The Holy Bible, containing the Old and New Testaments, with the Apocryphal books,

CAP. XLVI.

[verse 1] The [That don is the E pr. m.] wrd of the Lord `that is do [Om. E pr. m.] to [verse 2] Jeremye, profete, aȝen Jentiles; to Egipt, aȝen the ost of Farao Nechao, king of Egipt, that was biside the flod of Eufra|ten, in Carkamys, whom smot Nabugo|donosor, king of Babiloyne, in the ferthe ȝer of Joachym, sone of Josie, king of

Juda. [verse 3] Greitheth sheeld and target, and goth forth to bataile. [verse 4] Ioyneth hors, and steȝeth vp, ȝee hors men; stondeth in helmes, pulsheth speres, clotheth ȝou with habiriownus. [verse 5] What thanne? I saȝ hem ferd, and the backes turnende, the [and the AE pr. m.] stronge men of hem hewen doun; and thei floun togidere hastid, ne thei beheelden; ferd on eche syde, seith the Lord. [verse 6] Flee shal not the swifte, ne the stronge weene hymself to be saued; to the north, biside the flod of Eufraten, thei ben ouercome, and felden [fellen E pr. m.] doun [Om. AEGHK.] . [verse 7] Who is this, that as the flod steȝeth vp, and as of flodis swellen his swolewis? [verse 8] Egipt at licnesse [the lickenes K.] of a flod steȝeth vp, and as flodus shul be moued his flowingus; and `he shal [Om. E pr. m.] sey, Steȝende vp Y shal `couere the erthe [steȝe, couerende erthe E pr. m. coueren erthe E sec. m. G pr. m. AK.] destroȝe cite [citees A.] , and his dwelleres. [verse 9] Steȝeth vp hors, and ful out ioȝe thin chares; and go forth, stronge men, Ethiope and Libie, holdende sheeld, and Liddy, takende and throwende arwis. [verse 10] That dai forsothe of the Lord God of ostus, dai of veniaunce, that he take veniaunce of his enemys; deuouren shal the swerd, and be fulfild, and be to|drunke with the [Om. AGH.] blod of hem [men AGHK.] ; victorie [Om. C pr. m.] sacrifise forsothe of the Lord of ostus in the lond of the north, biside the flod of Eufraten. [verse 11] Steȝe [Steieth A.] vp in to Galaad, and tac the gumme, that is clepid recyne, thou maiden doȝter of Egipt. In veyn thou hast multeplied medecynes; helthe shal not be to thee. [verse 12] Herden Jentiles thi shen|shepe, and thi ȝellinge fulfilde the erthe; for [and E pr. m.] the stronge man putte aȝen the stronge man, and bothe togidere fellen. [verse 13] The wrd that the Lord spac to Jeremye, the profete, vp on that that to come was Nabugodonosor, king of Babyloyne, and to smyte the lond of Egipt. [verse 14] Telleth to Egipt, and herd maketh in Magdalo, and eft sowne it [Om. E pr. m.] in Memfys, and in Tapnys seith, Stond, and greithe thee, for de|uoure

shal swerd tho thingus that in [bi AE sec. m. K sec. m.] thin enuyroun ben. [verse 15] Whi `to-rotide [to-stank E pr. m.] thi stronge [stronge man G sec. m.] ? He stod not, for the Lord turnede hym vp so doun. [verse 16] He multe|pliede men fallende, and the man fel to his neȝhebore; and thei shul seyn, Ris [Rijse we K pr. m.] , and turne wee aȝeen to oure puple, and to the lond of oure birthe, fro the face of the swerd of the culuer. [verse 17] Clepeth the name of Farao, king of Egipt; tyme [and tyme A.] hath broȝt noise. [verse 18] I lyue, seith the king, Lord of ostus his name; for as Thabor in mounteynes, and as Carmel in the se, he shal come. [verse 19] Vesseles of transmygra|cioun mac to thee, thou dwelleresse, doȝ|ter of Egipt; for Memfys in wildernesse shal ben, and be forsoken and vnhabit|able [vnhabitable shal ben E pr. m.] . [verse 20] The she calf fair and shapli Egipt; the prickere fro the north shal come to hir [thee E pr. m.] . [verse 21] Also his hirid men, that woneden [moueden A.] in his myddel as fattyd calues, ben turn|ed, and floun togidere, ne myȝte stonde; for the dai of the slaȝter of them shal come vp on hem, tyme of ther visiting. [verse 22] His vois as of bras shal sowne, for with the ost thei shul go forth, and with axes thei shul come to hym. As fallende doun [verse 23] trees thei heewe [heweden A.] doun his wilde wode, seith the Lord, that mai not be noum|bred; they ben multeplied aboue locustus, and ther is not in them noumbre. [verse 24] Con|foundid is the doȝter of Egipt, and take in the hond of the puple of the north, seide the Lord of ostus, God of Irael. [verse 25] Lo! Y shal visite `vp on [vp H.] the noise of Alisaun|dre, and vp on Farao, and vp on Egipt, and vp on his godus, and vp on his kinges, and vp on hem that trosten in hym. [verse 26] And Y shal ȝyuen hem in [into GH.] the hond of men sechende the lif of hem, and in to the hondus of Nabugodonosor, king of Babi|loyne, and in to the hondus of his ser|uauns; and after these thingus it shal be dwellid, as in the rathere daȝes, seith the Lord. [verse 27] And thou, my seruaunt Jacob, ne drede thou, ne take ferd, thou Irael;

for lo! Y saaf shal make thee fro aferr [fer AGHK.] , and thi [his AGHK.] sed fro the lond of his caitifte; and turnen aȝeen shal Jacob, and resten, and be mad welsum, and ther shal not ben, that fere hym. [verse 28] And wile thou not drede, thou my seruaunt Jacob, seith the Lord, for Y am with thee; for [and E pr. m.] Y shal waste alle Jentiles, to whiche I caste thee out; thee forsothe I shal not waste, but Y shal chastise thee in dom, ne as to an ynnocent Y shal sparen to thee.