The Holy Bible, containing the Old and New Testaments, with the Apocryphal books,

CAP. XXVIII.

[verse 1] And the word of the Lord is maad to [verse 2] me, seiynge, Sone of man, sey thou to the prince of Tyre, Thes thingis seith the Lord God, For that that thin herte is lift vp, and thou seidist, Y am God, and Y satte in the chaier of God, in the herte of the see, whanne thou art man and not God, and hast ȝouen thin herte [verse 3] as the herte of God; loo! thou art wyser than Danyel, eche priue thing is [verse 4] not hid fro thee; in thi wisdam and prudence thou madist to thee strength, and hast wonne to thee gold and siluer [verse 5] in thi tresours; in multitude of thi wis|dam, and in thi marchaundise thou mul|tepliedist to thee strength, and thin herte [verse 6] is lift vp in thi strength; therfor thes thingis seith the Lord God, For that thin herte is reisid vp as the herte of God, therfor loo! [verse 7] Y shal lede to thee [on thee G. oon of the H.] aliens, moost stronge of folkis. And thei shulen make nakid her swerdis on the [thi A.] fairnes of thi wisdam, and shulen defoule thi feyrnes. [verse 8] Thei shulen slee, and drawe doun thee; and thou shalt die in the perishynge of slayn men, in the herte of the [Om. AG pr. m.] se. [verse 9] Whether thou seiynge shalt speke, Y am God [Om. A.] , before men [me A.] sleynge thee, whanne thou art man, and not God? [verse 10] In the hoond of men sleynge thee, in deeth of vncircumcydid men, thou shalt die in the hoond of aliens; for Y spak, seith the Lord God. [verse 11] And the word of the Lord is maad to me, seiynge, Sone of man, reys weilynge vpon the kyng of [verse 12] Tyre; and thou shalt sey to him, Thes thingis seith the Lord God, Thou a sig|net of liknes, ful of wisdam, perfijt in [verse 13] fayrnes, was [waast GH.] in delicis of paradise [a para|dise K.] of God. Eche precious stoon thi keuerynge,

sardius, topacius, and iaspis, crisolitus, and onix, and berillus, saphirus, and car|buncle, and smaragd; and gold the werk of thi fairnes, and thin hoolis ben maad redy, in the day in which thou art maad. [verse 14] Thou cherub streiȝt forth, and keuerynge; and I putte [putted GH.] thee in the hooli hil of God. In the mydil of fijry stoonus thou walk|idist, [verse 15] perfijt in thi weies fro the dai of thi makynge, til wickidnes is foundyn in thee. [verse 16] In the multitude of thi marchaun|dise `thin entrailis ben fulfillid with wick|idnesse [Om. A.] , and thou synnedist; and Y keste thee out of the hil of God, and I lost thee, thou cherub keuerynge, of the mydil of firy stoonus. [verse 17] And thin herte is reysid vp in thi fairnes, thou lostist thi wisdam in thi fayrenes. Y keste thee doun in to erthe, Y ȝaue thee before the face of kyngis, that thei shulden see thee. [verse 18] In multitude of thi wickidnessis, and in wickidnes of thi marchaundise thou de|fouledist thin halewynge; therfor Y shal brynge forth fier fro the mydil of thee, which shal ete thee; and Y shal ȝyue thee in to asshe on the erthe, in siȝte of alle men seynge thee. [verse 19] Alle men that shulen see thee in folkis, shulen wondre greetli vpon thee; thou art maad nouȝt, and thou shalt not be in to with outen ende. [verse 20] And the word of the Lord is maad to [verse 21] me, seiynge, Sone of man, put thi face aȝens Sidon, and thou shalt prophecie of [verse 22] it; and thou shalt seie, Thes thingis seith the Lord God, Loo! Y to thee, Sy|don, and Y shal be glorified in the mydyl of thee; and thei shulen wite, for Y the Lord, whanne I shal doo in it domys, and Y shal be halewid in it. [verse 23] And Y shal sende to it pestilence and blood in the stretis therof, and men slayn shulen falle in the mydil therof bi swerd bi cumpas; and thei shulen wite, for Y the Lord God. [verse 24] And it [ther G sec. m.] shal no more be to [Om. A. into H.] the hows of Israel hirtynge of bitternes, and a thorn brengynge in sorewe on eche side bi

cumpas of hem that ben aduersaries to hem; and thei shulen wite, for Y the Lord God. [verse 25] Thes thingis seith the Lord God, Whanne I shal gadre the hows of Israel of puplis, in whiche thei ben scaterid, Y shal be halewid in hem before folkis. [verse 26] And thei shulen dwelle in her loond, which Y ȝaue to my seruaunt Jacob. And thei shulen dwelle sikir in it, and shulen bilde housis, and shulen plaunte viyn ȝerdis, and thei shulen dwelle tristili, whanne Y shal doo domys in alle men that ben aduersaries to hem bi cumpas; and thei shulen wite, for Y the Lord God of hem.