The Holy Bible, containing the Old and New Testaments, with the Apocryphal books,

CAP. XXII.

[verse 1] And the word of the Lord is maad to [verse 2] me, seiynge, And thou, sone of man, whether thou demest not the citee of bloodis? [verse 3] And thou shalt shewe to it alle her abomynaciouns, and thou shalt seie, Thes thingis seith the Lord God, The citee shedynge out blood in the mydil of it, that the tyme of it cumme; and which made ydols aȝens it silf, that it were po|lutid, or defoulid. [verse 4] In thi blood that is shed out of thee, thou trespassidist, and in thin ydolis whiche thou madist thou art defoulid; and thou madist thi daies for to neiȝ, and leddist to the tyme of thi ȝeeris. Therfor I ȝaue thee shenship to heithen men, and scornynge to alle loondis [verse 5] that ben besidis; and thei that ben fer fro thee shulen haue victorie of thee, thou foule, noble, greet in perishing. [verse 6] Loo! the princes of Israel, eche in her arm, weren in thee, for to shede out blood. [verse 7] Thei punyshiden with wroongis the fadir and moder in thee, thei falsly chaleng|iden a cumlynge in the mydil of thee, thei maden sorewful fadirles and moder|les and widewe anentis thee. [verse 8] Ȝe han dis|piside my seyntuaries, and ȝe han defoulide my sabotis. [verse 9] Men bacbiters weren in thee, for to shede out blood, and vpon moun|teyns thei eten in thee; thei wrouȝten greet trespas in the mydil of thee. [verse 10] Fa|dris

vnhilliden in thee more shameful thingis, thei meekeden in thee the vnclen|nes of the menstruate womman. [verse 11] Eche man wrouȝte abomynacioun in to the wijf of his neiȝbour, and the husbondis fader defoulide his sonys wijf; vnleuefuli the brother oppresside `in thee [Om. A.] his sistyr, the douȝter of his fader. [verse 12] Thei token ȝiftis, for to sheede out blood at thee; thou tokist vsure and oueraboundaunce, and gredili, or coueytously, thou falsly cha|lengidist [chalengist H.] thi neiȝbours, and hast forȝete me, seith the Lord God. [verse 13] Loo! I haue smytin togider myn hondis vpon thin aueryce, or gredynes, which thou didist, and vpon the blood that [which H.] is shed out in the mydil of thee. [verse 14] Whether thin herte shal susteyne [suffre GH.] , or thin hoondis shulen haue power in the dais whiche I shal make to thee? Forsothe Y the Lord spak, and Y shal doo. [verse 15] And I shal scater thee in to naciouns, and I shal wyndewe, `or blowe [Om. GH.] , thee in to loondis; and I shal make thi vnclennes to fayle fro thee, [verse 16] and I shal weelde thee in the siȝt of heithen men; and thou shalt wyte, for I the Lord. [verse 17] And the word of the Lord is [verse 18] maad to me, seiynge, Sone of man, the hous of Israel is turnyd in to drosse, or syndre; alle thes bras, and tyn, and yren, and leed, in the mydil of fourneys, ben maad drosse of siluer. [verse 19] Therfor thes thingis seith the Lord God, For that that ȝe alle ben turned in to drosse, ther|for loo! I shal gedre ȝou in the mydil of [verse 20] Jerusalem, a gedrynge of siluer, and bras, and yren, and tyn, and leed, in the mydil of the fourneys; and I shal teende a fier in it, to welle to gidre; so Y shal gedre ȝou in my woodnes, and in my wraththe, and I shal reste aȝen. And I shal welle [verse 21] ȝou togidir, and I shal gadre ȝou, and I shal kyndil ȝou in fier of my woodnes, and ȝe shulen be wellid to gidre in the mydil of it. [verse 22] As siluer is wellid to gidre in mydil of the fourneis, so shulen ȝe be

in the mydil of it; and ȝe shulen wite, for Y the Lord, whanne Y haue shedde out myn indignacioun vpon ȝou. [verse 23] And the word of the Lord is maad to me, seiynge, [verse 24] Sone of man, sey to it, Thou art the vn|clene loond, not reynyd togidir in the dai of woodnes. [verse 25] Coniurisoun of pro|phetis in the mydil of it; as a lioun ror|ynge and takynge pray, thei deuoureden soule, or lijf, of the nedi man, and thei token priys; thei multiplieden widewis of it in the mydil of it. [verse 26] The preestis of it dispiseden my lawe, and defouleden my seyntuaries; thei hadden no difference bitwix hooli and vnhooli, thei vndirstoden not bitwixe vnclene and clene thing; and thei turneden awey her eyen fro my sa|botis, and Y was defoulid in the mydil of hem. [verse 27] The princis of it in the [Om. G pr. m. H.] mydil of it as wulues rauyshynge pray, for to shede out blood, and for to lese soulis, and gredili suynge wynnyngis. [verse 28] Forsothe the prophetis of it dawbiden hem with outen temperure, seynge veyn thingis, and dyuynynge lesynges to hem, seiynge, Thes thingis seith the Lord God, whanne the Lord spak not. [verse 29] Puplis of the loond falsli chalengiden fals chalenge, and vio|lentli rauysheden the nedi man, and tour|mentiden the pore man; and thei oppress|iden the cumlynge with fals chalenge, with outen doom. [verse 30] And Y souȝte `of hem [Om. A.] a man, that shulde bitwene putte an hegge, and stonde sette euen aȝens me fro the loond, leste Y shulde distruye it, and Y foond not. [verse 31] And Y shedde out myn indignacioun vpon hem, and in the fier of my wraththe Y waastide hem; Y ȝeelde the weye of hem in to the heed of hem, seith the Lord God.