The Holy Bible, containing the Old and New Testaments, with the Apocryphal books,

[Her gynneth [bigynneth AEK.] the Lamentacioun of Je|remye [Jeremye, the prophete A.] , that is in title Cenoth, with the soylinge out of Ebru lettris [lettres of reed. K.] .] CAP. I.

[verse 1] Aleph. Hou sitteth alone the cite ful of puple? mad is as a [Om. K.] widewe the ladi of folc of kinde; prince [princis A.] of prouynces mad is vnder tribute. [verse 2] Beth. Wepende she wepte in the nyȝt, and the teres of hir in hir chekus; ther is not that coum|forte hir, of alle hir derwrthe; alle her frendus dispiseden [spiseden AEGHK.] hir, and ben mad to hir enemys. [verse 3] Gimel. Passyde Juda for the affliccioun and the multitude of seru|age, dwellide among Jentiles, ne she [he E pr. m.] fond reste; alle hir pursuerus caȝten hir among anguysshis. [verse 4] Deleth. The weies of Sion weilen, for thi that ther ben not, that come to the solempnete; alle hir ȝatus ben stroȝed, hir prestys weilende, hir maidenus foule, and she opressed with bitternesse. [verse 5] He. Mad ben hir enemys in the hed, and hir enemys ben richid, for the Lord spac vp on hir. For the multitude of hir wickenesses [wickidnesses AGHK.] hir [Om. C.] litil childer ben lad in to caitifte, bifor the face of the trublende. [verse 6] Vau. And wente out fro the doȝter of Sion `al hir [Om. AGHK.] fair|nesse; mad ben hir princes as wetheres not fyndende leswis, and thei wenten

awei withoute strengthe bifor the face of the folewere. [verse 7] Sai. And recordide Jeru|salem of the daies of hir affliccioun and trespas, and of alle hir desirable thingus that she hadde fro the olde daies; whan shulde falle hir puple in the enemys hond, and ther was not an helpere; seȝen hir the [Om. HK.] enemys, and scorneden hir saba|tus. [verse 8] Heth. A synne synnede Jerusalem, therfore [and therfor AK.] vnstable she is mad; alle that glorifieden hir dispiseden hir, for thei seȝen hir shenshipe; she forsothe weil|ende, and is turned bacward. [verse 9] Teth. The filthis of hir in hir feet, and she record|ide not of hir ende; do doun she is hugeli, not hauende a comfortour; see, Lord, my tormenting, for rered vp is the enemy. [verse 10] Joth. His hond sente [putte C pr. m. E pr. m.] the ene|my to alle hir [Om. A. the K.] desirable thingus; for she saȝ Jentilis gon in to hir [thi E pr. m.] seyntuarie, of whiche thou haddist comaundid, that thei shulde not [non K.] go in to thi chirche. [verse 11] Caf. Al hir puple weilende and sechende bred, and ȝeeuen eche preciouse thingus for mete to be refreshid the soule; see, Lord, and behold, for mad Y am foul. [verse 12] Lameth. O! alle ȝee that passen bi the weie, tak|eth heed, and seeth, if ther is sorewe as my sorewe; for to-pullid me it hath, as the Lord spac in the dai of the [Om. A.] wrathe of his wodnesse. [verse 13] Men. Fro an heiȝ he sente fyr in my bonus, and lernede me; spredde out a net to my feet, turnede me bacward; he sette me desolat, al dai with mournyng defacid [destroȝid E pr. m.] . [verse 14] Nun. Wakide the ȝoc [hour A.] of my wickenesses [wickidnes A. wickidnessis GHK.] in his hond, wrappid thei ben togidere, and leid on my necke; feblid is my vertu; ȝaf me the Lord in the hond, of whiche Y shal not moun rise. [verse 15] Sameth. Toc awei the Lord alle my grete wrthi doeres fro my myd|del; he clepede aȝen me tyme, that he [be E.] to-brose my chosene; the presse trad the Lord to [Om. E pr. m.] the maide [maiden E.] , doȝter of Juda.

[verse 16] Ayn. Therfore Y wepende, and myn eȝe [eyen AG. eeȝen H.] ledende doun water; for ferr mad `fro me [Om. E pr. m.] is the coumfortour, turnende my soule; mad ben my sonus lost, for mor myȝti was the enemy. [verse 17] Fee. Straȝte out Sion hir hondus, ther is not that coumforte hir; the Lord sente aȝen Jacob, in the cumpas of hir, hir enemys; mad is Jerusa|lem as defoulid with wymmen flux blodis among hem. [verse 18] Sade. Riȝtwis is [Om. C pr. m.] the Lord, for his mouth to wrathe Y terrede; her|eth, Y beseche, alle puplis, and seeth my sorewe; my maidenes and my ȝunge men wenten in to caitifte. [verse 19] Cof. I clepede my frendus, and thei bigileden me; my prestus and myn olde men in the cite ben wastid; for thei soȝten mete [meede C.] to them|self, that thei refreshe [refresheden E sec. m.] ther soule. [verse 20] Res. See, Lord, for Y am trublid, al disturbid is my wombe; turned vp so doun is myn herte in myself, for of bitternesse ful Y am; withouteforth sleeth [slooȝ C pr. m. slewȝ AE pr. m. GHK.] the sword, and at home deth is lyc. [verse 21] Syn. Thei herden, for Y inwardli weile, and ther is not that coumforteth me; alle myn enemys herden myn euel, gladiden, for thou didist; thou broȝtist to dai of coum|forting, and [Om. A.] mad thei shul be lic me. [verse 22] Tau. Go yn al the euel of hem bifor thee, and to-pulle hem, as thou to-pulled|ist me for my wickydnesses [wickidnes A. wickenesses E.] ; manye forsothe my weilingis, and myn herte moornende.