.] the termys of Ethiope. [verse 11] The foot of man shal not passe bi it, nether foot of beest shal goo in it, and it shal not be enabitid fourti ȝeeris. [verse 12] And Y shal ȝeue the loond of Egipt deseert, or for|sakyn, in the mydil of deseert loondis [his loondis H. is loondis G pr. m.] , and the cytees therof in the mydil of citees vndir turned shulen be desolat fourty ȝeris. And Y shal scatere Egip|ciens in to naciouns, and Y shal wyndewe hem in to loondis. [verse 13] For thes thingis seith the Lord God, After the ende of fourti ȝeeris Y shal gedre Egipt fro puplis, in [verse 14] whiche thei were scatered; and Y shal lede aȝen the caitifte of Egipt. And Y shal sette hem `to gydre [Om. A.] in the loond of Phatures, in to the loond of her natiuyte; and thei shulen be there in to a meke, [verse 15] or lowe, kyngdam, and among other rewmes it shal be the mekest, and it shal namore be reysid on naciouns. And Y shal make hem litil, lest thei be lordis [verse 16] to folkis; nether thei shulen be more to the hous of Israel in trist, techynge wick|idnes, that thei flee, and sue hem; and thei shulen wite, for Y the Lord God. [verse 17] And it is maad in the seuenthe and twenty [twentithe H.] ȝeer, in the first, in oon of the moneth, the word of the Lord is maad [verse 18] to me, seiynge, Sone of man, Nabugodo|nosor, kyng of Babiloyne, made his oost for to serue in greet seruyce aȝens Tyre;

eche heed maad ballid, and eche shuldre is vnheerid, and hijre is not ȝoldyn to hym, nether to his oost of Tyre, for the seruyce in which he seruede to me aȝens it. [verse 19] Therfor thes thingis seith the Lord God, Loo! Y shal ȝyue Nabugodonosor, kyng of Babiloyne, in the loond of Egipt, and he shal take the multitude of it; and he shal take by pray the raueynes therof, and he [Om. H.] schal [Om. AH.] rauysshe the spuylis of it, [verse 20] and it shal be hijre to the oost of hym, and to the werk for which he seruede aȝens it; Y ȝaue to hym the loond of Egipt, for that that he traueilde to me, seith the Lord God. [verse 21] In that dai an horn shal sprynge to the hous of Israel, and to thee Y shal ȝeue a mouthe opened in the mydil of hem; and thei shulen wite, for Y the Lord.