The Holy Bible, containing the Old and New Testaments, with the Apocryphal books,

CAP. LI.

[verse 1] These thingus seith the Lord, Lo! Y shal reren vp on Babilon, and vp on his dwelleris, that ther herte rereden aȝen me [Om. C pr. m.] , as a wind bringende in pestilence. [verse 2] And Y shal sende in to Babilon wynew|eres, and thei shul wynewe it, and de|stroȝen his lond; for they camen vp on it on eche side in the dai of his tormenting. [verse 3] And [Om. AE sec. m. GHK.] he shal not wone, that beendith his bowe, and steȝen vp shal not the clothide with an habirioun; wileth not spare to his ȝunge men, sleth al his chyualrie. [verse 4] And falle shuln the slayne in the lond of Caldeis, and the woundid in his regeouns. [verse 5] For Irael was not `forsake, or maad wy|dow [maad widewe A. forsake C et E pr. m. maad widu, or forsake GHK.] , and Juda fro the Lord ther God, Lord of ostus; the lond forsothe of hem folfild is of gilte fro the hoely of Irael. [verse 6] Fleeth fro the myddel of Babilon, that eche man saue his soule; wileth not be stille vp on his wickenesse [wickid|nes AGHK.] , for tyme of his veniaunce is to [in A.] the Lord; his while he shal ȝelde to hym. [verse 7] A goldene chalis

of Babiloyne in the hond of the Lord, drunknende al the lond; of his wyn drunke the Jentilis, and thennus thei ben to-stirid. [verse 8] Sodeynly fel Babilon, and is to-brosid; ȝelleth vpon yt, taketh recyne gumme to his sorewe, if parauenture he be helid. [verse 9] Wee han cured Babilon, and he is not helid; forsake wee it, and go wee eche in to his lond; `for ful [ferful GH.] cam `vn to [in to AGHK.] heuenus [heuen G pr. m. H.] hys dom, and vp rered is vn to the cloudus. [verse 10] The Lord broȝte forth oure [his A sup. ras. C pr. m. E pr. m.] riȝtwisnesses; come [cometh AEGHK.] , and telle wee in Sion the werc of the Lord oure God. [verse 11] Sharpeth arwes, fulfilleth [and fulfillith A.] arwe cases; the Lord rerede his spirit of kingus of Medes, and aȝen Babilon is his mynde, that he leese it, for the veniaunce of the Lord is, the veniaunce of his temple [peple AGHK.] . The king of Medus aȝen Babilon of the Lord is rered. [verse 12] Vp on the wallis of Ba|bilon rereth a tocne, eecheth the warde, rereth the keperes, greithith busshemens; for the Lord thoȝt, and dide, what euere thingus [thing AK.] he spac aȝen the dwelleris of Babilon. [verse 13] That dwellist vp on manye watris, riche in tresores, comen is thin ende, the foot mesure of thi kutting of. [verse 14] The Lord of ostus swor bi his lyf, for Y shal fulfille thee of men, as with bruc werm, and vp on thee a merie faring song shal be sunge. [verse 15] That made the erthe in his strengthe, biforn made redi the world in his wisdam, and bi his pru|dence straȝte out heuenus. [verse 16] Hym ȝyuende vois, ben multeplied watris in heuene; that rereth cloudus fro the vtmost [vttermost AGHK.] of the erthe, leitus `in to [in K.] reyn [the reyne A.] made, and broȝte [verse 17] forth wind of his tresores. Fool is mad eche man of kunnyng, confoundid is eche ȝeetere in grauen thing; for `fals is his [liȝing is E pr. m.] ȝeting, ne ther is spyrit in hem. [verse 18] Veyne ben the werkus, and wrthi scornyng; in tyme of ther visityng thei shul pershe. [verse 19] Not as this the part of Jacob; for that [he that E pr. m.]

made alle thingus he is, and Irael the kingus dignete of his eritage, the Lord of ostus his name. [verse 20] Thou hurtlist to me the vesselis of bataile, and Y shal hurtle in thee Jentilis, and scatere in thee reumus; [verse 21] and Y shal hurtle in thee the hors, and his [the K.] hors man; and Y shal hurtle in thee [verse 22] the char, and his steȝere; and I shal hur|tle in thee the man and the womman; and I shal hurtle in thee the old man and the child; and I shal hurtle in thee [verse 23] the ȝunge man and the maide [mayden AEGHK.] ; and I shal hurtle in thee the shepperde and his floc; and Y shal hurtle in thee the erthe tiliere and his ȝoc oxen; and I shal hurtle in thee dukes and the [Om. AGHK.] maister ȝugis. [verse 24] And I shal ȝeelde to Babilon, and to alle the dwelleris of Caldee, alle his euel, that he dide in Sion, in ȝoure eȝen, seith the Lord. [verse 25] Lo! Y to thee, thou hil berende pestilence, seith the Lord, that corumpist al the erthe. I shal strecche out myn hond vp on thee, and turne out thee fro stonus, and Y shal ȝyue thee in to mount of brennyng. [verse 26] And Y shal not take of thee a ston in to a corner, and a ston in to foundemens; but lost thou shalt be in to with oute ende, seith the Lord. [verse 27] Rereth a tocne in the lond, crieth with a trumpe in mounteynes; halewith vp on it Jen|tilis, telleth out aȝen it [Om. AG pr. m. H.] to the kingus of Ararath, of Menny, and of Ascheneth; noumbreth aȝen it Thasor, bringeth to [Om. A.] vp on it hors, as bruke hauende tonge. [verse 28] Halewith vp on it Jentilis, kingus of Mede, his dukus, and alle his maister iugis, and al the lond of his power. [verse 29] And al to-moued shal be the lond, and disturbid; for wakide out aȝen Babilon the thoȝt of the Lord, that he poote the lond of Babilon desert, and vnabitable. [verse 30] Ceseden the stronge men of Babilon fro bataile, thei dwelten in places of refut; deuoured is [Om. C.] ther stalwrthenesse, and made thei [Om. G pr. m. H.] ben as wymmen; brend vp ben his tabernaclis, to-brosid ben his barres. [verse 31] The

rennere to meete with the rennere shal come, and the messager to meete with the tellere, that he telle out to the king of Babiloyne, for taken is his cite fro the [verse 32] ouermost to the ouermost; and the forthis ben bifor ocupied, and the mershis ben brend vp with fyr, and the men fiȝteres ben disturbid. [verse 33] For these thingus seith the Lord of ostis, God of Irael, The doȝter of Babilon as a corn floor, tyme of his thresshing; ȝit a litil, and come shal the tyme of his reping [visiting E pr. m.] . [verse 34] Eet me, deuourede [deuoure K.] me Nabugodonosor, king of Babiloyne; he ȝeeld me as a voide ves|sel, soupede me vp as a dragoun; he fulfilde his wombe with my tendernesse, and caste me out. [verse 35] Wickenesse [Wickidnes AGHK.] aȝen me, and my flesh vp on Babiloyne, seith the dwelling [dweller AGHK.] of Sion; and my blod vp on the dwelleres of Calde, seith Jerusalem. [verse 36] Therfore these thingus seith the Lord, Lo! Y shal deme thi cause, and venge thi vengyng; and desert shal make his se, and shal drien his veyne. [verse 37] And Ba|bylon shal be in to mynde hepis, the dwelling of dragounus, stoneing and whistling, for thi that ther is not a dwel|lere togidere. [verse 38] And leouns shul rore, and shake out shul her [Om. E pr. m.] lockus, as the whelpus of leouns. [verse 39] In the [Om. C.] hete of hem Y shal putte ther drinc; and Y shal drunkne them, that thei ben greeued with slep, and slepen an euere durende slep, that they rise not, seith the Lord. [verse 40] I [And I AGHK.] shal lede them doun as lombis to slayn sacri|fise, and as wetheris with kidus. Hou taken is Cisac, and caȝt is the glorious of al erthe? [verse 41] What maner mad is in to stoneyng Babilon among Jentilis? [verse 42] And steȝede vp vp on Babilon the se, with the multitude of his flodus it is couered. [verse 43] Mad ben his cites in to stoneyng, the lond vnabitable and desert; the lond in whiche no man dwelle, ne passe thurȝ it the sone of man. [verse 44] And Y shal visite vp on Bel in to Babilon, and throwen awei

that, that it hadde soupid vp fro his mouth, and shul no mor flowe to it Jentilis; forsothe and the wal of Babi|loyne shal at ones [oone K.] falle. [verse 45] Goth out fro his myddel, my puple, that eche man saue his lif fro the wrathe of the wodnesse of [verse 46] the Lord; and lest par auenture waxe nesshe ȝoure herte, and ȝee drede the heering, that shal be herd in the lond; and come shal in a ȝeer heering, and after this ȝer heering and wickenesse [wickidnes AGHK.] in the lond, and lordshipere vp on lordshipere. [verse 47] Ther|fore lo! daȝes comen, seith the Lord, and Y shal visite vp on grauen thingus of Babiloyne; and al hys lond shal be con|foundid, and alle his slayne shuln falle in his myddel. [verse 48] And preise shul vp on Babiloyne heuenus, and erthe, and alle thingus that in hem ben; for fro the north shul come to it reueres, seith the Lord. [verse 49] And hou dide Babilon, that fallen shulde slayn men in Irael, so fro Babylon falle shul slayn men in al the lond. [verse 50] Ȝee that fledden [flown E pr. m.] the swerd, come [cometh AEGHK.] , and wileth not stonde; recordeth aferr of the Lord, and Jerusalem steȝe vp on ȝoure herte. [verse 51] Confoundid wee ben, for wee han herd repref; couerede shenshype oure faces, for ther camen alienus vp on the halewing of the hous of the Lord. [verse 52] Therfore lo! daȝes comen, seith the Lord, and Y shal visite vp on the grauen thingus of Babiloyne, and in al his lond loowen shal the woundid. [verse 53] If steȝen [stei vp A.] shul Babilon in to heuene, and fastne in heiȝte his stalwrthe|nesse, to me shul come his wasteres, seith the Lord. [verse 54] Vois of the criende fro Babilon, and gret to-treding fro the lond [verse 55] of Caldeis, for the Lord wastide Babilon, and lost of it a gret vois; and sowne shuln his flodus as many watris. Ȝaf soun [verse 56] the vois of hem, for ther cam vp on it, that is, vp on Babilon, the reuere; and [Om. E pr. m.] caȝt ben his stronge men, and driede out the bowe of them, for a stronge vengere the Lord; ȝeldende aȝeyn [Om. C pr. m. E pr. m.] he shal ȝelde.

[verse 57] And Y shal drunkne [drynche K.] his princes, and his [Om. E pr. m.] wise men, his dukis, and his maister iugis, and his stronge men; and thei shul slepen an euere lastende slep, and thei shul not ben wakid, seith the king, Lord of ostus his name. [verse 58] These thingus seith the Lord God of ostus, The wal of Babilon he the heiest with vndermynyng shal be vndermyned, and his heȝe ȝatus shul be brend with fyr; and the trauailis of puples at noȝt, and [Om. K.] of [and into fijr of E pr. m.] Jentilis `in to fyr thei [Om. E pr. m.] shul ben, and pershen. [verse 59] And the wrd that Jeremye, the profete, co|maundide to Saraie, sone of Nerie, sone of Masie, whan he shulde go [go out K.] with king Sedechie in to Babiloyne, in the ferthe ȝer of his regne; Saraie forsothe was prince of profecie. [verse 60] And Jeremye wrot al the euel, that was to com vp on Babi|lon, in o boc, alle these wrdus that ben write aȝen Babilon. [verse 61] And Jeremye seide to Saraie, Whan thou shalt come in to Babilon, and seen, and reden alle these [verse 62] wrdus, thou shalt sei, Lord, thou speeke aȝen this place, that thou shuldist de|stroȝe it, that ther be not that in it dwelle, fro man vn to beste, and that ther be perpetuel wildernesse. [verse 63] And whan thou hast ful endid to rede this boc, thou shalt binde to it a ston, and throwen it in to the myddel of Eufraten; and sey, [verse 64] So shal be dreynt Babilon, and not rise fro the face of the tormenting, that Y bringe vp on it, and it shal be loosed. Hiderto the wrdus of Jeremye.